ದೀಪಿಕಾ ದಾಸ್ ನಯಾ ಫೋಟೋಶೂಟ್
ಬೆಂಗಳೂರು: ಬಿಗ್‍ಬಾಸ್ ಸೀಸನ್-7ರ ಸ್ಫರ್ಧಿ ಹಾಗೂ ನಟಿ ದೀಪಿಕಾ ದಾಸ್ ಜಾಹೀರಾತುವೊಂದಕ್ಕೆ ಫೋಟೋ ಶೂಟ್ ಮಾಡಿಸಿದ್ದು, ಫೋಟೋದಲ್ಲಿ ದೀಪಿಕಾ ರಗಡ್ ಲುಕ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ. ಕನ್ನಡ ಕಿರುತೆರೆ ನಾಗಿಣಿ ಧಾರವಾಹಿ ಹಾಗೂ ರಿಯಾಲಿಟಿ ಶೋಗಳಲ್ಲಿ ತಮ್ಮ ಗ್ಲಾಮರ್ ಲುಕ್ ಮೂಲಕವೇ ಪ್ರೇಕ್ಷಕರ ಮನ ಕದ್ದಿದ್ದ ಚೆಲುವೆ ದೀಪಿಕಾ ದಾಸ್ ಅಪಾರ ಅಭಿಮಾನಿ ಬಳಗ ಹೊಂದಿದ್ದಾರೆ. ಸದಾ ಸ್ಕ್ರೀನ್ ಮುಂದೆ ಕ್ಯೂಟ್, ಕ್ಯೂಟ್ ಆಗಿ ಕಾಣಿಸಿಕೊಳ್ಳುತ್ತಿದ್ದ ದೀಪಿಕಾ ದಾಸ್ ಮೊದಲ ಬಾರಿಗೆ ಬಾಕ್ಸಿಂಗ್ ಗ್ಲಾವ್ಸ್ ತೊಟ್ಟು ಬಾಕ್ಸಿಂಗ್ ಫೋಟೋಗೆ ಪೋಸ್ ನೀಡಿದ್ದಾರೆ. ಮತ್ತೊಂದರಲ್ಲಿ ಟೆನ್ನೆಸ್ ಬ್ಯಾಟ್ ಹಿಡಿದು ಟೇಬಲ್ ಟೆನ್ನಿಸ್ ಆಡುತ್ತಿರುವಂತೆ ಫೋಟೋಗೆ ಖಡಕ್ ಆಗಿ ಪೋಸ್ ನೀಡಿದ್ದಾರೆ.
ಸದ್ಯ ಈ ಫೋಟೋಗಳನ್ನು ದೀಪಿಕಾ ದಾಸ್ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಶೇರ್ ಮಾಡಿಕೊಂಡಿದ್ದು, ಯಶಸ್ಸನ್ನು ಯಾರು ನೀಡಲು ಆಗುವುದಿಲ್ಲ. ಅದನ್ನು ಟ್ರ್ಯಾಕ್, ಫೀಲ್ಡ್‌ನಲ್ಲಿ ರಕ್ತ, ಬೆವರು ಮತ್ತು ಕಣ್ಣೀರು ಸುರಿಸಿ ಸಂಪಾದಿಸಬೇಕು. ಎಂದಿಗೂ ಬಿಟ್ಟು ಕೊಡಬೇಡಿ ಎಂದು ಕ್ಯಾಪ್ಷನ್‍ನಲ್ಲಿ ಬರೆದುಕೊಂಡಿದ್ದಾರೆ.
