ಮೇ.6ಕ್ಕೆ ತೆರೆಯಲಿದೆ ಕೇದಾರನಾಥ ದೇವಾಲಯ:ಚಾರ್ ದಾಮ್‌ ಯಾತ್ರೆಗಳ ವಿವರ ಇಲ್ಲಿವೆ ನೋಡಿ.
ಉತ್ತರಾಖಾಂಡ್: ಉತ್ತರಾಖಂಡದ ಕಂದಾಯ ಇಲಾಖೆ ಅಧಿಕಾರಿಗಳು ಭಾರತದ ಅತ್ಯಂತ ಪವಿತ್ರ ಚಾರ್ ಧಾಮ್ ಹಿಮಾಲಯ ಯಾತ್ರೆಯ ವಿವರಗಳನ್ನು ಪ್ರಕಟಿಸಿದ್ದಾರೆ. ಇದರ ಭಾಗವಾಗಿ ಪವಿತ್ರ ಸ್ಥಳ ಕೇದಾರನಾಥ ದೇವಾಲಯ ಮೇ 6 ರಂದು ಬೆಳಿಗ್ಗೆ 6.25 ಕ್ಕೆ ತೆರೆಯಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅದೇ ರೀತಿ, ಬದ್ರಿನಾಥ್ ದೇವಾಲಯ ಹಾಗೂ ಇತರ ಎರಡು ದೇವಾಲಯಗಳು, ಗಂಗೋತ್ರಿ ಮತ್ತು ಯಮುನೋತ್ರಿ ಧಾಮ ಮೇ 8 ರಂದು ಮತ್ತು ಅಕ್ಷಯ ಮೇ 3 ರಂದು ತೆರೆಯಲಾಗುತ್ತದೆ.
ಉತ್ತರಾಖಂಡದ ಗರ್ವಾಲ್ ಹಿಮಾಲಯದಲ್ಲಿನ ಮಂದಾಕಿನಿ ನದಿಯ ದಡದಲ್ಲಿರುವ ಕೇದಾರನಾಥ ‘ಚಾರ್ ಧಾಮ್’ ಪುಣ್ಯಕ್ಷೇತ್ರಗಳಲ್ಲಿ ಒಂದಾಗಿದೆ. ದಂತಕಥೆಗಳ ಪ್ರಕಾರ, ಈ ದೇವಾಲಯವನ್ನು ಪಾಂಡವರು ಸ್ಥಾಪಿಸಿದರು. ಕೇದಾರ ದೇವಾಲಯವು ಶಿವನಿಗೆ ಸಮರ್ಪಿತವಾದ 12 ಜ್ಯೋತಿರ್ಲಿಂಗಗಳಲ್ಲಿ ಒಂದಾಗಿದೆ. ಈ ದೇವಾಲಯವನ್ನು ತಲುಪಲು, ಹಿಮಾಲಯ ಪರ್ವತಗಳಲ್ಲಿ ಸುಮಾರು 14 – 16 ಕಿಮೀ ಚಾರಣ ಮಾಡಬೇಕು. ಪ್ರತಿ ವರ್ಷ ಚಳಿಗಾಲದಲ್ಲಿ ದೇವಾಲಯವನ್ನು ಮುಚ್ಚಲಾಗುತ್ತದೆ ಮತ್ತು ಬೇಸಿಗೆಯ ಆರಂಭದ ನಂತರ ಮತ್ತೆ ತೆರೆಯಲಾಗುತ್ತದೆ. ಕೇದಾರನಾಥ ದೇವಾಲಯವು ಮೇ ನಿಂದ ಅಕ್ಟೋಬರ್ ವರೆಗೆ ತೆರೆದಿರುತ್ತದೆ.
ಯಾತ್ರಾರ್ಥಿಗಳಿಗೆ ದೇವಾಲಯ ಆಡಳಿತ ಮಂಡಳಿ ಸೂಚನೆಗಳು
೧. ಆನ್‌ಲೈನ್ / ಆಫ್‌ಲೈನ್ ನೋಂದಣಿ
ಚಾರ್ ಧಾಮ್ ಯಾತ್ರೆಗೆ ಹಾಜರಾಗುವ ಪ್ರಯಾಣಿಕರಿಗೆ ಈಗ ಫೋಟೋಮೆಟ್ರಿಕ್ ನೋಂದಣಿ ಅಗತ್ಯವಿದೆ. ಫೋಟೊಮೆಟ್ರಿಕ್ ನೋಂದಣಿಗಳನ್ನು ಆಫ್‌ಲೈನ್ ಮತ್ತು ಆನ್‌ಲೈನ್‌ನಲ್ಲಿ ಮಾಡಬಹುದು. ಚಾರ್ ಧಾಮ್ ಯಾತ್ರೆಯ ಸಮಯದಲ್ಲಿ ಅನಿರೀಕ್ಷಿತ ತುರ್ತು ಸಂದರ್ಭಗಳಲ್ಲಿ ಪ್ರಯಾಣಿಕರನ್ನು ಗುರುತಿಸಲು ಈ ಫೋಟೋಮೆಟ್ರಿಕ್ ನೋಂದಣಿಯನ್ನು ಸಹಕಾರಿಯಾಗಲಿದೆ.
೨. ಕೋವಿಡ್ ಮಿತಿಗಳು
ಕೋವಿಡ್‌ನಿಂದಾಗಿ ಕಳೆದ ವರ್ಷ ಚಾರ್ ಧಾಮ್ ಯಾತ್ರೆಗೆ ಬರುವ ಭಕ್ತರ ಸಂಖ್ಯೆಗೆ ಅಧಿಕಾರಿಗಳು ನಿರ್ಬಂಧ ಹೇರಿದ್ದರು. ಆದರೆ, ಈ ವರ್ಷ ಭಕ್ತರ ಆಗಮನಕ್ಕೆ ಕೋವಿಡ್ ನಿರ್ಬಂಧಗಳನ್ನು ತೆಗೆದುಹಾಕಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
೩. ವೈದ್ಯಕೀಯ ಪ್ರಮಾಣಪತ್ರ
ಚಾರ್ ಧಾಮ್‌ಗೆ ಪ್ರಯಾಣಿಸುವ ಭಕ್ತರು ಗುಪ್ತ ಕಾಶಿ ಮತ್ತು ಪುತ್ರ ಪ್ರಯಾಗದಲ್ಲಿರುವ ವೈದ್ಯಕೀಯ ಕೇಂದ್ರಗಳಲ್ಲಿ ಆರೋಗ್ಯ ಫಿಟ್‌ನೆಸ್ ಪ್ರಮಾಣಪತ್ರವನ್ನು ಪಡೆಯಬೇಕು. ಭಕ್ತಾದಿಗಳಿಗೆ ರಕ್ತದೊತ್ತಡ ಮತ್ತಿತರ ಕಾಯಿಲೆಗಳ ತಪಾಸಣೆ ನಡೆಸಲಾಗುತ್ತಿದೆ. ಸಮುದ್ರ ಮಟ್ಟದಿಂದ ಸಾವಿರಾರು ಅಡಿ ಎತ್ತರದಲ್ಲಿರುವ ದೇವಸ್ಥಾನಗಳಿಗೆ ಆಗಮಿಸುವ ಭಕ್ತರಿಗೆ ಕೆಲವು ಆರೋಗ್ಯ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇರುವುದರಿಂದ ಈ ವೈದ್ಯಕೀಯ ಪ್ರಮಾಣೀಕರಣ ಕಡ್ಡಾಯವಾಗಿದೆ.
