ಮೂಕಾಂಬಿಕೆಯ ಆಶೀರ್ವಾದ ಪಡೆದ ಕೆಜಿಎಫ್‌ ಚಿತ್ರತಂಡ
ಕೆಜಿಎಫ್‌ ೨ ಚಿತ್ರತಂಡ ಕೊಲ್ಲೂರು ಮುಕಾಂಬಿಕೆಯ ಸನ್ನಿಧಾನದಲ್ಲಿ ಕಾಣಿಸಿಕೊಂಡಿದೆ. ಕೊಲ್ಲೂರಿನ ಮುಕಾಂಬಿಕೆ ಮತ್ತು ಆನೆಗುಡ್ಡೆಯ ವಿನಾಯಕ ದೇವಸ್ಥಾನಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ್ದಾರೆ. ಯಶ್‌ ಅವರ ಸಮ್ಮುಖದಲ್ಲಿಯೇ ಈ ಪೂಜೆ ನಡೆದಿದೆ.
ಬಿಗ್‌ ಬಜೆಟ್‌ನ ಪ್ಯಾನ್‌ ಇಂಡಿಯಾ ಸಿನಿಮಾ ಆಗಿರುವ ಕೆಜಿಎಫ್‌ ೨ 2021ರಲ್ಲಿಯೇ ತೆರೆ ಕಾಣಬೇಕಿತ್ತು. ಕೋವಿಡ್‌ ಎರಡನೇ ಅಲೆಯ ಕಾರಣ ಸಿನಿಮಾ ಮುಂದಕ್ಕೆ ಹೋಗಿತ್ತು.
2022 ಏಪ್ರಿಲ್‌ 14ಕ್ಕೆ ಚಿತ್ರವು ತೆರೆಗೆ ಬರುವುದಾಗಿ ಮುಂಚೆಯೇ ಘೋಷಿಸಿತ್ತು. ಈಗ ನಾವು ಮೂರನೇ ಅಲೆಯ ಮಧ್ಯ ಭಾಗದಲ್ಲಿ ಇದ್ದೇವೆ. ಈಗಾಗಲೇ ಎಲ್ಲಾ ನಿರ್ಬಂಧಗಳನ್ನು ಸರ್ಕಾರ ತೆಗೆಯುತ್ತಾ ಬಂದಿದೆ. ಇನ್ನು ಸ್ವಲ್ಪ ದಿನದಲ್ಲೇ ಶೇ. 100ರಷ್ಟು ಆಸನ ಸಿಗುವಂತೆ ಕಾಣ್ತಿದೆ.
ದೊಡ್ಡ ದೊಡ್ಡ ಸಿನಿಮಾಗಳೆಲ್ಲವೂ 100ರಷ್ಟು ಆಸನಕ್ಕಾಗಿ ಕಾಯುತ್ತಿವೆ.
ಪ್ರಶಾಂತ್‌ ನೀಲ್‌ ನಿರ್ದೇಶನದ ಈ ಸಿನಿಮಾ ನೋಡಲು ಇಡೀ ಭಾರತ ಚಿತ್ರರಂಗವೇ ಕಾದು ಕುಳಿತಿದೆ. ಸಾಕಷ್ಟು ನಿರೀಕ್ಷೆಗಳನ್ನು ಹೊತ್ತಿರುವ ಈ ಸಿನಿಮಾ ಬ್ಲಾಕ್‌ ಬಸ್ಟರ್‌ ಆಗುವ ಎಲ್ಲಾ ಮುನ್ಸೂಚನೆಯನ್ನು ನೀಡಿದೆ.
