MLA GopalaIah; ಮಾಜಿ ಸಚಿವ ಗೋಪಾಲಯ್ಯಗೆ ಜೀವಬೆದರಿಕೆ; ಬೆದರಿಕೆ ಹಾಕಿದ್ಯಾರು..?
ಬೆಂಗಳೂರು; ನನಗೆ ಹಣ ಬೇಕು ಅಷ್ಟೇ. ಕೊಡದಿದ್ದರೆ ನಿನ್ನನ್ನ ಸುಮ್ಮನೆ ಬಿಡುವುದಿಲ್ಲ ನಿನ್ನನ್ನ ಮುಗಿಸೇ ಮುಗಿಸ್ತೀನಿ ಅಂತ ಮಾಜಿ ಸಚಿವ ಹಾಗೂ ಬೆಂಗಳೂರಿನ ಮಹಾಲಕ್ಷ್ಮೀ ಲೇಔಟ್‌ ಕ್ಷೇತ್ರದ ಶಾಸಕ ಗೋಪಾಲಯ್ಯಗೆ ಬೆದರಿಕೆ ಕರೆ ಬಂದಿದೆ. ಮಧ್ಯರಾತ್ರಿ ಈ ಕರೆ ಮಾಡಲಾಗಿದ್ದು, ಗೋಪಾಲಯ್ಯ ಅವರು ಸ್ಪೀಕರ್‌ ಹಾಗೂ ಗೃಹ ಸಚಿವರಿಗೆ ರಾತ್ರಿಯೇ ದೂರು ಕೊಟ್ಟಿದ್ದಾರೆ.. ಆರೋಪಿ ಪದ್ಮರಾಜ್‌ರನ್ನು ಪೊಲೀಸರು ಬಂಧಿಸಿದ್ದು ವಿಚಾರಣೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ; Valentines day Special; ಪ್ರೀತಿಯಲ್ಲಿ ಮಿಂದೆದ್ದ ಕನ್ನಡ ಸೆಲೆಬ್ರಿಟಿಗಳಿವರು!
ಮಾಜಿ ಕಾರ್ಪೋಟರ್‌ರಿಂದ ಜೀವ ಬೆದರಿಕೆ!;
ಮಾಜಿ ಕಾರ್ಪೋಟರ್‌ರಿಂದ ಜೀವ ಬೆದರಿಕೆ!; ಶಾಸಕ ಗೋಪಾಲಯ್ಯ ಆರೋಪ ಮಾಡುತ್ತಿರೋದು ಬಸವೇಶ್ವರ ನಗರದ ಮಾಜಿ ಕಾರ್ಪೊರೇಟರ್‌ ಪದ್ಮರಾಜ್ ಅವರ ವಿರುದ್ಧ. ಪದ್ಮರಾಜ್ ಅವರು ಕಳೆದ ರಾತ್ರಿ 11.01 ನಿಮಿಷಕ್ಕೆ ಗೋಪಾಲಯ್ಯ ಅವರಿಗೆ ಕರೆ ಮಾಡಿದ್ದಾರೆ. ಈ ವೇಳೆ ನಿನ್ನನ್ನು ಮುಗಿಸುತ್ತೇನೆ ಎಂದು ಬೆದರಿಕೆ ಹಾಕಿದ್ದಾರೆ ಎಂದು ತಿಳಿದುಬಂದಿದೆ. ಈ ಸಂಬಂಧ ಗೋಪಾಲಯ್ಯ ಅವರು ದೂರು ಕೊಟ್ಟಿದ್ದಾರೆ.
ಮೆಡಿಕಲ್‌ ಸೀಟು ಸಂಬಂಧ ಇಬ್ಬರ ನಡುವೆ ಜಗಳ!;
ಮೆಡಿಕಲ್‌ ಸೀಟು ಸಂಬಂಧ ಇಬ್ಬರ ನಡುವೆ ಜಗಳ!; ಮಾಜಿ ಸಚಿವ ಗೋಪಾಲಯ್ಯ ಅವರು ಬಿಜಿಎಸ್‌ ಮೆಡಿಕಲ್‌ ಕಾಲೇಜಿನಲ್ಲಿ ಪದ್ಮರಾಜ್ ಅವರ ಮಗಳಿಗೆ ಸೀಟು ಕೊಡಿಸಿದ್ದರಂತೆ. ಅನಂತರ ಗೋಪಾಲಯ್ಯ ಸಚಿವರಾಗಿದ್ದ ಸಂದರ್ಭದಲ್ಲಿ ರಾಜಾಜಿನರದ ಇಎಸ್‌ಐ ಆಸ್ಪತ್ರೆಯಲ್ಲಿ ಕೆಲಸ ಕೂಡಾ ಕೊಡಿಸಿದ್ದರಂತೆ. ಈ ವಿಚಾರದ ಸಂಬಂಧವೇ ಇಬ್ಬರ ನಡುವೆ ಜಗಳ ನಡೆದಿದೆ ಎನ್ನಲಾಗಿದೆ. ನನಗೆ ಹಣ ಬೇಕು ಎಂದು ಪದ್ಮರಾಜ್ ಧಮಕಿ ಹಾಕಿದ್ದಾರೆ ಎಂದು ತಿಳಿದುಬಂದಿದೆ. ಈ ಸಂಬಂಧ ಗೋಪಾಲಯ್ಯ ಅವರು ಕಳೆದ ರಾತ್ರಿಯೇ ಪೊಲೀಸರಿಗೂ ದೂರು ಕೊಟ್ಟಿದ್ದಾರೆ. ಕಾಮಾಕ್ಷಿ ಪಾಳ್ಯ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ಇದನ್ನೂ ಓದಿ; Valentines Day; ಪ್ರೇಮಿಗಳ ದಿನದ ಹಿಂದೆ ಇಷ್ಟೊಂದು ಕತೆ ಇದೆಯಾ?
ಇನ್ನು ಪದ್ಮರಾಜ್ ಕೇಳಿದಷ್ಟು ದುಡ್ಡು ಕೊಡು ಇಲ್ಲಾ ಮುಗಿಸ್ತೀನೆಂದು ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ. ನನಗೂ ಆತನಿಗೆ ಯಾವುದೇ ಹಣದ ವ್ಯವಹಾರ ನಡೆದಿಲ್ಲ. ಹೀಗಿದ್ದರೂ ನನಗೆ ಬೆದರಿಕೆ ಹಾಕುತ್ತಿದ್ದಾನೆ. ಆತನನ್ನು ಗಡಿಪಾರು ಮಾಡಬೇಕು ಎಂದು ಗೋಪಾಲಯ್ಯ ಆಗ್ರಹ ಮಾಡಿದ್ದಾರೆ. ಜೊತೆಗೆ ಈ ಬಗ್ಗೆ ಇಂದು ಬೆಳಗ್ಗೆ ಸ್ಪೀಕರ್‌ಗೆ ನೇರವಾಗಿ ದೂರು ಕೊಟ್ಟಿದ್ದಾರೆ.
