ಅರ್ಜುನನ ಸಮಾಧಿ ಮೇಲೂ ಕಾಡಾನೆಗಳ ದಾಂದಲೆ!

ಹಾಸನ; ಇತ್ತೀಚೆಗೆ ದಸರಾ ಆನೆ ಅರ್ಜುನ ಕಾಡಾನೆ ಸೆರೆಯುವ ಕಾರ್ಯಾಚರಣೆಯಲ್ಲಿ ಸಾವನ್ನಪ್ಪಿತ್ತು. ಸಕಲೇಶಪುರ ತಾಲೂಕಿನ ದಬ್ಬಳ್ಳಿಕಟ್ಟೆ ಅರಣ್ಯ ಪ್ರದೇಶದಲ್ಲಿ ಕಾಡಾನೆ ದಾಳಿಯಿಂದ ಮೃತಪಟ್ಟಿತ್ತು. ಇದೀಗ ಕಾಡಾನೆಗಳು ಅರ್ಜುನನ ಸಮಾಧಿ ಮೇಲೂ ದಾಳಿ ನಡೆಸಿವೆ. 

ಮೃತಪಟ್ಟ ಜಾಗದಲ್ಲೇ ಅರ್ಜುನನ ಸಮಾಧಿ ಮಾಡಲಾಗಿತ್ತು. ಅದರ ಸುತ್ತ ತಂತಿಬೇಲಿ ಹಾಕಲಾಗಿತ್ತು. ಕಳೆದ ರಾತ್ರಿ ಅಲ್ಲಿ ಬಂದಿರುವ ಕಾಡಾನೆಗಳು ತಂತಿಬೇಲಿಯನ್ನು ನಾಶ ಮಾಡಿವೆ.