ಮಂಗಳವಾರ ಹೈಟಿ ಪಾಲಿಗೆ ಬ್ಲಾಕ್‌ ಡೇ:60 ಮಂದಿ ಸಜೀವ ದಹನ

ಹೈಟಿ: ಇಂಧನ ಸಾಗಿಸುತ್ತಿದ್ದ ಟ್ರಕ್‌ ಸ್ಫೋಟಗೊಂಡು 60 ಮಂದಿ ಸಜೀವ ದಹನವಾದ ಘಟನೆ ಉತ್ತರ ಹೈಟಿಯಲ್ಲಿ ನಡೆದಿದೆ. 9 ಗ್ಯಾಲನ್‌ ಇಂಧನವನ್ನು ಸಾಗಿಸುತ್ತಿದ್ದ ಟ್ರಕ್‌ ಕ್ಯಾಪ್‌ ಹೈಟಿಯನ್‌ ನಗರದಲ್ಲಿ ಮಧ್ಯರಾತ್ರಿ ಉರುಳಿ ಬಿದ್ದಿದೆ. ಕೂಡಲೇ ಟ್ರಕ್‌ನಲ್ಲಿರುವ ಗ್ಯಾಸೋಲಿನ್‌ ಹೊರತೆಗೆಯಲು ಅಧಿಕಾರಿಗಳು ಪ್ರಯತ್ನಪಟ್ಟರೂ ಫಲಿಸಲಿಲ್ಲ. ಉರುಳಿಬಿದ್ದ ಜಾಗದಿಂದ ಸುಮಾರು 300ಅಡಿ ವ್ಯಾಪ್ತಿಯಷ್ಟು ಆವರಿಸಿ ಸುಟ್ಟು ಭಸ್ಮ ಮಾಡಿದೆ. ದುರ್ಘಟನೆಯಲ್ಲಿ 60ಕ್ಕೂ ಹೆಚ್ಚು ಮಂದಿ ಸುಟ್ಟು ಬೂದಿಯಾಗಿದ್ದಾರೆ. ಹಲವರಿಗೆ ಗಂಭೀರ ಗಾಯಗಳಾಗಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಘಟನೆಯನ್ನು ಅಗ್ನಿಶಾಮಕ ದಳ ಮುಖ್ಯಸ್ಥ ಫ್ರಾಂಡಿ ಜೀನ್‌ ಈ ರೀತಿ ಬರೆದುಕೊಂಡಿದ್ದಾರೆ. “ನಾನು ಅಗ್ನಿಶಾಮಕ ದಳಕ್ಕೆ ಸೇರಿ 17ವರ್ಷ ಆಗಿದೆ. ಇಷ್ಟು ವರ್ಷದಲ್ಲಿ ಇಷ್ಟು ದೊಡ್ಡ ಮಟ್ಟದ ಅವಘಡವನ್ನು ಇಂದೆಂದೂ ಕಂಡಿರಲಿಲ್ಲ. ಈ ದುರಂತದಲ್ಲಿ ನಾನು ಬುದುಕುಳಿದಿದ್ದೇ ಹೆಚ್ಚು” ಎಂದಿದ್ದಾರೆ.