ಬಿಜೆಪಿ ಅಭ್ಯರ್ಥಿಗೆ ಅಡುಗೆ ಮಾಡಲು ಲಾಯಕ್ಕು; ಶಾಮನೂರು ಹೇಳಿಕೆಗೆ ಸೈನಾ ನೆಹ್ವಾಲ್‌ ಕಿಡಿ
ಬೆಂಗಳೂರು; ದಾವಣಗೆರೆ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಗಾಯತ್ರಿ ಅವರು ಅಡುಗೆ ಮಾಡಲು ಲಾಯಕ್ಕು ಎಂದು ಕಾಂಗ್ರೆಸ್‌ ಹಿರಿಯ ಶಾಸಕ ಶಾಮನೂರು ಶಿವಶಂಕರಪ್ಪ ಹೇಳಿದ್ದರು.. ಇದಕ್ಕೆ ಭಾರತದ ಖ್ಯಾತ ಬ್ಯಾಡ್ಮಿಂಟನ್‌ ತಾರೆ ಸೈನಾ ನೆಹ್ವಾಲ್‌ ಕಿಡಿ ಕಾರಿದ್ದಾರೆ.. ಸಮಾಜದಲ್ಲಿ ಮಹಿಳೆಯನ್ನು ಈಗಲೂ ಅಬಲೆಯನ್ನಾಗಿ ನೋಡಲಾಗುತ್ತಿದೆ. ಆದ್ರೆ ಮಹಿಳೆ ಸಬಲೆ ಅನ್ನೋದನ್ನು ಈಗಾಗಲೇ ಸಾಬೀತು ಮಾಡಿದ್ದಾಳೆ ಎಂದು ಸೈನಾ ನೆಹ್ವಾಲ್‌ ಹೇಳಿಕೊಂಡಿದ್ದಾರೆ.
ಇದನ್ನು ನೋಡಿ; ಅಪ್ಪ ಯೋಗೇಶ್ವರ್‌ ಬಿಜೆಪಿ ನಾಯಕ; ಮಗಳಿಗೆ ಕಾಂಗ್ರೆಸ್‌ ಸೇರೋ ಬಯಕೆ!
ಸೈನಾ ನೆಹ್ವಾಲ್‌ ಟ್ವೀಟ್‌ನಲ್ಲೇನಿದೆ..?
ಮಹಿಳೆ ಅಬಲೆಯಲ್ಲ, ಆಕೆ ಸಬಲೆ.. ಕಾಂಗ್ರೆಸ್‌ ಪಕ್ಷವೇ ಮಹಿಳೆಯರು ಪುರುಷರಂತೆ ಎಲ್ಲಾ ಕ್ಷೇತ್ರಗಳಲ್ಲೂ ಮುಂಧೆ ಬರಬೇಕೆಂದು ಅಭಿಯಾನ ಮಾಡಿತ್ತು.. ಆದ್ರೆ ಇದೀಗ ಅದೇ ಪಕ್ಷದ ಕರ್ನಾಟಕದ ಕಾಂಗ್ರೆಸ್‌ ಹಿರಿಯ ನಾಯಕರೊಬ್ಬರು ಮಹಿಳೆಯರ ಬಗ್ಗೆ ಅತ್ಯಂತ ಕೀಳಾಗಿ ಹೇಳಿಕೆ ನೀಡಿದ್ದಾರೆ. ಇದು ಕಾಂಗ್ರೆಸ್‌ ಪಕ್ಷ ನಿಜವಾದ ಮನಸ್ಥಿತಿ ಎಂದು ಸೈನಾ ನೆಹ್ವಾಲ್‌ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ;ಲೋಕಸಭಾ ಚುನಾವಣೆ; ಯಾರು, ಎಲ್ಲಿ, ಏನು ಹೇಳಿದರು..?
ನಾರಿ ಶಕ್ತಿಗೆ ನಮನ ಸಲ್ಲಿಸುತ್ತೇವೆ. ಪ್ರಧಾನಿ ನರೇಂದ್ರ ಮೋದಿಯವರು ಮಹಿಳಾ ಮೀಸಲಾತಿ ಕಾಯ್ದೆಯನ್ನು ಪಾಸ್‌ ಮಾಡಿದ್ದಾರೆ. ಇದೇ ಸಂದರ್ಭದಲ್ಲಿ ನಾರಿಶಕ್ತಿಗೆ ಅವಮಾನ ಮಾಡಲಾಗುತ್ತಿದೆ. ನಮ್ಮ ನಡುವೆ ಎಂತಹ ಜನರಿದ್ದಾರೆ ನೋಡಿ ಎಂದು ಸೈನಾ ನೆಹ್ವಾಲ್‌ ಆಕ್ರೋಶ ಹೊರಹಾಕಿದ್ದಾರೆ..
ಇದನ್ನೂ ಓದಿ; ಶಾರುಖ್‌ ಖಾನ್‌ ಮಗನ ತಿಂಗಳ ಸ್ಕೂಲ್‌ ಫೀಜ್‌ ಬರೋಬ್ಬರಿ 2 ಲಕ್ಷ ರೂಪಾಯಿ!
