AC ಬಳಕೆ; ಹೀಗೆ ಮಾಡಿದರೆ ವಿದ್ಯುತ್ ಬಿಲ್‌ ಅರ್ಧಕ್ಕರ್ಧ ಕಡಿಮೆಯಾಗುತ್ತಾ..?
ಬೇಸಿಗೆ ಕಾಲ. ಈಗ ಎಲ್ಲಾ ಕಡೆ ಎಸಿ ಹೆಚ್ಚು ಬಳಕೆಯಾಗುತ್ತೆ. ಆದ್ರೆ ಎಸಿ ಹೆಚ್ಚು ಬಳಕೆ ಮಾಡಿದಷ್ಟೂ ವಿದ್ಯುತ್ ಬಿಲ್‌ ತುಂಬಾನೇ ಬರುತ್ತೆ. ಅದನ್ನು ಕಟ್ಟಲಾಗದೇ ಕೆಲವರು ಒದ್ದಾಡುವುದಿದೆ. ಸಾಕಪ್ಪ ಸಾಕು ಈ ಎಸಿ ಸಹವಾಸ ಅನ್ನುವವರಿದ್ದಾರೆ. ಆದ್ರೆ ಎಸಿಯನ್ನು ಸರಿಯಾದ ರೀತಿಯಲ್ಲಿ ಬಳಸಿದರೆ ಬರುವ ವಿದ್ಯುತ್ ಬಿಲ್‌ನ್ನು ಅರ್ಧಕ್ಕರ್ಧ ಕಡಿಮೆ ಮಾಡಬಹುದು.
ಈ ಕೆಳಕಂಡ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡರೆ ಎಸಿಯಿಂದ ಬರುವ ವಿದ್ಯುತ್ ಬಿಲ್‌ನ್ನು ಅರ್ಧ ಭಾಗ ಕಡಿಮೆ ಮಾಡಿಕೊಳ್ಳಬಹುದು
- ಎಸಿ ಬಳಕೆ ಮಾಡಿದರೂ ಅದರಿಂದ ಬರುವ ವಿದ್ಯುತ್ ಬಿಲ್‌ ಕಡಿಮೆ ಮಾಡುವುದು ಹೇಗೆ..?
ದೆಹಲಿಯಂತ ಸ್ಥಳಗಳಲ್ಲಿ ಬೇಸಿಗೆಯಲ್ಲಿ ಎಸಿ ಇರದೇ ಇರೋದಕ್ಕೆ ಆಗೋದಿಲ್ಲ. ಪುಟ್ಟ ಪುಟ್ಟ ಮನೆಗಳಲ್ಲೂ ಎಸಿ, ಕೂಲರ್‌ ಇಲ್ಲದೆ ಬದುಕೋದಕ್ಕೆ ಆಗೋದಿಲ್ಲ. ಬೆಂಗಳೂರಂತಹ ಸಾಧಾರಣ ವಾತಾವರಣದ ಪ್ರದೇಶಗಳಲ್ಲೂ ಬೇಸಿಗೆಯಲ್ಲಿ ಎಸಿ ಅವಶ್ಯಕತೆ ಇರುತ್ತದೆ. ಆದ್ರೆ ಅದರ ಬಳಕೆಯಿಂದ ಬರುವ ವಿದ್ಯುತ್ ಬಿಲ್‌ನಿಂದಾಗಿ ಜನಕ್ಕೆ ಹೆದರಿಕೆ. ಆದ್ರೆ ಎಸಿ, ಫ್ಯಾನ್ ಒಟ್ಟಿಗೆ ಬಳಸಿದರೆ ವಿದ್ಯುತ್ ಬಿಲ್‌ ಅರ್ಧ ಕಡಿಮೆ ಮಾಡಬಹುದು ಅಂತಾರೆ ತಜ್ಞರು.
