ತೆಲಂಗಾಣ ಚುನಾವಣೆ; ಪ್ರಚಾರದ ವೇಳೆ ಕುಸಿದುಬಿದ್ದ ಕೆಸಿಆರ್‌ ಪುತ್ರಿ ಕವಿತಾ
ಹೈದರಾಬಾದ್‌; ತೆಲಂಗಾಣದಲ್ಲಿ ಚುನಾವಣಾ ಪ್ರಚಾರದ ಭರಾಟೆ ಜೋರಾಗಿದೆ. ಹೀಗೆ ರೋಡ್‌ ಶೋ ನಡೆಸುತ್ತಿದ್ದ ವೇಳೆ ಸಿಎಂ ಕೆಸಿಆರ್‌ ಪುತ್ರಿ ಕವಿತಾ ತಲೆ ತಿರುಗಿ ಬಿದ್ದಿದ್ದಾರೆ. ತೆರೆದ ವಾಹನದಲ್ಲಿ ಅವರು ರೋಡ್‌ ಶೋ ಮಾಡುತ್ತಿದ್ದಾಗ ತಲೆ ಸುತ್ತಬಂದಿದ್ದು ವಾಹನದಲ್ಲೇ ಕುಸಿದಿದ್ದಾರೆ.
ಜಗಿತ್ಯಾಲ ಜಿಲ್ಲೆಯ ರಾಯ್ಕಲ್ ಮಂಡಲದ ಇಟಿಕ್ಯಾಲ ಗ್ರಾಮದಲ್ಲಿ ಚುನಾವಣಾ ಪ್ರಚಾರದ ವೇಳೆ ಎಂಎಲ್ ಸಿ ಕಲ್ವಕುಂಟ್ಲ ಕವಿತಾ ಪ್ರಜ್ಞೆ ತಪ್ಪಿ ಬಿದ್ದಿದ್ದಾರೆ. ಪ್ರಚಾರ ವಾಹನದಲ್ಲಿದ್ದಾಗಲೇ.. ಏಕಾಏಕಿ ಕಣ್ಣು ತಿರುಗಿ ಬಿದ್ದಿದ್ದಾರೆ. ಜಗಿತ್ಯಾಲ ಬಿಆರ್ ಎಸ್ ಅಭ್ಯರ್ಥಿ ಸಂಜಯ್ ಕುಮಾರ್ ಪರ ಪ್ರಚಾರ ನಡೆಸುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಪಕ್ಕದಲ್ಲಿದ್ದ ಮಹಿಳಾ ಕಾರ್ಯಕರ್ತರು ಆಕೆಗೆ ಸಹಾಯ ಮಾಡಿದರು. ಅಲ್ಲಿಯೇ ಇದ್ದ ಗ್ರಂಥಾಲಯದ ಅಧ್ಯಕ್ಷ ಡಾ.ಚಂದ್ರಶೇಖರ್ ಗೌಡ್ ಪ್ರಾಥಮಿಕ ಚಿಕಿತ್ಸೆ ಮಾಡಿದರು. ಸದ್ಯ ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ತಿಳಿಸಿದರು. ನಿರ್ಜಲೀಕರಣದಿಂದಾಗಿ ಆಕೆ ಕುಸಿದು ಬಿದ್ದಿದ್ದಾಳೆ ಎಂದು ವೈದ್ಯರು ತಿಳಿಸಿದ್ದಾರೆ. ಸ್ವಲ್ಪ ವಿರಾಮದ ನಂತರ, ಅವರು ಪ್ರಚಾರವನ್ನು ಪುನರಾರಂಭಿಸಿದರು.
