ರಾಮ್‌ಗೋಪಾಲ್‌ ವರ್ಮಾ ಚುನಾವಣೆಗೆ ಸ್ಪರ್ಧಿಸ್ತಾರಂತೆ; ಟ್ವೀಟ್‌ನಲ್ಲಿ ಏನಿದೆ..?
ಸೆನ್ಸೇಷನಲ್ ಡೈರೆಕ್ಟರ್ ರಾಮ್ ಗೋಪಾಲ್ ವರ್ಮಾ ಯಾವಾಗ ಯಾವ ಬಾಂಬ್ ಸಿಡಿಸುತ್ತಾರೋ ಹೇಳೋದು ಕಷ್ಟ. ಇತ್ತೀಚೆಗಷ್ಟೇ ವ್ಯೂಹಂ ಚಿತ್ರದ ಮೂಲಕ ಪ್ರೇಕ್ಷಕರನ್ನು ರಂಜಿಸಿದ ರಾಮ್ ಗೋಪಾಲ್ ವರ್ಮಾ. ಈಗ ಶಪಥಂ ಎಂಬ ಸಿನಿಮಾ ತಯಾರಿಯಲಿದ್ದಾರೆ. ಏತನ್ಮಧ್ಯೆ, RGV ಅವರು ಮಾಡಿರುವ ಟ್ವೀಟ್ ಆಂಧ್ರಪ್ರದೇಶ ರಾಜಕೀಯದಲ್ಲಿ ಸಂಚನ ಮೂಡಿಸಿದೆ. ಯಾಕಂದ್ರೆ ಅವರು ಚುನಾವಣೆಗೆ ಸ್ಪರ್ಧೆ ಮಾಡುತ್ತಿರುವುದಾಗಿ ಘೋಷಣೆ ಮಾಡಿಕೊಂಡಿದ್ದಾರೆ.
ಆರ್‌ಜಿವಿ ಟ್ವೀಟ್‌ನಲ್ಲಿ ಏನಿದೆ..?
ದಿಢೀರ್ ನಿರ್ಧಾರ ಕೈಗೊಂಡಿದ್ದೇನೆ ಎಂದು ಟ್ವೀಟ್ ಮಾಡಿರುವ ಆರ್.ಜಿ.ವಿ.. ನಾನು ಪಿಠಾಪುರದಿಂದ ಚುನಾವಣಾ ಕಣಕ್ಕೆ ಇಳಿಯುತ್ತಿದ್ದೇನೆ. ಈ ಸುದ್ದಿಯನ್ನು ಹೇಳಲು ನನಗೆ ಸಂತೋಷವಾಗುತ್ತಿದೆ. ಹೀಗಂತ ರಾಮ್ ಗೋಪಾಲ್ ವರ್ಮಾ ಬರೆದುಕೊಂಡಿದ್ದಾರೆ.
ಆದ್ರೆ ಪವನ್ ಮೇಲೆ ಈ ವಿಡಂಬನಾತ್ಮಕ ಟ್ವೀಟ್ ಮಾಡಿದ್ದಾರಾ RGV..? ಅಥವಾ ಪವನ್ ಗೆ ಪೈಪೋಟಿ ನೀಡಲು ಆರ್ ಜಿವಿ ಕೂಡ ಪಿಠಾಪುರದಿಂದ ಸ್ಪರ್ಧಿಸುತ್ತಿದ್ದಾರಾ? ಎಂಬ ಅನುಮಾನಗಳು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಕ್ತವಾಗುತ್ತಿವೆ. ಅಥವಾ ಪವನ್ ಪಿಠಾಪುರದಿಂದ ಸ್ಪರ್ಧಿಸಿರುವುದರಿಂದ ವರ್ಮಾ ಖುಷಿಯಾಗಿದ್ದಾರೆಯೇ? ಈ ಟ್ವೀಟ್‌ನ ನಿಜವಾದ ಅರ್ಥವನ್ನು ನೆಟಿಜನ್‌ಗಳು ಚರ್ಚಿಸುತ್ತಿದ್ದಾರೆ.
ರಾಮ್ ಗೋಪಾಲ್ ವರ್ಮಾ ಅವರು ಮತ್ತೊಬ್ಬರನ್ನು ಗೇಲಿ ಮಾಡಿ ಟ್ವೀಟ್ ಮಾಡೋದು ಸಾಮಾನ್ಯ. ಅವರು ಟ್ವೀಟ್‌ಗಳ ಮೂಲಕವೇ ಹೆಚ್ಚು ಚಾಲ್ತಿಯಲ್ಲಿರುತ್ತಾರೆ.. ರಾಮ್ ಗೋಪಾಲ್ ವರ್ಮಾ ಅವರು ಆಗಾಗ ಪವನ್ ಕಲ್ಯಾಣ್ ಅವರ ಕಾಲೆಳೆಯುತ್ತಿರುತ್ತಾರೆ.. ಅದೇ ರೀತಿ ಇಂದು ಪವನ್ ಕಲ್ಯಾಣ್ ತಾವು ಸ್ಪರ್ಧಿಸುವಕ್ಷೇತ್ರ ಅನೌನ್ಸ್‌ ಮಾಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಪವನ್ ಕಲ್ಯಾಣ್ ಅವರ ಕಾಲೆಳೆಯುವುದಕ್ಕಾಗಿಯೇ ಈ ರೀತಿಯ ಟ್ವೀಟ್ ಮಾಡಿರಬಹುದು ಎಂದು ಹೇಳಲಾಗುತ್ತಿದೆ.