ಎಸಿ ಜತೆಗೆ ಫ್ಯಾನ್ ಹಾಕಿಕೊಂಡರೆ ಶೇ.50ರಷ್ಟು ವಿದ್ಯುತ್ ಉಳಿತಾಯವಾಗುತ್ತದೆ. ಇದಕ್ಕಾಗಿ, ಎಸಿಯಲ್ಲಿ ತಾಪಮಾನವನ್ನು 24 ರಿಂದ 26 ಡಿಗ್ರಿಗೆ ಸೆಟ್‌ ಮಾಡಬೇಕು. ಅದರ ಜೊತೆಗೆ ಫ್ಯಾನ್ ಅನ್ನು ಕನಿಷ್ಠ ವೇಗದಲ್ಲಿ ಇಡಬೇಕು. ಹೀಗೆ ಮಾಡುವುದರಿಂದ ಕೋಣೆ ಬೇಗ ತಂಪಾಗುತ್ತದೆ. ಏಕೆಂದರೆ ಎಸಿಯಿಂದ ಕೋಣೆಯಲ್ಲಿ ಗಾಳಿಯು ಕ್ರಮೇಣ ಭಾರವಾಗಿರುತ್ತದೆ. ಅದೇ ಸಮಯದಲ್ಲಿ ಫ್ಯಾನ್ ಕೋಣೆಯಾದ್ಯಂತ ಗಾಳಿಯನ್ನು ಹರಡುತ್ತದೆ. ಇದು ಕೋಣೆಯನ್ನು ತ್ವರಿತವಾಗಿ ತಂಪಾಗಿಸುತ್ತದೆ. ಆರು ಗಂಟೆ ಎಸಿ ಬಳಸಿದರೆ, 12 ಯೂನಿಟ್ ವಿದ್ಯುತ್ ಖರ್ಚಾಗುತ್ತದೆ ಎಂದಿಟ್ಟುಕೊಳ್ಳೋಣ. ಆಗ ಎಸಿ ಜತೆಗೆ ಫ್ಯಾನ್ ಬಳಸಿದರೆ 6 ಯೂನಿಟ್ ಮಾತ್ರ ಖರ್ಚಾಗುತ್ತದೆ.
2. ಕೂಲಿಂಗ್ ಕಡಿಮೆಯಾದರೆ ಏನು ಮಾಡಬೇಕು?
ಎಸಿಗೆ ಸಾಕಷ್ಟು ಕೂಲಿಂಗ್ ಸಿಗುತ್ತಿಲ್ಲ ಎಂಬ ಮಾತು ಹೆಚ್ಚಾಗಿ ಕೇಳುತ್ತಿರುತ್ತೇವೆ. ತಂಪಾಗಿಸುವಿಕೆಯು ಕಡಿಮೆಯಾಗಲು ಹಲವು ಕಾರಣಗಳಿವೆ. ಮೊದಲು ಫಿಲ್ಟರ್‌ಗಳನ್ನು ಪರಿಶೀಲಿಸಬೇಕು. ಅವು ಸ್ವಚ್ಛವಾಗಿದ್ದರೆ ಮತ್ತು ಬ್ಲಾಕ್‌ ಆಗದಿದ್ದರೆ, ಬ್ಲೋವರ್ ಮೋಟಾರ್ ಸರಿಯಾಗಿ ಕಾರ್ಯನಿರ್ವಹಿಸದಿದ್ದರೆ ಕೂಲಿಂಗ್ ಸರಿಯಾಗಿ ಆಗೋದಿಲ್ಲ. ಅವರೆಲ್ಲವೂ ಚೆನ್ನಾಗಿದ್ದರೆ ಕಂಪ್ರೆಸರ್ ಸರಿಯಾಗಿ ಕೆಲಸ ಮಾಡುತ್ತಿದೆಯೋ ಇಲ್ಲವೋ ಪರಿಶೀಲಿಸಬೇಕು. ಅದೂ ಸಹ ಚೆನ್ನಾಗಿ ಕೆಲಸ ಮಾಡುತ್ತಿದೆ ಎಂದರೆ ಎಸಿ ಗ್ಯಾಸ್ ಪೈಪ್ ನಲ್ಲಿ ಸೋರಿಕೆಯಾಗಿದೆ ಎಂದರ್ಥ. ಕೂಡಲೇ ಅದನ್ನು ಸರಿಪಡಿಸಿ ಗ್ಯಾಸ್ ತುಂಬಿಸಬೇಕು. ಇದನ್ನು ಪ್ರತಿ ಹಂತದಲ್ಲೂ ನೋಡಿಕೊಳ್ಳಬೇಕು. ಗ್ಯಾಸ್ ಸೋರಿಕೆಯಾಗುತ್ತಿದ್ದರೆ, ಕೂಲಿಂಗ್ ಕಡಿಮೆಯಾಗುತ್ತಾ ಹೋಗುತ್ತದೆ.
3. ಎಸಿಯನ್ನು ಬೇಗಬೇಗ ಆನ್ ಮತ್ತು ಆಫ್ ಮಾಡಿದರೆ ಏನಾಗುತ್ತದೆ?
