ಮೈಸೂರಿನಲ್ಲಿ ಇಂದು ವೈಮಾನಿಕ ಪ್ರದರ್ಶನ; ಸಂಜೆ ಆಕರ್ಷಕ ಪಂಜಿನ ಕವಾಯತು

ಮೈಸೂರು; ಎಲ್ಲೆಡೆ ದಸರಾ ಹಬ್ಬದ ಸಂಭ್ರಮ ಮನೆ ಮಾಡಿದೆ. ಎಲ್ಲೆಡೆ ಇಂದು ಆಯುಧ ಪೂಜೆ ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ವಿಶ್ವವಿಖ್ಯಾತ ಮೈಸೂರಿನಲ್ಲಿ ಹಲವು ಕಾರ್ಯಕ್ರಮಗಳು ನಡೆಯುತ್ತಿವೆ. ಅರಮನೆಯಲ್ಲಿ ಇಂದು ಆಯುಧ ಪೂಜೆ ನಡೆಸಲಾಗುತ್ತಿದೆ. 

ಇನ್ನೊಂದೆಡೆ ಇಂದು ಸಂಜೆ ಮೈಸೂರಿನಲ್ಲಿ ಎರಡು ಆಕರ್ಷಕ ಪ್ರದರ್ಶನಗಳು ನಡೆಯಲಿದೆ. ಭಾರತೀಯ ವಾಯುಸೇನೆಯಿಂದ ಇಂದು ಆಕರ್ಷಕ ವೈಮಾನಿಕ ಪ್ರದರ್ಶನವನ್ನು ಏರ್ಪಡಿಸಲಾಗಿದೆ. ಸಂಜೆ ನಾಲ್ಕು ಗಂಟೆಗೆ ಈ ವೈಮಾನಿಕ ಪ್ರದರ್ಶನ ನಡೆಯಲಿದೆ. ಇನ್ನು ರಾತ್ರಿ 7 ಗಂಟೆಗೆ ಆಕರ್ಷಕ ಪಂಜಿನ ಕವಾಯತನ್ನು ಕಣ್ತುಂಬಿಕೊಳ್ಳಬಹುದಾಗಿದೆ.

ಸಿಎಂ ಸಿದ್ದರಾಮಯ್ಯ ಅವರು ವೈಮಾನಿಕ ಪ್ರದರ್ಶನ ನೋಡಲು ಆಗಮಿಸಲಿದ್ದಾರೆ.