ಪಲ್ಟಿ ಹೊಡೆದ ಗೂಡ್ಸ್‌ ರೈಲು; ಡಿಕ್ಕಿ ಹೊಡೆದ ಪ್ಯಾಸೆಂಜರ್‌ ರೈಲು!
ಚಂಡೀಗಢ; ಗೂಡ್ಸ್‌ ರೈಲೊಂದು ಇದ್ದಕ್ಕಿದ್ದಂತೆ ಪಲ್ಟಿ ಹೊಡೆದು ಪಕ್ಕದ ಟ್ರ್ಯಾಕ್‌ಗೆ ಬಿದ್ದಿದೆ.. ಇದೇ ವೇಳೆ ಬಂದ ಪ್ಯಾಸೆಂಜರ್‌ ರೈಲು ಅದಕ್ಕೆ ಡಿಕ್ಕಿ ಹೊಡೆದಿದೆ.. ಚಂಡೀಗಢದ ಫತೇಘರ್ ಸಾಹಿಬ್‌ನಲ್ಲಿ ಈ ದುರ್ಘಟನೆ ನಡೆದಿದೆ.. ಇಂದು ಬೆಳಗಿನ ಜಾವ 4 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದ್ದು, ರೈಲು ಚಾಲಕರು ಗಾಯಗೊಂಡಿದ್ದಾರೆ..
ಗೂಡ್ಸ್‌ ರೈಲು ಇದ್ದಕ್ಕಿದ್ದಂತೆ ಪಲ್ಟಿ ಹೊಡೆದಿದ್ದರಿಂದ ಈ ದುರ್ಘಟನೆ ನಡೆದಿದ್ದು, ಇಬ್ಬರು ಗಾಯಾಳುಗಳನ್ನು ಪಟಿಯಾಳದ ರಾಜೀಂದ್ರ ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ.. ಘಟನೆಯಿಂದಾಗಿ ಪ್ಯಾಸೆಂಜರ್‌ ರೈಲಿನಲ್ಲಿದ್ದ ಪ್ರಯಾಣಿಕರು ಗಾಬರಿಗೊಂಡಿದ್ದರು.. ಅದೃಷ್ಟವಶಾತ್‌ ಯಾವ ಪ್ರಯಾಣಿಕರಿಗೂ ಯಾವುದೇ ತೊಂದರೆಯಾಗಿಲ್ಲ..
ಘಟನಾ ಸ್ಥಳಕ್ಕೆ ಅಂಬಾಲಾ ವಿಭಾಗದ ಡಿಆರ್‌ಎಂ ಜೊತೆಗೆ ರೈಲ್ವೆ, ಜಿಆರ್‌ಪಿ ಮತ್ತು ಆರ್‌ಪಿಎಫ್‌ನ ಹಿರಿಯ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.
