ಮೇಲ್‌ಮರವತ್ತೂರು ದೇವಸ್ಥಾನ ಭೇಟಿ; ಮಂಡ್ಯದ 35 ಮಂದಿಗೆ ಕೊರೊನಾ
ಮೇಲ್‌ಮರವತ್ತೂರು: ತಮಿಳುನಾಡಿನ ಮೇಲ್‌ಮವರತ್ತೂರು ಪರಾಶಕ್ತಿ ದೇವಸ್ಥಾನಕ್ಕೆ ಭೇಟಿ ನೀಡಿದ್ದ ಮಂಡ್ಯದ 35 ಮಂದಿಗೆ ಕೊರೋನಾ ಪಾಸಿಟಿವ್‌ ಇರುವುದು ದೃಢಪಟ್ಟಿದೆ. ಇತ್ತೀಚೆಗೆ ಮಂಡ್ಯದಿಂದ ನೂರಾರು ಮಂದಿ ಮೇಲ್‌ಮರವತ್ತೂರು ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು. ದೇವಿಯ ದರ್ಶನದ ನಂತರ ಅವರು ಮಂಡ್ಯಕ್ಕೆ ವಾಪಸ್ಸಾಗಿದ್ದರು.
ಮೇಲ್‌ಮರವತ್ತೂರಿಗೆ ಭೇಟಿ ನೀಡಿ ವಾಪಸ್ಸಾದವರಿಗೆ ಆರ್‌ಟಿಪಿಸಿಆರ್‌ ಟೆಸ್ಟ್‌ ಮಾಡಿಸಲಾಗಿತ್ತು. ಇದರಲ್ಲಿ 35 ಮಂದಿಗೆ ಕೊರೊನಾ ಪಾಸಿಟಿವ್‌ ಬಂದಿದೆ. ಈ ಹಿನ್ನೆಲೆಯಲ್ಲಿ ಮಂಡ್ಯ ಜಿಲ್ಲೆಯಲ್ಲಿ ಕೊರೊನಾ ದೊಡ್ಡ ಮಟ್ಟದಲ್ಲಿ ಹರಡುವ ಭೀತಿ ಎದುರಾಗಿದೆ. ವಿವಿಧ ಗ್ರಾಮಗಳಿಂದ ಭಕ್ತರು ಮೇಲ್‌ಮರವತ್ತೂರು ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು. ಈಗ ಅವರೆಲ್ಲರನ್ನೂ ಗುರುತಿಸಿ, ಆರ್‌ಟಿಪಿಸಿಆರ್‌ ಟೆಸ್ಟ್‌ ಮಾಡಿಸಲು ಮಂಡ್ಯ ಜಿಲ್ಲಾಡಳಿತ ಮುಂದಾಗಿದೆ.
