ನೆಲ್ಲೂರಿನಲ್ಲಿ ಭೀಕರ ಅಪಘಾತ; ಪರಿಷತ್‌ ಸದಸ್ಯನಿಗೆ ತೀವ್ರ ಗಾಯ!
ನೆಲ್ಲೂರು; ಆಂಧ್ರಪ್ರದೇಶದ ನೆಲ್ಲೂರು ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ಘಟನೆಯಲ್ಲಿ ಪುದುಚೆರಿ ವಿಧಾನಪರಿಷತ್‌ ಸದಸ್ಯರೊಬ್ಬರು ತೀವ್ರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಮತ್ತೊಬ್ಬ ವ್ಯಕ್ತಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ.
ಪುದುಚೆರಿ ಪರಿಷತ್‌ ಸದಸ್ಯ ಪರ್ವತರೆಡ್ಡಿ ಚಂದ್ರಶೇಖರರೆಡ್ಡಿ ಎಂಬುವವರೇ ತೀವ್ರವಾಗಿ ಗಾಯಗೊಂಡವರು. ದಗ್ದರ್ಥಿ ಬಳಿ ಈ ದುರ್ಘಟನೆ ನಡೆದಿದೆ. ಪರ್ವತರೆಡ್ಡಿ ಪ್ರಯಾಣಿಸುತ್ತಿದ್ದ ಕಾರು ಹಾಗೂ ಲಾರಿ ನಡುವೆ ಡಿಕ್ಕಿಯಾಗಿ ಈ ದುರಂತ ಸಂಭವಿಸಿದೆ. ಪರ್ವತರೆಡ್ಡಿಯವರ ಆಪ್ತ ಸಹಾಯಕ ವೆಂಕಟೇಶ್ವರಲು ಮೃತಪಟ್ಟಿದ್ದಾರೆ. ಪರಿಷತ್‌ ಸದಸ್ಯ ಪರ್ವತರೆಡ್ಡಿ ಚಂದ್ರಶೇಖರರೆಡ್ಡಿ ಯವರನ್ನು ನೆಲ್ಲೂರಿನ ಅಪೋಲೋ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
