ರಾಜ್ಯದಲ್ಲಿ ಉತ್ತರ ಪ್ರದೇಶ ಸಿಎಂ ಯೋಗಿ ಹವಾ; ನಾಥ ಪಂಥದವರ ಸೆಳೆಯುತ್ತಾರಾ..?

ಮಂಡ್ಯ; ರಾಜ್ಯ ಚುನಾವಣೆ ರಂಗೇರುತ್ತಿದೆ. ಹಲವಾರು ನಾಯಕರು ರಾಜ್ಯದಲ್ಲಿ ಪ್ರಚಾರದ ಭರಾಟೆ ನಡೆಸುತ್ತಿದ್ದಾರೆ. ಈಗಾಗಲೇ ಮೋದಿ, ಅಮಿತ್‌ ಶಾ ಪ್ರಚಾರ ನಡೆಸುತ್ತಿದ್ದಾರೆ. ಇವರ ಜೊತೆಗೆ ಯೋಗಿ ಆದಿತ್ಯನಾಥ್‌ ಜಾಯಿನ್‌ ಆಗುತ್ತಿದ್ದಾರೆ. ಇಂದು ಅವರು ಮಂಡ್ಯ ಹಾಗೂ ವಿಜಯಪುರ ಜಿಲ್ಲೆಗಳಲ್ಲಿ ಬಿಜೆಪಿ ಪರ ಮತಬೇಟೆ ನಡೆಸಲಿದ್ದಾರೆ.

ಆದಿಚುಂಚನಗಿರಿ ಮಠ ನಾಥ ಪಂಥಕ್ಕೆ ಸೇರಿದ್ದು. ಯೋಗಿ ಆದಿತ್ಯನಾಥ್‌ ಕೂಡಾ ನಾಥ ಪಂಥದವರು. ಆದಿಚುಂಚನಗಿರಿ ಮಠಕ್ಕೆ ನಡೆದುಕೊಳ್ಳುವ ಒಕ್ಕಲಿಗರು ಮಂಡ್ಯ ಜಿಲ್ಲೆಯಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿದ್ದಾರೆ. ಅವರನ್ನು ಸೆಳೆಯೋದಕ್ಕಾಗಿ ಯೋಗಿ ಆದಿತ್ಯನಾಥ್‌ ಮಂಡಕ್ಕೆ ಆಗಮಿಸಿದ್ದಾರೆ. ಒಂದು ಕಿಲೋ ಮೀಟರ್‌ ರೋಡ್‌ ಶೋ ನಡೆಸುವ ಅವರು, ಸಿಲ್ವರ್‌ ಜುಬಿಲಿ ಪಾರ್ಕ್‌ ನಲ್ಲಿ ನಡೆಯುವ ಬಹಿರಂಗ ಸಭೆಯಲ್ಲಿ ಯೋಗಿ ಆದಿತ್ಯನಾಥ್‌ ಪ್ರಚಾರ ಭಾಷಣ ಮಾಡಲಿದ್ದಾರೆ.

ಮಂಡ್ಯದಲ್ಲಿ ಪ್ರಚಾರ ನಡೆಸಿದ ನಂತರ ಯೋಗಿಯವರು ವಿಜಯಪುರಕ್ಕೆ ಹೋಗಲಿದ್ದಾರೆ. ಅಲ್ಲೂ ಕೂಡಾ ಅವರು ರೋಡ್‌ ಹಾಗೂ ಪ್ರಚಾರ ಭಾಷಣ ಮಾಡಲಿದ್ದಾರೆ.