ನಿಶ್ಚಿತಾರ್ಥ ಮುಗಿಸಿ ಬರುವಾಗ ಭೀಕರ ಅಪಘಾತ; ಕೆಟ್ಟು ನಿಂತಿ ಲಾರಿಯೇ ಮುಳುವಾಯ್ತು!
ವಿಜಯನಗರ; ನಿಶ್ಚಿತಾರ್ಥ ಮುಗಿಸಿ ವಾಪಸ್‌ ಬರುವಾಗ ಕೆಟ್ಟು ನಿಂತಿದ್ದ ಲಾರಿಗೆ ಟಿಟಿ ವಾಹನ ಡಿಕ್ಕಿಯಾಗಿ ಭೀಕರ ಅಪಘಾತ ಸಂಭವಿಸಿದೆ.. ವಿಜಯನಗರ ಜಿಲ್ಲೆ ಕೂಡ್ಲಿಗಿ ತಾಲ್ಲೂಕಿನ ಹುಲಿಕೆರೆ ಕ್ರಾಸ್‌ನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ದುರಂತ ನಡೆದಿದೆ.. ಘಟನೆಯಲ್ಲಿ ಒಬ್ಬರು ಸಾವನ್ನಪ್ಪಿದ್ದು, 10 ಮಂದಿ ತೀವ್ರವಾಗಿ ಗಾಯಗೊಂಡಿದ್ದಾರೆ..
ಕಲಬುರಗಿಯಲ್ಲಿ ನಿಶ್ಚಿತಾರ್ಥ ಕಾರ್ಯಕ್ರಮವಿತ್ತು.. ಅದಕ್ಕಾಗಿ ಎಲ್ಲರೂ ಟಿಟಿ ವಾಹನದಲ್ಲಿ ಹೋಗಿದ್ದರು.. ಕಾರ್ಯಕ್ರಮ ಮುಗಿಸಿಕೊಂಡು ವಾಪಸ್‌ ಬರುತ್ತಿದ್ದರು.. ಹುಲಿಕೆರೆ ಕ್ರಾಸ್‌ ಬಳಿ ಬಂದಾಗ ನಿಂತಿದ್ದ ಲಾರಿಯನ್ನು ನೋಡದ ಚಾಲಕ ಹಾಗೆಯೇ ನುಗ್ಗಿಸಿದ್ದಾನೆ.. ಇದರಿಂದಾಗಿ ಟಿಟಿ ವಾಹನ ಸಂಪೂರ್ಣವಾಗಿ ಜಖಂಗೊಂಡಿದೆ.. ಘಟನೆಯಲ್ಲಿ 62 ವರ್ಷದ ಕೃಷ್ಣಪ್ಪ ಎಂಬುವವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ..
ಟಿಟಿ ವಾಹನದಲ್ಲಿ ಒಟ್ಟು 16 ಪ್ರಯಾಣಿಕರಿದ್ದು, ಇದರಲ್ಲಿ ಇಬ್ಬರು ಮಕ್ಕಳು ಕೂಡಾ ಇದ್ದರು.. ವಾಹನದಲ್ಲಿ ಇಬ್ಬರು ಸಿಲುಕಿಕೊಂಡು ಸಾಕಷ್ಟು ಒದ್ದಾಡಿದ್ದಾರೆ.. ಅವರನ್ನು ಹೊರತೆಗೆಯಲು ಹರಸಾಹಸಪಡಲಾಯಿತು ಎಂದು ಸ್ಥಳೀಯರು ಹೇಳಿದ್ದಾರೆ..
