ರೈಲು ನಿಲ್ದಾಣದಲ್ಲಿ ಕೂಲಿಗಳಂತೆ ಕೆಂಪು ಅಂಗಿ ಧರಿಸಿ ಸೂಟ್‌ಕೇಸ್‌ ಹೊತ್ತ ರಾಹುಲ್‌ ಗಾಂಧಿ
ನವದೆಹಲಿ; ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಇತ್ತೀಚೆಗೆ ಜನ ಸಾಮಾನ್ಯರ ಜೊತೆ ಬೆರೆಯವುದು, ಅವರ ಕಷ್ಟ ಸುಖ ವಿಚಾರಿಸುವುದು ಮಾಡುತ್ತಿದ್ದಾರೆ. ಫುಡ್‌ ಡೆಲಿವರಿ ಬಾಯ್‌ಗಳು, ಲಾರಿ ಡ್ರೈವರ್‌ಗಳು, ಕೃಷಿ ಕೂಲಿ ಕಾರ್ಮಿಕರು, ಟ್ಯಾಕ್ಸಿ ಡ್ರೈವರ್‌ಗಳು ಹೀಗೆ ಹಲವರನ್ನು ಭೇಟಿ ಮಾಡಿದ್ದ ರಾಹುಲ್‌ ಗಾಂಧಿ ಇಂದು ರೈಲು ನಿಲ್ದಾಣದ ಕೂಲಿ ಕಾರ್ಮಿಕರನ್ನು ಭೇಟಿ ಮಾಡಿ ಅವರ ಕಷ್ಟ ಸುಖ ವಿಚಾರಿಸಿದ್ದಾರೆ.
ದೆಹಲಿಯ ಆನಂದ್ ವಿಹಾರ್ ರೈಲು ನಿಲ್ದಾಣದಲ್ಲಿ ರಾಹುಲ್‌ ಗಾಂಧಿ ಕೂಲಿಯಂತೆ ಕಾಣಿಸಿಕೊಂಡು ಗಮನ ಸೆಳೆದರು. ಕೂಲಿಗಳಂತೆ ಕೆಂಪು ಅಂಗಿ ಧರಿಸಿದ್ದ ರಾಹುಲ್‌ ಗಾಂಧಿಯವರು ಪ್ರಯಾಣಿಕರೊಬ್ಬರ ಸೂಟ್‌ಕೇಸ್‌ ಹೊತ್ತು ನಡೆದರು. ಈ ಫೋಟೋ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿವೆ.
