ಹಾಸನ, ಮಂಡ್ಯದಲ್ಲಿ ಬಿಜೆಪಿಯ ಕೆಲವರು ಸಹಕರಿಸಿಲ್ಲ; ದೇವೇಗೌಡ

ಹಾಸನ; ಇವತ್ತು ಬಹಿರಂಗ ಪ್ರಚಾರ ಅಂತ್ಯವಾಗಲಿದೆ.. ನಾಳೆ ಹಾಗೂ ನಾಡಿದ್ದು ಮನೆ ಮನೆ ಪ್ರಚಾರ ಮಾತ್ರ ಇರೋದು.. ಶುಕ್ರವಾರ ಮತದಾನ ನಡೆಯಲಿದ್ದು, ಅದಕ್ಕಾಗಿ ಎಲ್ಲಾ ಸಿದ್ಧತೆಗಳೂ ನಡೆಯುತ್ತಿವೆ.. ಹೀಗಿರುವಾಗೇ ಮಾಜಿ ಪ್ರಧಾನಿ ದೇವೇಗೌಡರು, ಹಾಸನ ಹಾಗೂ ಮಂಡ್ಯದಲ್ಲಿ ಬಿಜೆಪಿಯ ಬೆಂಬಲದ ಬಗ್ಗೆ ಮಾತನಾಡಿದ್ದಾರೆ.. ಹಾಸನದಲ್ಲಿ ಬಿಜೆಪಿಯ ಕೆಲವರು ಸಹಕಾರ ಕೊಟ್ಟಿಲ್ಲ ಎಂದಿದ್ದಾರೆ.. ಮಂಡ್ಯದಲ್ಲಿ ಸಂಸದೆ ಸುಮಲತಾ ಅವರು ಕೂಡಾ ಸಹಾಯ ಮಾಡಿಲ್ಲ ಎಂದು ದೇವೇಗೌಡರು ಅಸಮಾಧಾನ ಹೊರಹಾಕಿದ್ದಾರೆ..

ಮೈತ್ರಿಯಲ್ಲಿ ಮೂಡದ ಒಮ್ಮತ;

ರಾಜ್ಯದಲ್ಲಿ ಮೊದಲ ಹಂತದ ಮತದಾನಕ್ಕೆ ಒಂದು ದಿನ ಮಾತ್ರ ಬಾಕಿ ಇದೆ.. ಶುಕ್ರವಾರ ಬೆಳಗ್ಗೆಯಿಂದ ಮತದಾನ ನಡೆಯಲಿದೆ.. ಆದ್ರೆ, ದೇವೇಗೌಡರ ಹೇಳಿಕೆಯಿಂದ ಮೈತ್ರಿಯಲ್ಲಿ ಒಮ್ಮತ ಮೂಡಿಲ್ಲ ಅನ್ನೋದು ಅರ್ಥವಾಗುತ್ತಿದೆ..  ಸರಿಯಾದ ಬೆಂಬಲ ಸಿಗದೇ ಹೋದರೂ ಕೂಡಾ ಮೈತ್ರಿ ಅಭ್ಯರ್ಥಿಗಳೆಲ್ಲಾ ಗೆಲ್ಲುತ್ತಾರೆ ಎಂದು ದೇವೇಗೌಡರು ವಿಶ್ವಾಸ ವ್ಯಕ್ತಪಡಿಸುತ್ತಿದ್ದಾರೆ..

ಸುಮಲತಾ ಸಹಾಯ ಮಾಡದಿದ್ದರೂ ಅಪಾಯವಿಲ್ಲ;

ಹಾಸನದಲ್ಲಿ ಕೆಲವರು ನಮಗೆ ಸಹಕಾರ ನೀಡುತ್ತಿಲ್ಲ.. ಮಂಡ್ಯದಲ್ಲಿ ಸುಮಲತಾ ಅವರು ಕೂಡಾ ಸಹಾಯಕ್ಕೆ ನಿಂತಿಲ್ಲ.. ಹಾಗಂತ ಮಂಡ್ಯದಲ್ಲಿ ಕುಮಾರಸ್ವಾಮಿಯವರಿಗೆ ದೊಡ್ಡ ಅಪಾಯ ಇದೆ ಎನ್ನುವ ಪರಿಸ್ಥಿತಿ ಇಲ್ಲ.. ನಾವು ಗೆದ್ದೇ ಗೆಲ್ಲುತ್ತೇವೆ ಎಂದು ದೇವೇಗೌಡರು ಹೇಳಿದ್ದಾರೆ.. ಬೆಂಗಳೂರು ಗ್ರಾಮಾಂತರದಲ್ಲಿ ಕೂಡಾ ಮಂಜುನಾಥ್‌ ಅವರಿಗೆ ಭಾರೀ ಜನಬೆಂಬಲ ಸಿಕ್ಕಿದೆ.. ನಿನ್ನೆ ಒಂದೇ ದಿನ ನಾನು ಏಳು ಸಭೆಗಳನ್ನು ಮಾಡಿದ್ದೇನೆ.. ಅವರು ದುಡ್ಡಿನ ಹೊಳೆ ಹರಿಸಿದರೂ ಕೂಡಾ ಗೆಲ್ಲೋದು ನಾವೇ ಎಂದು ದೇವೇಗೌಡರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ..