ಕೆಮಿಕಲ್‌ ಪ್ಲಾಂಟ್‌ನಲ್ಲಿ ಬೆಂಕಿ ದುರಂತ; ಏಳಕ್ಕೂ ಹೆಚ್ಚು ಮಂದಿ ದುರ್ಮರಣ
ಬೀಜಿಂಗ್‌; ಚೀನಾದ ಮಂಗೋಲಿ ಆಟನೋಮಸ್‌ ರೀಸನ್‌ನಲ್ಲಿರುವ ಕೆಮಿಕಲ್‌ ಪ್ಲಾಂಟ್‌ನಲ್ಲಿ ಬೆಂಕಿ ದುರಂತ ಸಂಭವಿಸಿದ್ದು, ಘಟನೆಯಲ್ಲಿ ಏಳಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದಾರೆ. ಮಧ್ಯರಾತ್ರಿ ಈ ದುರಂತ ಸಂಭವಿಸಿದ್ದು, ಘಟನೆಯಲ್ಲಿ ಹಲವರು ಸುಟ್ಟ ಗಾಯಗಳಾಗಿವೆ.
ಹಾಂಡ್ಲನ್‌ ಜಿಲ್ಲೆಯ ಬಾವೋಟೋ ನಗರದಲ್ಲಿ ಈ ದುರ್ಘಟನೆ ನಡೆದಿದೆ. ಮಾಹಿತಿ ಗೊತ್ತಾಗುತ್ತಿದ್ದಂತೆ ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ, ಬೆಂಕಿ ನಂದಿಸಿದರು. ಇದುವರೆಗೂ ಏಳು ಮಂದಿಯ ಮೃತದೇಹಗಳು ಪತ್ತೆಯಾಗಿವೆ. ಹಲವರು ನಾಪತ್ತೆಯಾಗಿದ್ದು, ಅವರಿಗಾಗಿ ಹುಡುಕಾಟ ನಡೆಯುತ್ತಿದೆ.
