ದಾವೂದ್‌ ಇಬ್ರಾಹಿಂಗೆ ವಿಷ ಪ್ರಾಶಣ ಮಾಡಿದರಾ..?; ಆತನ ಆರೋಗ್ಯ ಸ್ಥಿತಿ ಈಗ ಹೇಗಿದೆ..?

ಇಸ್ಲಾಮಾಬಾದ್; ಭೂಗತ ಪಾತಕಿ ದಾವೂದ್‌ ಇಬ್ರಾಹಿಂ ಪಾಕಿಸ್ತಾನದ ಕರಾಚಿಯಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದಾನೆ. ಯಾರೋ ಆತನಿಗೆ ವಿಷಪ್ರಾಶಣ ಮಾಡಿದ್ದು, ದಾವೂದ್‌ ತೀವ್ರ ಅಸ್ವಸ್ಥನಾಗಿದ್ದಾನೆ ಎಂದು ಹೇಳಲಾಗುತ್ತಿದೆ. ಎರಡು ದಿನಗಳ ಹಿಂದೆಯೇ ದಾವೂದ್‌ ಆಸ್ಪತ್ರೆಗೆ ದಾಖಲಾಗಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಭೂಗತ ಪಾತಕಿ ದಾವೂದ್‌ ಇಬ್ರಾಹಿಂ ದಾಖಲಾಗಿರುವ ಆಸ್ಪತ್ರೆಗೆ ಬಿಗಿ ಭದ್ರತೆ ಒದಗಿಸಲಾಗಿದೆ. ದಾವೂದ್‌ ಇರುವ ಮಹಡಿಯಲ್ಲಿನ ರೋಗಿಗಳನ್ನು ಬೇರೆ ಆಸ್ಪತ್ರೆಗೆ ಸ್ಥಳಾಂತರ ಮಾಡಲಾಗಿದೆ. ದಾವೂದ್‌ ನಿಕಟವರ್ತಿಗಳಿಗೆ ಮಾತ್ರ ಆ ಮಹಡಿಗೆ ಹೋಗಲು ಅವಕಾಶ ನೀಡಲಾಗಿದೆ. 

1993ರಲ್ಲಿ ಮುಂಬೈನಲ್ಲಿ ನಡೆದ ಸರಣಿ ಸ್ಫೋಟದಲ್ಲಿ 250 ಮಂದಿ ಸಾವನ್ನಪ್ಪಿದ್ದರು. ಇದರ ಮಾಸ್ಟರ್‌ ಮೈಂಡ್‌ ಇದೇ ದಾವೂದ್‌ ಇಬ್ರಾಹಿಂ. ದಶಕಗಳಿಂದ ಭೂಗತನಾಗಿರುವ ದಾವೂದ್‌ ಇಬ್ರಾಹಿಂಗಾಗಿ ಭಾರತ ಹುಡುಕಾಟ ನಡೆಸುತಲೇ ಇತ್ತು. ಆತ ಪಾಕಿಸ್ತಾನದಲ್ಲೇ ಇದ್ದರೂ, ಪಾಕಿಸ್ತಾನ ಸರ್ಕಾರ ಅದನ್ನು ನಿರಾಕರಿಸುತ್ತಲೇ ಬಂದಿದ್ದರು.  ಭಾರತ ಮತ್ತು ಅಮೆರಿಕ ದಾವೂದ್‌ನನ್ನು ಅಂತಾರಾಷ್ಟ್ರೀಯ ಭಯೋತ್ಪಾದಕ ಎಂದು ಗುರುತಿಸಿವೆ. ದಾವೂದ್ ಇಬ್ರಾಹಿಂ ತಲೆಗೆ ಎನ್‌ಐಎ 25 ಲಕ್ಷ ಬಹುಮಾನವನ್ನೂ ಘೋಷಿಸಿದೆ.