ಸಂಪ್ರದಾಯಿಕ ಉಳಿತಾಯ ನಿಲ್ಲಿಸಿ, ಹೂಡಿಕೆಯ ವಿಧಾನಗಳನ್ನು ತಿಳಿಯಿರಿ!
ಬೆಂಗಳೂರು; ಗಂಡ-ಹೆಂಡತಿ ಇಬ್ಬರೂ ದುಡಿಯುತ್ತಿರುತ್ತಾರೆ.. ವ್ಯರ್ಥವಾಗಿ ಖರ್ಚು ಮಾಡದೇ ಹಣದ ಉಳಿತಾಯವೂ ಮಾಡುತ್ತಿರುತ್ತಾರೆ.. ಆದರೂ, ಮನೆ ಕಟ್ಟಬೇಕು, ಮಗಳ ಮದುವೆ ಮಾಡಬೇಕು ಎಂಬ ತಮ್ಮ ಆಸೆಗಳನ್ನು ಪೂರೈಸಿಕೊಳ್ಳೋದಕ್ಕೆ ಆಗ್ತಾ ಇರೋದಿಲ್ಲ.. ಅವರು ಉಳಿತಾಯ ಮಾಡಿದ ಹಣದಿಂದ ಏನೂ ಮಾಡಲಾಗದೇ ಸಂಕಷ್ಟ ಅನುಭವಿಸುತ್ತಿರುತ್ತಾರೆ.. ಇನ್ನು ಕೆಲ ಮನೆಗಳಲ್ಲಿ ಗಂಡ ಮಾತ್ರ ದುಡಿಯುತ್ತಿರುತ್ತಾರೆ.. ಆದ್ರೂ ಅವರು ಬಹುಬೇಗ ಮನೆ ಕೊಂಡುಕೊಳ್ಳುತ್ತಾರೆ. ಏನೇ ಫಂಕ್ಷನ್‌ ಮಾಡಿದರೂ ಗ್ರ್ಯಾಂಡ್‌ ಆಗಿ ಮಾಡುತ್ತಿರುತ್ತಾರೆ…
ಇದನ್ನೂ ಓದಿ; ಕೂಲಿ ಮಾಡುವವರು ಕೂಡಾ ಕೋಟ್ಯಧಿಪತಿಗಳಾಗಬಹುದು!; ಇಲ್ಲಿದೆ ದಾರಿ..
ಇಬ್ಬರಿಗೂ ಏನು ವ್ಯತ್ಯಾಸ ಗೊತ್ತಾ..?; ಇಬ್ಬರಿಗೂ ಇರುವ ವ್ಯತ್ಯಾಸ ಇಷ್ಟೇ.. ಉಳಿತಾಯ ಮಾಡಿದ ಹಣವನ್ನು ಮೊದಲಿನವರು ಸಂಪ್ರದಾಯಿಕ ಉಳಿತಾಯಿ ಯೋಜನೆಯಲ್ಲಿ ಉಳಿತಾಯ ಮಾಡಿರುತ್ತಾರೆ.. ಎರಡನೇಯವರು ಹೆಚ್ಚು ರಿಟರ್ನ್ಸ್‌ ಕೊಡುವ ಮ್ಯೂಚ್ಯುಯಲ್‌ ಫಂಡ್‌, ರಿಯಲ್ ಎಸ್ಟೇಟ್‌, ಷೇರು ಮಾರುಕಟ್ಟೆ ಹೀಗೆ ಬೇರೆ ಬೇರೆ ಕಡೆ ಉಳಿತಾಯ ಮಾಡಿರುತ್ತಾರೆ. ಇವರಿಗೆ ಹೆಚ್ಚು ಆದಾಯ ಬರುತ್ತದೆ.. ಸಾಂಪ್ರದಾಯಿಕ ರೀತಿಯಲ್ಲಿ ಎಫ್‌ಡಿ, ಆರ್‌ಡಿ ಮುಂತಾದ ಉಳಿತಾಯ ಯೋಜನೆಯಲ್ಲಿ ಎಷ್ಟೇ ಹಣ ಹೂಡಿಕೆ ಮಾಡಿದರೂ, ನಮ್ಮ ಅಗತ್ಯಗಳಿಗೆ ತಕ್ಕಂತೆ ಅದು ಬೆಳೆಯೋದಿಲ್ಲ.
ಇದನ್ನೂ ಓದಿ; ಭೂಕುಸಿತಗಳು ಏಕೆ ಸಂಭವಿಸುತ್ತವೆ..?; ನಮ್ಮನ್ನು ನಾವು ರಕ್ಷಿಸಿಕೊಳ್ಳುವುದು ಹೇಗೆ..?
