ಶಾಲಾ ಬಸ್‌ ಓಡಿಸುತ್ತಿದ್ದಾಗಲೇ ಚಾಲಕನಿಗೆ ಹೃದಯಾಘಾತ; ಸ್ಥಳದಲ್ಲೇ ಸಾವು!
ಚೆನ್ನೈ; ಮಕ್ಕಳನ್ನು ಶಾಲೆಗೆ ಕರೆದುಕೊಂಡು ಹೋಗುತ್ತಿದ್ದಾಗ ಶಾಲಾ ವಾಹನದ ಚಾಲಕನಿಗೆ ಹೃದಯಾಘಾತವಾಗಿದ್ದು, ಕೂತಿದ್ದಲ್ಲೇ ಸಾವನ್ನಪ್ಪಿದ್ದಾನೆ.. ತಮಿಳುನಾಡಿನ ಅಯ್ಯನೂರಿನಲ್ಲಿ ಈ ದುರ್ಘಟನೆ ನಡೆದಿದೆ..
ಇದನ್ನೂ ಓದಿ; ನಾಯಿ ಮಾಂಸ ಸಾಗಾಟ ಆರೋಪ ಮಾಡಿ ಪ್ರೊಟೆಸ್ಟ್; ಪುನೀತ್‌ ಕೆರೆಹಳ್ಳಿ ಅಸ್ವಸ್ಥ!
ವೆಲ್ಲಕೋಯಿಲ್ ಕೆಸಿಪಿ ನಗರದ ವಾಸಿ 49 ವರ್ಷದ ಸೋಮಲಯ್ಯಪ್ಪನ್‌ ಎಂಬ ಚಾಲಕನೇ ಹೃದಯಾಘಾತಕ್ಕೆ ಬಲಿಯಾದ ವ್ಯಕ್ತಿಯಾಗಿದ್ದಾರೆ.. ಇವರು ಅಯ್ಯನೂರಿನ ಖಾಸಗಿ ಶಾಲೆಯ ಬಸ್‌ ಚಾಲಕರಾಗಿದ್ದರೆ, ಅವರ ಪತ್ನಿ ಲತಾ ಅವರು ಅದೇ ಬಸ್‌ನಲ್ಲಿ ಸಹಾಯಕಿಯಾಗಿ ಕೆಲಸ ಮಾಡುತ್ತಾರೆ..
ಇದನ್ನೂ ಓದಿ; ಸ್ಕೂಟಿಯಲ್ಲಿ ಹೋಗುವಾಗ ಕೇಳಿಸಿತು ಬುಸ್‌ ಬುಸ್‌ ಶಬ್ದ!; ಡಿಕ್ಕಿಯಲ್ಲಿತ್ತು ಹಾವಿನ ಮೊಟ್ಟೆಗಳು!
ಇಂದು ಬೆಳಗ್ಗೆ ಶಾಲೆಗೆ ಮಕ್ಕಳನ್ನು ಕರೆತರುತ್ತಿದ್ದರು. ಈ ವೇಳೆ ಬಸ್‌ ಚಾಲನೆ ಮಾಡುತ್ತಿದ್ದಾಗಲೇ ಸೋಮಲಯ್ಯಪ್ಪನ್‌ ಅವರಿಗೆ ಹೃದಯಾಘಾತವಾಗಿದೆ.. ಕೂಡಲೇ ಅವರು ಬಸ್‌ ಅನ್ನು ಪಕ್ಕಕ್ಕೆ ನಿಲ್ಲಿಸಿದ್ದಾರೆ.. ನಂತರ ಕ್ಷಣಾರ್ಧದಲ್ಲಿ ಸಾವನ್ನಪ್ಪಿದ್ದಾರೆ.. ಸಾಯುವ ಸಮಯದಲ್ಲೂ ಅವರು ಕರ್ತವ್ಯಪ್ರಜ್ಞೆ ಮೆರೆದಿದ್ದರಿಂದ ಶಾಲೆಯಲ್ಲಿದ್ದ 20 ಮಕ್ಕಳ ಪ್ರಾಣ ಉಳಿದಿದೆ.. ತಮಿಳುನಾಡು ಸರ್ಕಾರ ಮೃತ ವ್ಯಕ್ತಿಗೆ 5 ಲಕ್ಷ ರೂಪಾಯಿ ಪರಿಹಾರ ಘೋಷಣೆ ಮಾಡಿದೆ..
