ಏರ್ಟೆಲ್ ಕಂಪನಿಯಿಂದ ಹೊಸ ಸೌಲಭ್ಯ: ತಾಯಿಯಾಗುವ ಮಹಿಳಾ ಉದ್ಯೋಗಿಗಳಿಗೆ 7,000 ಮಾಸಿಕ ಭತ್ಯೆ
ದೆಹಲಿ: ಏರ್ಟೆಲ್ ತನ್ನ ಉದ್ಯೋಗಿಗಳಿಗೆ ಹೊಸದಾಗಿ ಪೋಷಕರ ಸೌಲಭ್ಯ ನೀಡಲು ಸಿದ್ಧವಾಗಿದೆ. ಇತ್ತೀಚೆಗಷ್ಟೇ ತಾಯಂದಿರಾದ ಮಹಿಳಾ ಉದ್ಯೋಗಿಗಳಿಗೆ ಮಾಸಿಕ 7,000 ರೂಪಾಯಿ ನೀಡುವುದಾಗಿ ಘೋಷಿಸಿದೆ. ತಮ್ಮ ಮಕ್ಕಳಿಗೆ 18 ತಿಂಗಳು ತುಂಬುವವರೆಗೆ ಈ ಸೌಲಭ್ಯ ನೀಡುವುದನ್ನು ಮುಂದುವರಿಸುವುದಾಗಿ ತಿಳಿಸಿದ್ದಾರೆ. ಮಕ್ಕಳನ್ನು ದತ್ತು ಪಡೆದವರಿಗೂ ಈ ವಿಶೇಷ ಭತ್ಯೆ ನೀಡಲಾಗುವುದು ಎಂದರು.
ಹೊಸ ತಾಯಂದಿರಿಗೆ ಸಮಯ ಮತ್ತು ಹಣದ ಪ್ರಯೋಜನಗಳನ್ನು ನೀಡುವ ಕೆಲವೇ ಕಂಪನಿಗಳಲ್ಲಿ ಏರ್ಟೆಲ್ ಕೂಡ ಒಂದಾಗಿದೆ. ವಿತ್ತೀಯ ಪ್ರಯೋಜನಗಳ ಜೊತೆಗೆ, ಕಂಪನಿಯು ಮಹಿಳಾ ಉದ್ಯೋಗಿಗಳಿಗೆ 26 ವಾರಗಳ ಹೆರಿಗೆ ರಜೆಯನ್ನು ನೀಡುತ್ತದೆ. ಹೆಚ್ಚುವರಿ 24 ವಾರಗಳ ಆರಾಮದಾಯಕ ಕೆಲಸವನ್ನು ಒದಗಿಸುತ್ತದೆ. ಹೊಸ ತಾಯಂದಿರು ತಮ್ಮದೇ ಆದ ಶೈಲಿಯೊಂದಿಗೆ ವೇಗವಾಗಿ ಕೆಲಸಕ್ಕೆ ಮರಳಬಹುದು. ಅವರು ತಮ್ಮ ನವಜಾತ ಶಿಶುಗಳೊಂದಿಗೆ ಹೆಚ್ಚಿನ ಸಮಯವನ್ನು ಕಳೆಯಲು ಅನುಕೂಲ ಜೊತೆಗೆ, ತಾಯಂದಿರು ಮಕ್ಕಳ ಆರೈಕೆಗಾಗಿ ಪ್ರತಿ ತ್ರೈಮಾಸಿಕಕ್ಕೆ ಎರಡು ಹೆಚ್ಚುವರಿ ವೇತನದ ರಜೆಯನ್ನು ಪಡೆಯುವ ಸಾಧ್ಯತೆಯಿದೆ.
ಏರ್ಟೆಲ್ ಕಂಪನಿಯು ತಂದೆಯರಿಗೂ ಸಹ ಅವಕಾಶ ಕಲ್ಪಿಸಿದೆ, ಎಂಟು ವಾರಗಳವರೆಗೆ ಪಿತೃತ್ವ ರಜೆಯನ್ನು ನೀಡುತ್ತದೆ. ಭಾರತಿ ಏರ್‌ಟೆಲ್‌ನ ಮುಖ್ಯ ಪೀಪಲ್ಸ್ ಆಫೀಸರ್ ಅಮೃತ್ ಪಡ್ಡಾ, ‘ನೀತಿಗಳನ್ನು ಮರುಪರಿಶೀಲಿಸಬೇಕಾಗಿದೆ’ ಎಂದರ ತಾವು ತೆಗೆದುಕೊಂಡ ಈ ಕಾರ್ಯಕ್ರಮಗಳು “ಭಾರತಿ ಏರ್‌ಟೆಲ್‌ನಲ್ಲಿ ತಮ್ಮ ವೃತ್ತಿಜೀವನವನ್ನು ಮುಂದುವರಿಸಲು ಹೆಚ್ಚಿನ ಮಹಿಳೆಯರನ್ನು ಪ್ರೋತ್ಸಾಹಿಸುತ್ತವೆ” ಎಂಬ ಆಶಾಭಾವನೆಯನ್ನು ವ್ಯಕ್ತಪಡಿಸಿದ್ರು.