ಬ್ಯಾಂಕ್ ಠೇವಣಿಗಳನ್ನೇ ನೆಚ್ಚಿಕೊಳ್ಳುವ ಜನ!; ಅನೇಕ ಜನರು ತಮ್ಮ ಭವಿಷ್ಯದ ಅಗತ್ಯಗಳಿಗಾಗಿ ಬ್ಯಾಂಕ್ ಠೇವಣಿಗಳಂತಹ ಸಾಂಪ್ರದಾಯಿಕ ಉಳಿತಾಯ ಯೋಜನೆಗಳಲ್ಲಿ ತಮ್ಮ ಹಣವನ್ನು ಇಡುತ್ತಾರೆ. ಈ ರೀತಿಯ ಅಲ್ಪಾವಧಿ ಉಳಿತಾಯ ಯೋಜನೆಗಳಲ್ಲಿ ಹಣವನ್ನು ಠೇವಣಿ ಮಾಡುವುದರಿಂದ ಮನೆಯ ಬಿಲ್, ಭವಿಷ್ಯ ನಿಧಿ, ವಿಮಾ ಪಾಲಿಸಿ ಇತ್ಯಾದಿಗಳನ್ನು ಸಕಾಲದಲ್ಲಿ ಪಾವತಿಸಲು ಯಾವುದೇ ತೊಂದರೆಯಾಗುವುದಿಲ್ಲ. ಕುಟುಂಬದ
ಉಳಿತಾಯ-ಹೂಡಿಕೆ ನಡುವಿನ ವ್ಯತ್ಯಾಸ ತಿಳಿಯಿರಿ; ತಮ್ಮ ಭವಿಷ್ಯಕ್ಕಾಗಿ ಆರ್ಥಿಕ ಭದ್ರತೆಯನ್ನು ಪಡೆಯಲು ಬಯಸುವ ಯಾರಾದರೂ ತಿಳಿದಿರಬೇಕಾದ ಮೊದಲ ವಿಷಯವೆಂದರೆ ಉಳಿತಾಯ ಮತ್ತು ಹೂಡಿಕೆಗಳ ನಡುವಿನ ವ್ಯತ್ಯಾಸ. ಉಳಿತಾಯ ಎಂದರೆ ಹಣದ ಶೇಖರಣೆ. ಅಲ್ಲದೆ ಅವುಗಳನ್ನು ವಾಪಸ್‌ ಪಡೆಯುವುದು ತುಂಬಾ ಸುಲಭ. ಇದರಲ್ಲಿ ಯಾವುದೇ ಅಪಾಯವಿಲ್ಲ. ಉದಾಹರಣೆಗೆ ಬ್ಯಾಂಕ್ ಖಾತೆಗಳು, ಸ್ಥಿರ ಠೇವಣಿಗಳು. ಇವುಗಳನ್ನು ತಮ್ಮ ಅಗತ್ಯಗಳಿಗೆ ಅನುಗುಣವಾಗಿ ಆಯ್ಕೆ ಮಾಡಬಹುದು. ಯಾವುದೇ ಅಪಾಯವಿಲ್ಲ, ಇದರಿಂದ ಸ್ಥಿರ ಆದಾಯ ಸಿಗುತ್ತದೆ. ಆದ್ರೆ ಇಂತಹ ಉಳಿತಾಯ ತಕ್ಷಣದ ಮತ್ತು ಅನಿರೀಕ್ಷಿತ ಅಗತ್ಯಗಳನ್ನು ಪೂರೈಸಲು ಮಾತ್ರ ಉಪಯುಕ್ತವಾಗಿದೆ. ಅದೇ ರೀತಿ ಭವಿಷ್ಯದ ಅವಶ್ಯಕತೆಗಳಿಗೆ ಅದು ಸಾಕಾಗುವುದಿಲ್ಲ ಎಂಬುದನ್ನು ಎಲ್ಲರೂ ಅರಿತುಕೊಳ್ಳಬೇಕು. ಉಳಿತಾಯ ಯೋಜನೆಗಳು ಕಡಿಮೆ ಆದಾಯವನ್ನು ಹೊಂದಿದ್ದು ಅದು ಭವಿಷ್ಯದ ವೆಚ್ಚಗಳನ್ನು ಸರಿದೂಗಿಸಲು ಸಾಕಾಗುವುದಿಲ್ಲ. ಇದರಿಂದ ನಷ್ಟವಾಗುತ್ತದೆ.