AC ಬಳಕೆದಾರರು AC ಆನ್ ಮತ್ತು ಆಫ್ ನಡುವೆ ಸ್ವಲ್ಪ ಸಮಯ ಇರುವಂತೆ ನೋಡಿಕೊಳ್ಳಬೇಕು. ಎಸಿ ಆನ್ ಮತ್ತು ಆಫ್ ಮಾಡುವ ನಡುವೆ ಕನಿಷ್ಠ 2 ರಿಂದ ಎರಡೂವರೆ ನಿಮಿಷಗಳ ಅಂತರವಿವಾದರೂ ಇರಬೇಕು. ಅದನ್ನು ಆಫ್ ಮಾಡಿದ ತಕ್ಷಣ ಆನ್ ಮಾಡುವುದರಿಂದ ಅಥವಾ ಆನ್ ಮಾಡಿದ ತಕ್ಷಣ ಆಫ್ ಮಾಡುವುದು ಘಟಕವನ್ನು ಓವರ್‌ಲೋಡ್ ಮಾಡುತ್ತದೆ. ಇದರಿಂದ ಎಸಿಯಲ್ಲಿನ ಫ್ಯೂಸ್ ಹಾಳಾಗಿ ಒಳಗಿನ ಎಲೆಕ್ಟ್ರಾನಿಕ್ ಘಟಕಗಳು ಹಾಳಾಗುವ ಸಾಧ್ಯತೆ ಇದೆ.
4. ಎಷ್ಟು ಬಾರಿ ಸರ್ವಿಸಿಂಗ್ ಮಾಡಬೇಕು?
ಎಸಿ ಬಳಕೆಯಲ್ಲಿ ಸರ್ವಿಸಿಂಗ್ ಬಹಳ ಮುಖ್ಯ. ವರ್ಷಕ್ಕೆ ಎರಡು ಬಾರಿ ಎಸಿ ಸರ್ವೀಸ್‌ ಮಾಡಿಸಬೇಕು. ಬೇಸಿಗೆಯಲ್ಲಿ ಎಸಿಯನ್ನು ಹೆಚ್ಚು ಬಳಸುವುದರಿಂದ, ಬಳಕೆಗೆ ಮೊದಲು ಅದನ್ನು ಸರ್ವಿಸ್ ಮಾಡಿಸುವುದು ಮುಖ್ಯ. ಇದು ಎಸಿ ದಕ್ಷತೆಯನ್ನು ಹೆಚ್ಚಿಸುತ್ತದೆ. ಎಸಿಯಲ್ಲಿರುವ ಫಿಲ್ಟರ್‌ಗಳನ್ನು ಬ್ರಷ್ ಅಥವಾ ನೀರಿನಿಂದ ಸ್ವಚ್ಛಗೊಳಿಸಬೇಕು ಮತ್ತು ತೇವವು ಸಂಪೂರ್ಣವಾಗಿ ಒಣಗಿದ ನಂತರವೇ ಫಿಲ್ಟರ್ ಅನ್ನು ಮತ್ತೆ ಅಳವಡಿಸಬೇಕು. ಹೀಗೆ ಮಾಡುವುದರಿಂದ, ಎಸಿಯನ್ನು ಮರುಬಳಕೆ ಮಾಡಿದಾಗ ಕಂಪ್ರೆಸರ್ ಮೇಲಿನ ಹೊರೆ ಕಡಿಮೆಯಾಗುತ್ತದೆ.
5. ಎಸಿ ಸರ್ವೀಸ್‌ ಮಾಡಿಸದಿದ್ದರೆ ಏನಾಗುತ್ತದೆ?
ಎಸಿ ಸರ್ವೀಸ್‌ ಮಾಡಿಸುವುದರಿಂದ ಅದರ ಜೀವಿತಾವಧಿ ಹೆಚ್ಚಾಗುತ್ತದೆ. ಇದರೊಂದಿಗೆ ದಕ್ಷತೆಯೂ ಹೆಚ್ಚುತ್ತದೆ. ನಿಯಮಿತವಾಗಿ ಸರ್ವೀಸ್‌ ಮಾಡಿಸದಿದ್ದರೆ, ಎಸಿ ಕೆಲಸ ಮಾಡುತ್ತಿದ್ದರೂ, ವಿದ್ಯುತ್ ವೆಚ್ಚ ಹೆಚ್ಚಾಗುತ್ತದೆ. ಕ್ರಮೇಣ ಅದು ಹಾಳಾಗುತ್ತಾ ಹೋಗುತ್ತದೆ.
6. ಎಸಿ ಸರ್ವೀಸ್‌ ಮಾಡಿಸಲು ಎಷ್ಟು ಖರ್ಚಾಗುತ್ತದೆ?
