ಮಾಲ್ಡೀವ್ಸ್‌ನಲ್ಲಿ ಬೆಂಕಿ ದುರಂತ; ಒಂಬತ್ತು ಭಾರತೀಯರ ದುರ್ಮರಣ
ಮಾಲೆ; ಮಾಲ್ಡೀವ್ಸ್‌ನ ಇಕ್ಕಟ್ಟಾದ ವಸತಿ ಪ್ರದೇಶದಲ್ಲಿ ಬೆಂಕಿ ದುರಂತ ಸಂಭವಿಸಿದ್ದು, ಭಾರತ ಮೂಲದ ಒಂಬತ್ತು ಮಂದಿ ಸೇರಿ ಒಟ್ಟು ಹತ್ತು ಮಂದಿ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ. ಮಾಲ್ಡೀವ್ಸ್‌ ರಾಜಧಾನಿ ಮಾಲೆಯಲ್ಲಿ ಈ ದುರಂತ ನಡೆದಿದೆ.
ಘಟನೆಯಲ್ಲಿ ಹಲವರು ಗಾಯಗೊಂಡಿದ್ದು, ಆಸ್ಪತ್ರೆಗೆ ಸೇರಿಸಲಾಗಿದೆ. ನೆಲ ಮಹಡಿಯ ವಾಹನ ರಿಪೇರಿ ಗ್ಯಾರೇಜ್‍ನಲ್ಲಿ ಈ ಅಗ್ನಿ ಅನಾಹುತ ನಡೆದಿದ್ದು, ಬೆಂಕಿ ಇಡೀ ಕಟ್ಟಡಕ್ಕೆ ಹರಡಿದೆ. ನಾಲ್ಕು ಗಂಟೆಗಳ ಬೆಂಕಿ ನಂದಿಸಲು ಹರಸಾಹಸಪಡಬೇಕಾಯಿತು. ಈ ಕಟ್ಟಡದಲ್ಲಿ ವಿದೇಶದಿಂದ ಉದ್ಯೋಗ ಅರಸಿ ಬಂದವರೇ ವಾಸಿಸುತ್ತಿದ್ದರು ಎಂದು ತಿಳಿದುಬಂದಿದೆ. ಮೃತ ಹತ್ತು ಮಂದಿಯಲ್ಲಿ ಒಬ್ಬ ಬಾಂಗ್ಲಾದವನಾದರೆ, ಉಳಿದವರು ಭಾರತೀಯರು ಎಂದು ತಿಳಿದುಬಂದಿದೆ.
