ದುಬೈನಲ್ಲಿ ಕನ್ನಡ ಶಾಲೆ – BSY ಅವರಿಂದ ಉದ್ಘಾಟನೆ

ಬೆಂಗಳೂರು : ಮಾಜಿ ಮುಖ್ಯಮಂತ್ರಿ ಬಿ.ಎಸ್.‌ ಯಡಿಯೂರಪ್ಪ ಅವರು ಇಂದಿನಿಂದ ೫ ದಿನಗಳ ಕಾಲ ದುಬೈ ಪ್ರವಾಸ ಮಾಡಲಿದ್ದಾರೆ. ಕುಟುಂಬದೊಂದಿಗೆ ಬಿ.ಎಸ್.ವೈ ತೆರಳಲಿದ್ದಾರೆ.

ದುಬೈ ಕನ್ನಡದ ಸಂಘದಿಂದ ಯಡಿಯೂರಪ್ಪನವರಿಗೆ ಆಹ್ವಾನ ದೊರೆತಿರುವ ಕಾರಣ ಯಡಿಯೂರಪ್ಪ ದುಬೈ ಪ್ರವಾಸ ಹಮ್ಮಿಕೊಂಡಿದ್ದಾರೆ. ದುಬೈನಲ್ಲಿ ಕನ್ನಡ ಶಾಲೆಯನ್ನು ಉದ್ಘಾಟಿಸಲಿದ್ದಾರೆ ಯಡಿಯೂರಪ್ಪ.

5 ದಿನಗಳ ಕಾಲ ಕುಟುಂಬದೊಂದಿಗೆ ದುಬೈನಲ್ಲಿ ಕಾಲ ಕಳೆಯಲಿದ್ದಾರೆ. ಇಂದು ನಗರದ ತಮ್ಮ ನಿವಾಸದಿಂದ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತಲುಪಿ ನಂತರ ದುಬೈಗೆ ಪ್ರವಾಸ ಬೆಳೆಸಲಿದ್ದಾರೆ

ಮಾಧ್ಯಮದೊಂದಿಗೆ ಮಾತನಾಡಿದ ಯಡಿಯೂರಪ್ಪ, ದುಬೈ ಪ್ರವಾಸ ಕೈಗೊಳ್ಳಲಿದ್ದೇನೆ, ಅದನ್ನು ಮುಗಿಸಿಕೊಂಡು ಬಂದ ಬಳಿಕ ಪಕ್ಷವನ್ನು ಬಲಪಡಿಸುವತ್ತ ನನ್ನ ಚಿತ್ತ ಹರಿಸಲಿದ್ದೇನೆ. ೧೪೦ ಸೀಟು ಗೆದ್ದು ಸರ್ಕಾರ ಸ್ಥಾಪಿಸುವುದು  ನನ್ನ ಗುರಿ ಎಂದಿದ್ದಾರೆ.