ಗಣರಾಜ್ಯೋತ್ಸವಕ್ಕೆ ಅಂಗ-ರಂಗ ವೈಭವವಾಗಿ ಸಿಂಗಾರಗೊಂಡ ರಾಜಪಥ

ದೆಹಲಿ: ನಾಳಿನ ಗಣರಾಜ್ಯೋತ್ಸವ ಆಚರಣೆಗೆ ದೆಹಲಿ ರಾಜಪಥ ಸಜ್ಜಾಗಿದೆ. ಗಣರಾಜ್ಯೋತ್ಸವವನ್ನು ಅದ್ಧೂರಿಯಾಗಿ ನಡೆಸಲು ಕೇಂದ್ರ ಸರ್ಕಾರ ಈಗಾಗಲೇ ಸಕಲ ಸಿದ್ಧತೆ ಮಾಡಿಕೊಂಡಿದೆ. ಕೋವಿಡ್ ನಿರ್ಬಂಧಗಳು ಗಣರಾಜ್ಯೋತ್ಸವ ಪರೇಡ್‌ನಲ್ಲಿ ಪಾಲನೆಯಾಗಲಿವೆ. ರಾಷ್ಟ್ರಪತಿ ಭವನ ಮತ್ತು ಇಂಡಿಯಾ ಗೇಟ್‌ನ ಸುತ್ತಮುತ್ತಲಿನ ಪ್ರದೇಶಗಳು ಭದ್ರಕೋಟೆಯಂತೆ ಕಾಣುತ್ತಿವೆ. ಗಣರಾಜ್ಯೋತ್ಸವ ಪರೇಡ್ ನಡೆಯುವಾಗ  27,723 ಪೊಲೀಸ್ ಪಡೆಗಳನ್ನು ಕರ್ತವ್ಯಕ್ಕೆ ನಿಯೋಜಿಸಲಾಗಿದೆ..

ದೇಶದಲ್ಲಿ ಕರೋನಾ ಪ್ರಕರಣಗಳ ಹೆಚ್ಚಳ ಹಿನ್ನೆಲೆಯಲ್ಲಿ ದೆಹಲಿ ಪೊಲೀಸರು ನಿರ್ಬಂಧಗಳನ್ನು ವಿಧಿಸಿದ್ದಾರೆ. ಗಣರಾಜ್ಯೋತ್ಸವವನ್ನು ವೀಕ್ಷಿಸಲು ಬರುವವರು ಕಡ್ಡಾಯವಾಗಿ ಮಾಸ್ಕ್ ಧರಿಸುವಂತೆ ಸೂಚಿಸಲಾಗಿದೆ. ಸಾಮಾಜಿಕ ಅಂತರವನ್ನು ಅನುಸರಿಸುವಂತೆಯೂ ಸೂಚಿಸಲಾಗಿದೆ. ಎರಡು ಡೋಸ್‌ ಲಸಿಕೆ ಪಡೆದವರಿಗೆ ಮಾತ್ರ ಪರೇಡ್‌ ನೋಡಲು ಅನುಮತಿ ನೀಡಲಾಗಿದೆ.

ರಾಷ್ಟ್ರಪತಿ ಭವನ ಮತ್ತು ವಿಜಯ್ ಚೌಕ್‌ನಿಂದ ರಾಷ್ಟ್ರೀಯ ಕ್ರೀಡಾಂಗಣದವರೆಗೆ ಸೇನಾ ಪರೇಡ್‌ಗಳು ಮತ್ತು ಪ್ರದರ್ಶನಗಳು ಮುಂದುವರಿಯಲಿವೆ. ಈ ಬಾರಿ ಗಣರಾಜ್ಯ ಪರೇಡ್ ನಲ್ಲಿ 16 ಪರೇಡ್ ವಿಭಾಗಗಳು ಇರುತ್ತವೆ. ಪರೇಡ್‌ನಲ್ಲಿ ಸೇನೆ, ನೌಕಾಪಡೆ, ವಾಯುಪಡೆ, ಕೇಂದ್ರ ಸಶಸ್ತ್ರ ಪಡೆಗಳು, ಎನ್‌ಸಿಸಿ, ಎನ್‌ಎಸ್‌ಎಸ್ ಘಟಕಗಳು ಮತ್ತು 17 ಸೇನಾ ಬ್ಯಾಂಡ್‌ಗಳು ಭಾಗವಹಿಸಲಿವೆ. ಇನ್ನೂ 25  ರಾಜ್ಯಗಳಿಂದ ಮನರಂಜನೆ ಕಾರ್ಯಕ್ರಮಗಳು ನಡೆಯಲಿವೆ.

