ದೋಣಿ ಮಗುಚಿಬಿದ್ದು 15 ಮಂದಿ ದುರ್ಮರಣ, 19 ಮಂದಿ ನಾಪತ್ತೆ

ಜಕಾರ್ತಾ; ಇಂಡೋನೇಷ್ಯಾದಲ್ಲಿ ದೋಣಿ ದುರಂತ ಸಂಭವಿಸಿದೆ. ಇಲ್ಲಿನ ಸುಲವೆಸಿ ಎಂಬಲ್ಲಿ ದೋಣಿ ಮುಳುಗಿದ್ದು, 15 ಮಂದಿ ಸಾವನ್ನಪ್ಪಿದ್ದಾರೆ. ದೋಣಿಯಲ್ಲಿ ನವಲತ್ತು ಮಂದಿ ಪ್ರಯಾಣಿಸುತ್ತಿದ್ದರು ಎಂದು ತಿಳಿದುಬಂದಿದ್ದು, ಇದರಲ್ಲಿ ಆರು ಮಂದಿಯನ್ನು ರಕ್ಷಿಸಲಾಗಿದೆ. 19 ಮಂದಿ ನಾಪತ್ತೆಯಾಗಿದ್ದು, ಅವರಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ.

ಇಂಡೋನೇಷ್ಯಾ ಸುಮಾರು 17 ಸಾವಿರ ದ್ವೀಪಗಳನ್ನು ಒಳಗೊಂಡಿದೆ. ಹೀಗಾಗಿ ಜನರು ಒಂದು ದ್ವೀಪದಿಂದ ಇನ್ನೊಂದು ದ್ವೀಪಕ್ಕೆ ಹೋಗಬೇಕೆಂದರೆ ದೋಣಿಯನ್ನೇ ಬಳಸಬೇಕು. ಇಲ್ಲಿ ಸುರಕ್ಷತಾ ನಿಯಮಗಳ ಸಡಿಲಿಕೆ ಹಾಗೂ ಕೆಲವರು ನಿಯಮಗಳನ್ನು ಉಲ್ಲಂಘನೆ ಮಾಡುವುದರಿಂದ ಇಂತಹ ದುರಂತಗಳು ಆಗಾಗ ಸಂಭವಿಸುತ್ತಿರುತ್ತವೆ. ರಕ್ಷಣಾ ಕಾರ್ಯಾಚರಣೆ ಭರದಿಂದ ಸಾಗಿದೆ.