ಇದನ್ನೂ ಓದಿ; ಹಳೆ ಲವರ್ ಗಾಗಿ ಗಂಡನ ಕೊಲೆ ಮಾಡಿಸಿದ ಯುವತಿ
ಉಳಿತಾಯವನ್ನು ವಿವಿಧ ರೀತಿಯಲ್ಲಿ ಹೂಡಿಕೆ ಮಾಡಬೇಕು; ಸಂಬಳದ ಒಂದು ಭಾಗವನ್ನು ವಿವಿಧ ರೀತಿಯಲ್ಲಿ ಹೂಡಿಕೆ ಮಾಡುವುದರಿಂದ ಭವಿಷ್ಯದ ಅಗತ್ಯಗಳನ್ನು ಪೂರೈಸಲು ದೊಡ್ಡ ಆದಾಯವನ್ನು ಪಡೆಯಬಹುದು. ಇದು ನಿಮ್ಮ ಗುರಿಗಳನ್ನು ತಲುಪಲು ಸಹಾಯ ಮಾಡುತ್ತದೆ. ಜೊತೆಗೆ ನಿಮ್ಮ ಜೀವನಶೈಲಿಯನ್ನು ಸುಧಾರಿಸುತ್ತದೆ. ಆದರೂ ಕೂಡಾ ಹೂಡಿಕೆಯು ಅಪಾಯವನ್ನು ಒಳಗೊಂಡಿರುತ್ತದೆ. ಅಪಾಯಕ್ಕೆ ಪ್ರತಿಫಲ ಸಿಗುತ್ತದೆ ಎನ್ನುತ್ತಾರೆ ಆರ್ಥಿಕ ತಜ್ಞರು. ತಮ್ಮ ಹಣವನ್ನು ಹೂಡಿಕೆ ಮಾಡುವ ಮೊದಲು ಮತ್ತು ಸರಿಯಾದ ಮಾರ್ಗವನ್ನು ಆರಿಸಿಕೊಳ್ಳುವ ಮೊದಲು ಬಹಳ ಎಚ್ಚರಿಕೆಯಿಂದ ನಿರ್ಧಾರಗಳನ್ನು ತೆಗೆದುಕೊಳ್ಳುವುದರಿಂದ, ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚಿನ ಆದಾಯವನ್ನು ಪಡೆಯಬಹುದು. ಬ್ಯಾಂಕ್ ಖಾತೆಗಳಲ್ಲಿ ಹಣವನ್ನು ಇಡುವ ಬದಲು, ಅವುಗಳನ್ನು ಹೂಡಿಕೆ ಮಾಡುವ ಮೂಲಕ ನೀವು ದೊಡ್ಡ ಮೊತ್ತದ ಹಣವನ್ನು ಪಡೆಯಬಹುದು.
ಇದನ್ನೂ ಓದಿ; ಗಂಡ-ಮಕ್ಕಳನ್ನು ಬಿಟ್ಟು ಮಾವನೊಂದಿಗೆ ಓಡಿ ಹೋದ ಮಹಿಳೆ..!
ಹೂಡಿಕೆಗಳಿಂದ ಹೆಚ್ಚಿನ ಆದಾಯ ಸಿಗುತ್ತದೆ; ಹೂಡಿಕೆಗಳು ಹೆಚ್ಚಿನ ಆದಾಯವನ್ನು ನೀಡುತ್ತವೆ. ಆದಾಗ್ಯೂ, ಅಪಾಯವಿದೆ. ಇಂತಹ ಹೂಡಿಕೆಗಳಲ್ಲಿ ಆದಾಯದ ಏರಿಳಿತಗಳಿರುತ್ತವೆ. ಒಬ್ಬರು ತಮ್ಮ ಗುರಿಗಳನ್ನು ಸಾಧಿಸಲು ಸಮಯದ ಚೌಕಟ್ಟನ್ನು ನಿರ್ಧರಿಸಬೇಕು ಮತ್ತು ಅದಕ್ಕೆ ಅನುಗುಣವಾಗಿ ಹೂಡಿಕೆ ಮಾರ್ಗಗಳನ್ನು ಆರಿಸಿಕೊಳ್ಳಬೇಕು. ಒಬ್ಬರು ತಮ್ಮ ಅಪಾಯದ ತೂಕವನ್ನು ನಿರ್ಣಯಿಸಿದ ನಂತರ ಷೇರುಗಳು, ಈಕ್ವಿಟಿ ಮ್ಯೂಚುವಲ್ ಫಂಡ್‌ಗಳು, ರಿಯಲ್ ಎಸ್ಟೇಟ್‌ನಂತಹ ಕ್ಷೇತ್ರಗಳಲ್ಲಿ ಹೂಡಿಕೆ ಮಾಡಬಹುದು. ಆದಾಗ್ಯೂ, ಅವರ ತಕ್ಷಣದ ಅಗತ್ಯಗಳಿಗೆ ಅಗತ್ಯವಿರುವ ಹಣವನ್ನು ಬ್ಯಾಂಕ್ ಖಾತೆಗಳಲ್ಲಿ ಇಡಬೇಕು. ಆದರೆ, ದೀರ್ಘಾವಧಿಯ ಗುರಿಗಳಿಗಾಗಿ, ಹೂಡಿಕೆಯ ಮಾರ್ಗಗಳಲ್ಲಿ ಹಣವನ್ನು ಹಾಕಬೇಕು. ಮತ್ತೊಂದೆಡೆ, ಹೂಡಿಕೆ ಮಾಡಿ ಹಾಗೆ ಬಿಡುವ ಬದಲು ಅವರ ಹಣ ಹೇಗೆ ಬೆಳೆಯುತ್ತಿದೆ? ಅವರ ಕಾರ್ಯಕ್ಷಮತೆಯನ್ನು ಮೌಲ್ಯಮಾಪನ ಮಾಡುವ ಮೂಲಕ ಮತ್ತು ಯೋಜನೆಗಳನ್ನು ಬದಲಾಯಿಸುವ ಮೂಲಕ, ಅವರು ಬಯಸಿದ ಗುರಿಯನ್ನು ವೇಗವಾಗಿ ಸಾಧಿಸಲು ಮುಂದುವರಿಯಬಹುದು.