ನೀವು ಯಾವ ಏರಿಯಾದಲ್ಲಿದ್ದೀರಿ ಎಂಬುದರ ಮೇಲೆ ಸರ್ವೀಸ್‌ ಖರ್ಚು ನಿರ್ಧಾರವಾಗುತ್ತದೆ. ಸಾಮಾನ್ಯವಾಗಿ ಎಸಿ ಸೇವೆಗೆ 500 ರಿಂದ ರೂ. 600 ತೆಗೆದುಕೊಳ್ಳಲಾಗುತ್ತದೆ. ಎಲ್ಲಾ ರೀತಿಯ ಸೇವೆಗೆ ರೂ. 1000 ಶುಲ್ಕ ವಿಧಿಸಲಾಗುತ್ತದೆ. ನೀರಿನ ಸೇವೆಯಿಂದ ಎಸಿ ಕಾರ್ಯಕ್ಷಮತೆಯನ್ನು ಸುಧಾರಿಸಲಾಗಿದೆ. ಕೂಲಿಂಗ್ ಕೂಡ ಬೇಗನೆ ಬರುತ್ತದೆ.
ಸರ್ವಿಸ್ ಮಾಡಿದ ತಕ್ಷಣ ಎಸಿ ಆನ್ ಮಾಡಬಾರದು. ಸರ್ವಿಸಿಂಗ್ ಸಮಯದಲ್ಲಿ ಬಳಸಿದ ಎಲ್ಲಾ ನೀರು ಬತ್ತಿಹೋಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಮೊದಲು ಖಚಿತಪಡಿಸಿಕೊಳ್ಳಿ. ನೀರಿನೊಂದಿಗೆ ಸೋಪ್ ದ್ರಾವಣವನ್ನು ಸಹ ಬಳಸಲಾಗುತ್ತದೆ. ಅದನ್ನೂ ತಪ್ಪಿಸಬೇಕು. ವಿಶೇಷವಾಗಿ ಎಸಿ ಘಟಕದಲ್ಲಿ ನೀರಿನ ಹನಿಗಳು ಇರದಂತೆ ನೋಡಿಕೊಳ್ಳಿ. ಹೀಗೆ ಮಾಡುವುದರಿಂದ ಎಸಿ ಕಂಪ್ರೆಸರ್ ಮೇಲಿನ ಒತ್ತಡ ನಿವಾರಣೆಯಾಗುತ್ತದೆ.
7. ಎಸಿ ಭಾಗಗಳನ್ನು ಯಾವಾಗ ಬದಲಾಯಿಸಬೇಕು?
ಎಸಿ ಬಿಡಿಭಾಗಗಳನ್ನು ಬದಲಾಯಿಸುವುದು ನಮ್ಮ ಕೈಯಲ್ಲಿಲ್ಲ. ಇದು ನಾವು ಪಡೆಯುವ ವಿದ್ಯುತ್ ಗುಣಮಟ್ಟವನ್ನು ಅವಲಂಬಿಸಿರುತ್ತದೆ. ಯಾವುದೇ ಅಡೆತಡೆಯಿಲ್ಲದೆ ವಿದ್ಯುತ್ ಬಂದರೆ ಯಾವುದೇ ತೊಂದರೆಯಾಗುವುದಿಲ್ಲ. ವಿದ್ಯುತ್ ಪೂರೈಕೆಯಲ್ಲಿನ ಏರಿಳಿತಗಳು ಕೆಪಾಸಿಟರ್‌ಗಳಂತಹ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಸಹ ಹಾನಿಗೊಳಿಸಬಹುದು. ಎಸಿಯಲ್ಲಿರುವ ಎಲೆಕ್ಟ್ರಾನಿಕ್ ವಸ್ತುಗಳು ಸಾಮಾನ್ಯವಾಗಿ ಹಾನಿಗೆ ಒಳಗಾಗುವುದಿಲ್ಲ. ಟ್ರಾನ್ಸ್‌ಫಾರ್ಮರ್‌ಗಳಿಂದ ಹೆಚ್ಚಿನ ವೋಲ್ಟೇಜ್ ಬಂದಾಗ ಮಾತ್ರ ಹಾನಿಯಾಗುವ ಸಾಧ್ಯತೆಯಿದೆ. ಎಸಿ ಬಳಸದಿದ್ದರೆ ಹಾಳಾಗುತ್ತದೆ ಎಂದು ಕೆಲವರು ಹೇಳುತ್ತಿರುತ್ತಾರೆ. ಆದ್ರೆ ಅಂತಹದದೇನೂ ಆಗುವುದಿಲ್ಲ ಎಂದು ತಜ್ಞರು ಹೇಳುತ್ತಾರೆ.