ಈ ಬಾರಿ 75ನೇ ಆಜಾದಿ ಕಾ ಅಮೃತ್ ಮಹೋತ್ಸವದ ಅಂಗವಾಗಿ ಫ್ಲೈ-ಪಾಸ್ಟ್ ವಿಶೇಷ ಆಕರ್ಷಣೆಯಾಗಲಿದೆ. ಫ್ಲೈ-ಪಾಸ್ಟ್‌ನಲ್ಲಿ 75 ವಿಮಾನಗಳು ಭಾಗವಹಿಸುತ್ತವೆ. ವಿಂಟೇಜ್, ರಾಫೆಲ್, ಸುಖೋಯ್, ಜಾಗ್ವಾರ್, ಎಂಐ-17, ಸಾರಂಗ್, ಅಪಾಚೆ, ಡಕೋಟಾದಂತಹ ಆಧುನಿಕ ವಿಮಾನಗಳು ಫ್ಲೈ-ಪಾಸ್ಟ್‌ನಲ್ಲಿ ರಿಪಬ್ಲಿಕ್ ಪರೇಡ್‌ನಲ್ಲಿ ಗುರುತಿಸಲ್ಪಡುತ್ತವೆ. ಫ್ಲೈ-ಪಾಸ್ಟ್ 15 ವಿವಿಧ ರೀತಿಯ ವಿಮಾನಗಳು ಮತ್ತು ಹೆಲಿಕಾಪ್ಟರ್‌ಗಳನ್ನು ಪ್ರದರ್ಶನ ಮುಂದುವರೆಯುತ್ತದೆ.

ಪರೇಡ್ ಚಿತ್ರೀಕರಿಸಲು 160 ವೀಡಿಯೋ ಪತ್ರಕರ್ತರನ್ನು ನೇಮಕ ಮಾಡಲಾಗಿದೆ.  ರಾಜಪಥದಲ್ಲಿ 33, ರಾಷ್ಟ್ರಪತಿ ಭವನದಲ್ಲಿ 10, ಇಂಡಿಯಾ ಗೇಟ್‌ನಲ್ಲಿ 16, ರಾಷ್ಟ್ರೀಯ ಯುದ್ಧ ಸ್ಮಾರಕ ಮತ್ತು ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ 33 ಕ್ಯಾಮೆರಾಗಳನ್ನು ಹಾಕಲಾಗಿದೆ. 360 ಡಿಗ್ರಿಯಲ್ಲಿ ಪರೇಡ್ ಮತ್ತು ಏರ್ ಶೋ ತೋರಿಸಲು ಎರಡು ವಿಶೇಷ ಕ್ಯಾಮೆರಾಗಳನ್ನು ಸ್ಥಾಪಿಸಲಾಗಿದೆ ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ. ಒಂದು ರಾಜ್ ಪಥ್ ಮತ್ತು ಇನ್ನೊಂದು ಇಂಡಿಯಾ ಗೇಟ್ ಮೇಲೆ  360 ಡಿಗ್ರಿ ಕ್ಯಾಮೆರಾಗಳನ್ನು ಹಾಕಲಾಗಿದೆಯಂತೆ.

ಇನ್ನೂ ಭದ್ರತಾ ವಿಚಾರವಾಗಿ  71 ಡಿಸಿಪಿಗಳು, 213 ಎಸಿಪಿಗಳು, 753 ಇನ್ಸ್‌ಪೆಕ್ಟರ್‌ಗಳು ಮತ್ತು 65 ಕಂಪನಿಗಳ ಸಿಎಪಿಎಫ್ ಪಡೆಗಳನ್ನು ನಿಯೋಜಿಸಲಾಗಿದೆ. ಭದ್ರತೆಯ ಭಾಗವಾಗಿ 300 ಸಿಸಿ ಕ್ಯಾಮೆರಾಗಳನ್ನು ಸ್ಥಾಪಿಸಲಾಗಿದೆ. 30 ಪ್ರದೇಶಗಳಲ್ಲಿ ಮುಖ ಗುರುತಿಸುವ ಕ್ಯಾಮರಾಗಳನ್ನ ಹಾಕಲಾಗಿದೆ.  ಇದು 50,000 ಶಂಕಿತ ಅಪರಾಧಿಗಳ ಡೇಟಾಬೇಸ್ ಹೊಂದಿದೆ ಎಂದು FRS ಹೇಳಿದೆ. ದೆಹಲಿಯಲ್ಲಿ ಕೋವಿಡ್ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು, ಮೆರವಣಿಗೆಯಲ್ಲಿ 24,000 ಜನರಿಗೆ ಮಾತ್ರ ಅವಕಾಶ ನೀಡಲಾಗುತ್ತದೆ. 19 ಸಾವಿರ ಆಹ್ವಾನಿತರಿದ್ದರೆ.. ಸಾಮಾನ್ಯ ಜನರಿಗೆ 5 ಸಾವಿರ ಜನರಿಗೆ ಮಾತ್ರ ಅವಕಾಶ ಕಲ್ಪಿಸಲಾಗಿದೆ.