ಹಾಸನ ಟಿಕೆಟ್‌ ಗೊಂದಲ; ರೇವಣ್ಣ ಕುಟುಂಬದಿಂದ ಕೊಲ್ಲೂರಿನಲ್ಲಿ ಚಂಡಿಕಾ ಯಾಗ
ಬೆಂಗಳೂರು; ಹಾಸನದಲ್ಲಿ ಉಂಟಾಗಿರುವ ಟಿಕೆಟ್‌ ಗೊಂದಲ ನಿವಾರಣೆಗೆ ರೇವಣ್ಣ ಕುಟುಂಬ ದೇವರ ಮೊರೆಹೋಗಿದೆ. ರೇವಣ್ಣ ಹಾಗೂ ಅವರ ಕುಟುಂಬ ಸದಸ್ಯರೆಲ್ಲಾ ಸೇರಿ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನದಲ್ಲಿ ನವದುರ್ಗಿ ಚಂಡಿಕಾ ಯಾಗ ನೆರವೇರಿಸಿದ್ದಾರೆ. ಈ ಮೂಲಕ ಗೊಂದಲ ನಿವಾರಣೆ ಮಾಡುವಂತೆ ದೇವಿಯಲ್ಲಿ ಪ್ರಾರ್ಥಿಸಿದ್ದಾರೆ.
ನಿನ್ನೆ ರಾತ್ರಿಯಿಂದ ಇಂದು ಬೆಳಗ್ಗೆವರೆಗೆ ಈ ಯಾಗ ನಡೆದಿದೆ. ಹೆಚ್‌.ಡಿ ದೇವೇಗೌಡರ ಆರೋಗ್ಯ ಸುಧಾರಣೆ, ವೈಯಕ್ತಿಕ ರಾಜಕೀಯ ಯಶಸ್ಸು ಸಿಗಲೆಂದು ಈ ಯಾಗ ಮಾಡಿಸಲಾಗಿದೆ ಎಂದು ತಿಳಿದುಬಂದಿದೆ. ಹಾಸನ ಕ್ಷೇತ್ರದಿಂದ ಭವಾನಿ ರೇವಣ್ಣ ಟಿಕೆಟ್‌ ಬಯಸುತ್ತಿದ್ದಾರೆ. ಈ ನಡುವೆ ರೇವಣ್ಣ ಕೂಡಾ ನನಗೆ ಹಾಸನದಿಂದ ಟಿಕೆಟ್‌ ಕೊಟ್ಟರೂ ಸ್ಪರ್ಧೆ ಮಾಡುತ್ತೇನೆ ಎಂದು ಹೇಳಿದ್ದರು. ಭವಾನಿಯವರು ಟಿಕೆಟ್‌ ಬಯಸುತ್ತಿರುವುದರಿಂದ ಗೌಡರ ಕುಟುಂಬದಲ್ಲಿ ಗೊಂದಲ ಉಂಟಾಗಿತ್ತು.
