ಗ್ಯಾಸ್ಟ್ರಿಕ್‌ನಿಂದ ಉಂಟಾಗುವ ಹೊಟ್ಟೆ ನೋವು ನಿವಾರಿಸುವುದು ಹೇಗೆ..?
ಬ್ಯುಸಿಲೈಫ್‌ನಲ್ಲಿ ನಾವು ಎಲ್ಲೆಂದರಲ್ಲಿ ಊಟ ಮಾಡುತ್ತೇವೆ.. ಮನೆ ಊಟ ಬಿಟ್ಟು, ರೆಸ್ಟೋರೆಂಟ್ ಅಥವಾ ರಸ್ತೆ ಬದಿಯ ಹೋಟೆಲ್‌ಗಳಲ್ಲಿ ಮಸಾಲೆಯುಕ್ತ ಆಹಾರವನ್ನೇ ನಂಬಿಕೊಂಡವರು ತುಂಬಾ ಜನ ಇದ್ದಾರೆ.. ಹೊರಗಿನ ಊಟ ಅಜೀರ್ಣ ಅಥವಾ ಗ್ಯಾಸ್ ಸಮಸ್ಯೆಗೆ ಕಾರಣವಾಗುತ್ತದೆ.. ಇದರಿಂದಾಗಿ, ಅನೇಕರಿಗೆ ಹೊಟ್ಟೆನೋವು ಉಂಟಾಗುತ್ತದೆ.. ಪದೇ ಪದೇ ವೈದ್ಯರ ಬಳಿ ಹೋಗಿ ಚಿಕಿತ್ಸೆ ಪಡೆದರೂ ಈ ಸಮಸ್ಯೆಗೆ ಪರಿಹಾರ ಸಿಗೋದಿಲ್ಲ.. ಜೊತೆಗೆ ಪದೇ ಪದೇ ಔಷಧ ಸೇವನೆ ದೇಹಕ್ಕೆ ಒಳ್ಳೆಯದಲ್ಲ. ಇವುಗಳಿಂದ ಆರೋಗ್ಯ ಸಮಸ್ಯೆಗಳು ಮತ್ತಷ್ಟು ಹೆಚ್ಚಾಗುತ್ತವೆ..
ಈ ರೀತಿಯ ಗ್ಯಾಸ್ ಮತ್ತು ಅಜೀರ್ಣ ಸಮಸ್ಯೆಗಳನ್ನು ಮನೆಯಲ್ಲಿಯೇ ತಯಾರಿಸಿದ ತಂಪು ಪಾನೀಯಗಳಿಂದ ನಿವಾರಿಸಬಹುದು. ಇದರಿಂದ ಸಮಸ್ಯೆ ದೂರವಾಗುತ್ತದೆ. ಔಷಧಿ ತೆಗೆದುಕೊಳ್ಳುವ ಅನಿವಾರ್ಯತೆ ಕೂಡಾ ತಪ್ಪುತ್ತದೆ.. ಹೊಟ್ಟೆಯನ್ನು ತಂಪಾಗಿಡುವಲ್ಲಿ ಮೊಸರಿಗೆ ಪರ್ಯಾಯವಿಲ್ಲ. ಮೊಸರಿಗೆ ಜೀರಿಗೆ ಪುಡಿ, ಸ್ವಲ್ಪ ಉಪ್ಪು ಮತ್ತು ನೀರು ಸೇರಿಸಿ ಸೇವಿಸುವುದರಿಂದ ತ್ವರಿತ ಉಪಶಮನ ದೊರೆಯುತ್ತದೆ. ಗ್ಯಾಸ್ ನಿಂದಾದ ಹೊಟ್ಟೆ ನೋವು ಶೀಘ್ರವಾಗಿ ಕಡಿಮೆಯಾಗುತ್ತದೆ.
ಸೋಂಪು ನೀರು ಕೂಡ ಹೊಟ್ಟೆಯನ್ನು ತಂಪಾಗಿರಿಸಲು ತುಂಬಾ ಸಹಕಾರಿ. ಅಜೀರ್ಣಕ್ಕೆ ಸೋಂಪು ನೆನೆಸಿದ ನೀರನ್ನು ಕುಡಿಯಬಹುದು. ಸೋಂಪುನಲ್ಲಿರುವ ಕೆಲವು ವಸ್ತುಗಳು ಅನಿಲವನ್ನು ಹೀರಿಕೊಳ್ಳುತ್ತವೆ. ಅದಕ್ಕಾಗಿಯೇ ಈ ಪಾನೀಯವು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ.
ಲವಂಗವು ಶೀತದ ಜೊತೆಗೆ ಗ್ಯಾಸ್ ನೋವನ್ನು ಸಹ ನಿವಾರಿಸುತ್ತದೆ. ಹಾಗಾದರೆ ನಿಮಗೆ ಗ್ಯಾಸ್ ಸಮಸ್ಯೆ ಇದ್ದರೆ ಕೇವಲ 2-3 ಲವಂಗವನ್ನು ನಿಮ್ಮ ಬಾಯಿಗೆ ಹಾಕಿಕೊಳ್ಳಿ.. ಇದು ಕೂಡಾ ಚೆನ್ನಾಗಿ ಕೆಲಸ ಮಾಡುತ್ತದೆ.
