ಜನರ ವಾಕ್ಯವೇ ದೇವರ ವಾಕ್ಯ-ಶಿರಸಾವಹಿಸಿ ಪಾಲನೆ ಮಾಡ್ತೇವೆ: ಸಿಧು

ಪಂಜಾಬ್:‌ ಅಮೃತಸರ ಪೂರ್ವ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧೆ ಮಾಡಿದ್ದ ನವಜೋತ್‌ ಸಿಂಗ್‌ ಸಿಧು ಹೀನಾಯವಾಗಿ ಸೋಲನ್ನನುಭವಿಸಿದ್ದಾರೆ. ಸಿಎಂ ಅಭ್ಯರ್ಥಿ ರೇಸ್‌ನಲ್ಲಿದ್ದ ಕಾಂಗ್ರೆಸ್‌ ನಾಯಕ ಸಿಧುಗೆ ಭಾರೀ ಹಿನ್ನೆಡೆ ಉಂಟಾಗಿದೆ, ಈ ವೇಳೆ ಪಂಜಾಬ್‌  ವಿಧಾನಸಭೆ 2022 ರ ಚುನಾವಣೆಯ ಫಲಿತಾಂಶಗಳ ಬಗ್ಗೆ ಪ್ರತಿಕ್ರಿಯೆ ನೀಡಿದ ಸಿಧು ಜನರ ವಾಕ್ಯವೇ ದೇವರ ವಾಕ್ಯ.. ಅವರ ತೀರ್ಮಾನಗಳನ್ನು ನಾವು ಶಿರಸಾವಹಿಸಿ ಪಾಲನೆ ಮಾಡ್ತೆವೆ ಎಂದು ತಿಳಿಸಿದ್ದಾರೆ..

ಪಂಜಾಬ್‌ನಲ್ಲಿ ಆಪ್‌ ತನ್ನ ಅಧಿಕಾರ ಚುಕ್ಕಾಣಿ ಹಿಡಿಯಲಿದೆ. ಈಗಾಗಲೇ ಭಗವಂತ್‌ ಮಾನ್‌ ದೆಹಲಿ ಸಿಎಂ ಅರವಿಂದ್‌ ಕೇಜ್ರಿವಾಲ್‌ ಭೇಟಿ ಮಾಡಿ ಸಂತೋಷವನ್ನು ಹಂಚಿಕೊಂಡಿದ್ದಾರೆ. ಕೇಜ್ರಿವಾಲ್‌ಗೆ ಜಿಲೇಬಿ ನೀಡಿ ಗೆಲುವಿನ ಸಂಭ್ರಮವನ್ನು ಹಂಚಿಕೊಂಡಿದ್ದಾರೆ.