ಬುರ್ಜ್ ಖಲಿಫಾ ಮೇಲಿಂದ ಮಹೇಶ್ ಬಾಬು ಎದೆ ಝಲ್ಲೆನಿಸುವ ಬೈಕ್ ಸ್ಟಂಟ್
ದುಬೈ/ಹೈದರಾಬಾದ್: ಮಹೇಶಬಾಬು ಜಾಹೀರಾತುಗಳಲ್ಲಿ ನಟನೆ ಮಾಡುತ್ತಿರುವುದು ಇದು ಹೊಸದೇನಲ್ಲ. ಇದೀಗ ಮೌಂಟೇನ್ ಡ್ಯೂ ಕೂಲ್ಡ್ರಿಂಕ್ ಜಾಹೀರಾತಿಗೆ ಮಹೇಶ್ ಮತ್ತೊಮ್ಮೆ ಹಾಯ್ ಹೇಳಿದ್ದಾರೆ. ಮಹೇಶ್ ಸಿನಿಮಾಗಳಿಗೆ ಎಷ್ಟು ಶ್ರಮ ಪಡುತ್ತಾರೋ ಅಷ್ಟೇ ಜಾಹೀರಾತಿಗೂ ಕೆಲಸ ಮಾಡುತ್ತಾರೆ. ಈ ಹಿಂದೆ ಥಮ್ಸ್ ಅಪ್ ಜಾಹೀರಾತಿಗಾಗಿ ಅಪಾಯಕಾರಿ ಶಾಟ್‌ಗಳನ್ನು ಕೂಡ ಮಾಡಲಾಗಿತ್ತು. ಇದರಲ್ಲಿ ಕೆಲವು ಗ್ರಾಫಿಕ್ಸ್ ಮತ್ತು ಕೆಲವು ನೈಜತೆಯನ್ನು ಒಳಗೊಂಡಿತ್ತು.
On top of the world! Watch as Dew and I start an epic adventure together! @MountainDewIn#BhayamVoduluGelichiChudu #DarrKeAageJeetHai pic.twitter.com/Cqfe8xQhQh
— Mahesh Babu (@urstrulyMahesh) February 4, 2022
ಈ ಹೊಸ ಜಾಹೀರಾತು ವಿಡಿಯೋವನ್ನು ಪ್ರಿನ್ಸ್ ಮಹೇಶ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಮಹೇಶ್ ದುಬೈನ ಬುರ್ಜ್ ಖಲೀಫಾ ಟವರ್ ಮೇಲಿಂದ ಸ್ಟಂಟ್ ಮಾಡುವ ವೇಳೆ ಮೌಂಟೇನ್ ಡ್ಯೂ ಕೂಲ್ಡ್ರಿಂಕ್ ಕುಡಿದು ಬೈಕ್ ಸ್ಟಂಟ್ ಮಾಡುತ್ತಾ ಕೆಳಗೆ ಬಂದಿಳಿಯುತ್ತಾರೆ. ಬಂದ ಬಳಿಕ ಮೌಂಟೇನ್ ಡ್ಯೂ ಕುಡಿದು, ʻಗೆಲ್ಲಬೇಕಾದ್ರೆ ಭಯ ಪಡಬಾರದುʼ ಎಂಬ ಸ್ಲೋಗನ್‌ ಹೇಳಿದ್ದಾರೆ. ಈ ಜಾಹೀರಾತನ್ನು ಹಲವಾರು ಬಾರಿ ಚಿತ್ರೀಕರಣ ಮಾಡಲಾಗಿದೆ. ಇದರಲ್ಲಿ ಹೆಚ್ಚಾಗಿ ಗ್ರಾಫಿಕ್ಸ್ ಬಳಸಲಾಗಿದೆಯಂತೆ.
ಒಟ್ಟಿನಲ್ಲಿ ಮಹೇಶ್ ಸೇರಿದಂತೆ ಎಲ್ಲಾ ಸ್ಟಾರ್ ಹೀರೋಗಳು ಜಾಹೀರಾತಿಗೂ ಸೈ ಎಂದಿದ್ದಾರೆ. ಜಾಹೀರಾತಿನಲ್ಲೂ ಉತ್ತಮ ಸಂಭಾವನೆ ಇರುವ ಕಾರಣ ಬಹುತೇಕ ಸೆಲೆಬ್ರಿಟಿಗಳು ಜಾಹಿರಾತಿನಲ್ಲಿ ನಟಿಸುತ್ತಿದ್ದಾರೆ.
