ಬೈಜೂಸ್ ಸೆಂಟರ್‌ ನಲ್ಲಿ ಭಾರಿ ಅಗ್ನಿ ಅವಘಡ; ಘಟನೆಗೆ ಕಾರಣ ಏನು ಗೊತ್ತಾ..?
ಆಂಧ್ರಪ್ರದೇಶ; ಆಂಧ್ರಪ್ರದೇಶದ ವಿಶಾಖಪಟ್ಟಣದಲ್ಲಿ ಭಾರಿ ಅಗ್ನಿ ಅವಘಡ ಸಂಭವಿಸಿದೆ. ವಿಶಾಖಪಟ್ಟಣಂನ ನ್ಯೂ ಗಾಜುವಾಕ ಪ್ರದೇಶದಲ್ಲಿರುವ ಬೈಜೂಸ್ ಟ್ರೈನಿಂಗ್‌ ಸೆಂಟರ್‌ನಲ್ಲಿ ಬೆಂಕಿ ಕಾಣಿಸಿಕೊಂಡು ಹೊತ್ತಿ ಉರಿದಿದೆ. ಇದರಿಂದಾಗಿ ಕೆಲಕಾಲ ಆತಂಕದ ವಾತಾವರಣ ಉಂಟಾಗಿತ್ತು. ಅಕ್ಕಪಕ್ಕದ ಕಟ್ಟಡಗಳಿಗೂ ಬೆಂಕಿ ಹರಡುವ ಅಪಾಯವಿತ್ತು.
ಇದನ್ನೂ ಓದಿ; Rajyasabha Election; ಕಾಂಗ್ರೆಸ್‌ ಪರವಾಗಿ ಅಡ್ಡ ಮತದಾನ ಮಾಡಿದ ಎಸ್‌.ಟಿ.ಸೋಮಶೇಖರ್‌
ಮೂರಂತಸ್ತಿನ ಕಟ್ಟಡದಲ್ಲಿ ಬೆಂಕಿ;
ಮೂರಂತಸ್ತಿನ ಕಟ್ಟಡದಲ್ಲಿ ಬೆಂಕಿ; ಬೈಜೂಸ್ ಟ್ರೈನಿಂಗ್‌ ಸೆಂಟರ್‌ ಇರುವ ಮೂರಂತಸ್ತಿನ ಕಟ್ಟಡದಲ್ಲಿ ಇದ್ದಕ್ಕಿದ್ದಂತೆ ಬೆಂಕಿ ಕಾಣಿಸಿಕೊಂಡಿದೆ. ಎರಡನೇ ಅಂತಸ್ತಿನಲ್ಲಿ ಬೈಜೂಸ್ ಸೆಂಟರ್‌ ಅಲ್ಲಿಯೇ ಮೊದಲು ಬೆಂಕಿ ಕಾಣಿಸಿಕೊಂಡಿದೆ. ವಿದ್ಯುತ್‌ ಶಾರ್ಟ್‌ ಸರ್ಕ್ಯೂಟ್‌ನಿಂದ ಈ ಅವಘಡ ಸಂಭವಿಸಿರಬಹುದು ಎಂದು ಹೇಳಲಾಗುತ್ತಿದೆ. ಆದ್ರೆ ಘಟನೆಗೆ ಕಾರಣ ಇನ್ನೂ ಗೊತ್ತಾಗಿಲ್ಲ.
ಇದನ್ನೂ ಓದಿ; Shami; ಶಮಿ ಹಿಮ್ಮಡಿ ಆಪರೇಷನ್‌ ಸಕ್ಸಸ್‌; ಚೇತರಿಸಿಕೊಳ್ತಿರುವ ಟೀಂ ಇಂಡಿಯಾ ಆಟಗಾರ
ಬೆಂಕಿ ನಂದಿಸಲು ಹರಸಾಹಸ;
ಬೆಂಕಿ ನಂದಿಸಲು ಹರಸಾಹಸ; ಈ ಕಟ್ಟಡದ ಮೂರನೇ ಅಂತಸ್ತಿನ ಕಟ್ಟಡದಲ್ಲಿ ಫುಡ್ ಕೋರ್ಟ್ ಮತ್ತು ಆಭರಣ ಮಳಿಗೆ ಇದೆ. ಅಲ್ಲಿಗೂ ಬೆಂಕಿ ವ್ಯಾಪಿಸಿದೆ. ಹೀಗಾಗಿ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಲು ಹರಸಾಹಸಪಟ್ಟರು. ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ.
ಬೈಜೂಸ್ ಸಂಸ್ಥೆಯ ಕಂಪ್ಯೂಟರ್‌ಗಳು ಮತ್ತು ಅಧ್ಯಯನ ಸಾಮಗ್ರಿಗಳು ಸಂಪೂರ್ಣವಾಗಿ ಸುಟ್ಟುಹೋಗಿವೆ. ಕಟ್ಟಡದೊಳಗೆ ಯಾವುದೇ ಅಗ್ನಿ ಸುರಕ್ಷತಾ ಸಾಧನಗಳಿಲ್ಲ. ಅಗ್ನಿಶಾಮಕ ವಾಹನಗಳು ಒಳಬರಲು ಸರಿಯಾದ ಮಾರ್ಗವಿಲ್ಲ. ಈ ಕಾರಣದಿಂದ ಬೆಂಕಿ ಹತೋಟಿಗೆ ತರಲು ಕಷ್ಟವಾಗಿದೆ.
ಇದನ್ನೂ ಓದಿ; ಸುಧಾಮೂರ್ತಿ, ಮಗಳು ಅಕ್ಷತಾ ಮೂರ್ತಿ ಬೀದಿಯಲ್ಲಿ ಪುಸ್ತಕ ಖರೀದಿ; ಸರಳತೆಗೆ ಜನ ಮೆಚ್ಚುಗೆ
