ಒಂದೇ ಡೋಸ್‌ ಲಸಿಕೆಯಿಂದ ಕೊರೋನಾದಿಂದ ರಕ್ಷಣೆ; ಅಮೆರಿಕ ಆರ್ಮಿ ವಿಜ್ಞಾನಿಗಳ ಆವಿಷ್ಕಾರ
ಅಮೆರಿಕ ಆರ್ಮಿಯ ವಿಜ್ಞಾನಿಗಳು ಒಮಿಕ್ರಾನ್‌ ಸೇರಿದಂತೆ ಕೊರೋನಾದ ಎಲ್ಲಾ ತಳಿಗಳು ಹರಡದಂತೆ ಮಟ್ಟ ಹಾಕುವ ವ್ಯಾಕ್ಸಿನ್‌ ಒಂದನ್ನು ಅಭಿವೃದ್ಧಿಪಡಿಸಿದ್ದಾರೆ. ಈಗಾಗಲೇ ಇದರ ಪರೀಕ್ಷೆಗಳು ಮುಕ್ತಾಯವಾಗಿದ್ದು, ಎಲ್ಲಾ ಪರೀಕ್ಷೆಗಳಲ್ಲೂ ಯಶಸ್ವಿಯಾಗಿವೆ. ಹೀಗಾಗಿ ಕೆಲವೇ ವಾರಗಳಲ್ಲಿ ಇದನ್ನು ಮಾರುಕಟ್ಟೆಗೆ ಬಿಡಲು ವಾಲ್ಟರ್ ರೀಡ್ ಆರ್ಮಿ ಇನ್ಸ್ಟಿಟ್ಯೂಟ್ ಆಫ್ ರಿಸರ್ಚ್ ನ ವಿಜ್ಞಾನಿಗಳು ಸಿದ್ಧತೆ ನಡೆಸಿದ್ದಾರೆ.
ಇದು ಕೇವಲ ಒಂದು ಡೋಸ್‌ ಲಸಿಕೆಯಾಗಿದೆ. ಒಂದು ಡೋಸ್‌ ಹಾಕಿಸಿಕೊಂಡರೆ ಒಮಿಕ್ರಾನ್‌ ಸೇರಿದಂತೆ ಎಲ್ಲಾ ಕೊರೋನಾ ತಳಿಗಳನ್ನು ಇದು ಹತ್ತಿರಕ್ಕೆ ಸುಳಿದಂತೆ ನೋಡಿಕೊಳ್ಳುತ್ತದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಕೊರೋನಾ ಸ್ಯಾಂಪಲ್‌ನ್ನು ೨೦೨೦ರ ಅಂತ್ಯದಲ್ಲೇ ಸಂಗ್ರಹಿಸಿದ್ದ ವಿಜ್ಞಾನಿಗಳು, ಕಳೆದ ಒಂದು ವರ್ಷದಿಂದ ಸಂಶೋಧನೆ ನಡೆಸುತ್ತಿದ್ದರು. ಇದೀಗ ಅವರ ಸಂಶೋಧನೆಗೆ ಫಲ ಸಿಕ್ಕಿದೆ. ವಿಶ್ವ ಆರೋಗ್ಯ ಸಂಸ್ಥೆ ಈ ಲಸಿಕೆಗೆ ಮಾನ್ಯತೆ ಕೊಟ್ಟರೆ ಶೀಘ್ರದಲ್ಲೇ ಹೊಸ ಲಸಿಕೆ ಮಾರುಕಟ್ಟೆಗೆ ಬರಲಿದೆ. ಇದು ಒಮಿಕ್ರಾನ್‌ ಪೀಡಿತ ದೇಶಗಳಿಗೆ ಆಶಾಕಿರಣವಾಗಿ ಪರಿಣಮಿಸಿದೆ.
