2024ರಲ್ಲಿ 68 ರಾಜ್ಯಸಭಾ ಸದಸ್ಯರು ನಿವೃತ್ತಿ; 9 ಕೇಂದ್ರ ಸಚಿವರೂ ಸೇರಿ 60 ಮಂದಿ ಬಿಜೆಪಿಯವರು!

ನವದೆಹಲಿ; ಈ ವರ್ಷದಲ್ಲಿ ಬರೋಬ್ಬರಿ 68 ರಾಜ್ಯಸಭಾ ಸದಸ್ಯರ ಆರು ವರ್ಷದ ಅಧಿಕಾರಾವಾಧಿ ಮುಕ್ತಾಯವಾಗಲಿದೆ. ಇದರಲ್ಲಿ 9 ಮಂದಿ ಕೇಂದ್ರ ಸಚಿವರೂ ಸೇರಿದ್ದು, ಬಿಜೆಪಿ ಪಕ್ಷಕ್ಕೆ ಸೇರಿದ ಸದಸ್ಯರೇ 60 ಮಂದಿ ಇದ್ದಾರೆ. ಉಳಿದ ಎಂಟು ಮಂದಿ ಕಾಂಗ್ರೆಸ್‌ ಸೇರಿ ವಿವಿಧ ಪಕ್ಷಗಳಿಗೆ ಸೇರಿದವರಿದ್ದಾರೆ.

  ರಾಜ್ಯವಾರು ನಿವೃತ್ತಿಯಾಗಲಿರುವ ರಾಜ್ಯಸಭಾ ಸದಸ್ಯರು

=====================================

ಉತ್ತರ ಪ್ರದೇಶ – 10 ರಾಜ್ಯಸಭಾ ಸದಸ್ಯರು

ಮಹಾರಾಷ್ಟ್ರ ಮತ್ತು ಬಿಹಾರದಲ್ಲಿ – ತಲಾ 6 ಸದಸ್ಯರು

ಮಧ್ಯ ಪ್ರದೇಶ ಮತ್ತು ಪಶ್ಚಿಮ ಬಂಗಾಳ – ತಲಾ 5 ಸದಸ್ಯರು

ಕರ್ನಾಟಕ ಮತ್ತು ಗುಜರಾತ್‌ – ತಲಾ 4 ಸದಸ್ಯರು

ಒಡಿಶಾ, ಕೇರಳ, ತೆಲಂಗಾಣ, ಆಂಧ್ರಪ್ರದೇಶ – ತಲಾ 3 ಸದಸ್ಯರು

ಜಾರ್ಖಂಡ್ ಮತ್ತು ರಾಜಸ್ಥಾನ್ – ತಲಾ ಇಬ್ಬರು ಸದಸ್ಯರು

ಉತ್ತರಾಖಂಡ್, ಹಿಮಾಚಲಪ್ರದೇಶ, ಹರಿಯಾಣ, ಛತ್ತೀಸ್​ಗಢ – ತಲಾ ಒಬ್ಬರು

 

ಇದರ ಜೊತೆ ನಾಮಿನೇಟೆಡ್‌ ಆಗಿರುವ ನಾಲ್ವರು ರಾಜ್ಯಸಭಾ ಸದಸ್ಯರ ಅವಧಿ ಕೂಡಾ ಈ ವರ್ಷದಲ್ಲೇ ಮುಕ್ತಾಯವಾಗಲಿದೆ. ಕೇಂದ್ರ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್, ಶಿಕ್ಷ ಸಚಿವ ಧರ್ಮೆಂದ್ರ ಪ್ರಧಾನ್, ಪರಿಸರ ಖಾತೆ ಸಚಿವ ಭೂಪೇಂದ್ರ ಯಾದವ್, ಆರೋಗ್ಯ ಸಚಿವ ಮನ್ಷುಕ್ ಮಾಂಡವಿಯಾ ಹಾಗೂ ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರ ರಾಜ್ಯಾಸಭೆ ಅವಧಿ ಏಪ್ರಿಲ್​ನಲ್ಲಿ ಮುಕ್ತಾಯಗೊಳ್ಳಲಿದೆ.

ಕರ್ನಾಟಕ ಹಾಗೂ ತೆಲಂಗಾಣದಲ್ಲಿ ಕಾಂಗ್ರೆಸ್‌ ಅಧಿಕಾರದಲ್ಲಿದೆ. ಇಲ್ಲಿಂದ ಕಾಂಗ್ರೆಸ್‌ ನಾಮನಿರ್ದೇಶಿತ ಸದಸ್ಯರನ್ನು ಆಯ್ಕೆ ಮಾಡಲು ತುದಿಗಾಲಲ್ಲಿ ನಿಂತಿದೆ.