ಸಿಗರೇಟು ಸೇದುತ್ತಿದ್ದನ್ನು ನೋಡಿ ಗುರಾಯಿಸಿದ ವ್ಯಕ್ತಿ; ಪ್ರಾಣವನ್ನೇ ತೆಗೆದ ಯುವತಿ!
ಮುಂಬೈ; ಪಾನ್‌ ಶಾಪ್‌ ಒಂದರ ಬಳಿ 24 ವರ್ಷ ಯುವತಿಯೊಬ್ಬಳು ಸಿಗರೇಟ್‌ ಸೇದುತ್ತಿದ್ದುದನ್ನು ನೋಡಿದ ಮಧ್ಯ ವಯಸ್ಸಿನ ವ್ಯಕ್ತಿಯೊಬ್ಬ ಗುರಾಯಿಸಿದ್ದಾನೆ.. ಇದರಿಂದ ರೊಚ್ಚಿಗೆದ್ದ ಯುವತಿ ಆತನ ವಿರುದ್ಧ ಜಗಳ ತೆಗೆದಿದ್ದಾಳೆ.. ಸಾಲದೆಂಬಂತೆ ಆತನ ಮನೆ ಬಳಿಗೆ ಸ್ನೇಹಿತರನ್ನು ಕರೆಸಿ, ಆ ವ್ಯಕ್ತಿಯೊಬ್ಬ ಕೊಂದೇಬಿಟ್ಟಿದ್ದಾಳೆ.
ಇದನ್ನೂ ಓದಿ; ಧಾರವಾಡದಿಂದ ಅಖಾಡಕ್ಕೆ ಇಳಿಯಲು ದಿಂಗಾಲೇಶ್ವರ ಶ್ರೀ ತೀರ್ಮಾನ; ಪ್ರಹ್ಲಾದ್ ಜೋಶಿಗೆ ಭೀತಿ
ನಾಗ್ಪುರದಲ್ಲಿ ನಡೀತು ದಾರುಣ ಕೊಲೆ;
ಮಹಾರಾಷ್ಟ್ರದ ನಾಗ್ಪುರ ಜಿಲ್ಲೆಯ ಮನೆವಾಡ ಸಿಮೆಂಟ್‌ ರೋಡ್‌ ನಲ್ಲಿ ಇಂತದ್ದೊಂದು ದಾರುಣ ಘಟನೆ ನಡೆದಿದೆ.. ಇಲ್ಲಿನ ಪಾನ್‌ ಶಾಪ್‌ ಒಂದರ ಬಳಿ ಜಯಶ್ರೀ ಪಂಢರೆ ಎಂಬ 24 ವರ್ಷದ ಯುವತಿ ಸಿಗರೇಟ್‌ ಸೇದುತ್ತಾ ನಿಂತಿದ್ದಳು.. ಇದರನ್ನು ನೋಡಿ ನಾಲ್ಕು ಮಕ್ಕಳ ತಂದೆ ರಂಜಿತ್‌ ರಾಥೋಡ್‌ ಎಂಬಾತ ಆಕೆಯ ಗುರಾಯಿಸಿದ್ದಾನೆ.. ಇದಕ್ಕೇ ರೊಚ್ಚಿಗೆದ್ದ ಜಯಶ್ರೀ, ರಂಜಿತ್‌ ಮೇಲೆ ಮುಗಿಬಿದ್ದಿದ್ದಾಳೆ.. ಜಗಳ ತೆಗೆದಿದ್ದಾಳೆ. ಸಾಲದೆಂಬಂತೆ ಸ್ನೇಹಿತರನ್ನು ಕರೆಸಿರುವ ಜಯಶ್ರೀ, ರಂಜಿತ್‌ ಅವರ ಮನೆಗೇ ಹೋಗಿದ್ದಾಳೆ.. ಅಲ್ಲಿ ಮತ್ತೆ ಜಗಳ ಕಾಯ್ದು, ಚಾಕುವಿನಿಂದ ರಂಜಿತ್‌ ಮೇಲೆ ದಾಳಿ ಮಾಡಲಾಗಿದೆ. ತೀವ್ರ ರಕ್ತಸ್ರಾವದಿಂದ ರಂಜಿತ್‌ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ..
ಇದನ್ನೂ ಓದಿ; ಬಹಿರ್ದೆಸೆಗೆ ತೆರಳಿದ್ದ ವ್ಯಕ್ತಿಯ ಬರ್ಬರ ಹತ್ಯೆ; ಅಮಾವಾಸ್ಯೆ ದಿನ ನರಬಲಿ ಶಂಕೆ!
ಯುವತಿ ಗಲಾಟೆ ಮಾಡಿದ್ದನ್ನು ರೆಕಾರ್ಡ್‌ ಮಾಡಿದ್ದ ರಂಜಿತ್‌;
ಯುವತಿ ಸಿಗರೇಟ್‌ ಸೇದಿದ್ದಕ್ಕೆ ರಂಜಿತ್‌ ಗುರಾಯಿಸಿದ್ದರು.. ತಪ್ಪೇನು ಎಂಬ ರೀತಿಯಲ್ಲಿ ಯುವತಿ ಜಯಶ್ರೀ ಜಗಳಕ್ಕೆ ಇಳಿದಿದ್ದಾಳೆ. ಈ ವೇಳೆ ರಂಜಿತ್‌ ತನ್ನ ಮೊಬೈಲ್‌ನಲ್ಲಿ ವಿಡಿಯೋ ಮಾಡಿಕೊಂಡಿದ್ದಾನೆ. ಇದರಿಂದಾಗಿ ಜಯಶ್ರೀ ಮತ್ತಷ್ಟು ರೊಚ್ಚಿಗೆದ್ದಿದ್ದಾಳೆ. ರಂಜಿತ್‌ ಮನೆಗೆ ಹೋದರೂ ಬಿಡದೇ ಆತನ ಮನೆಗೂ ನುಗ್ಗಿದ್ದಾಳೆ. ಚಾಕುವಿನಿಂದ ಆತನಿಗೆ ಎಲ್ಲೆಂದರಲ್ಲಿ ತಿವಿದಿದ್ದಾಳೆ. ರಂಜಿತ್‌ ಸಾವನ್ನಪ್ಪಿದ್ದು ಗೊತ್ತಾಗುತ್ತಿದ್ದಂತೆ ಅಲ್ಲಿಂದ ಎಲ್ಲರೂ ಎಸ್ಕೇಪ್‌ ಆಗಿದ್ದಾರೆ.. ಪೊಲೀಸರು ಆರೋಪಿಗಳಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ. ಈಗಾಗಲೇ ಮೂವರನ್ನು ಬಂಧಿಸಲಾಗಿದ್ದು, ಮತ್ತೊಬ್ಬ ಆರೋಪಿ ಮಾತ್ರ ತಲೆ ಮರೆಸಿಕೊಂಡಿದ್ದಾನೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ; ರಸ್ತೆಯಲ್ಲೇ ಹೊತ್ತಿ ಉರಿದ ಕಾರು; ಕೊಡಗಿನಲ್ಲಿ ಪಲ್ಟಿ ಹೊಡೆದ ಬಸ್‌!
