ನೀವು ಐಟಿ ರಿಟರ್ನ್ ಸಲ್ಲಿಸಿದ್ದೀರಾ..?; 10 ದಿನದಲ್ಲಿ ರೀಫಂಡ್‌ ಆಗಿಲ್ಲವಾ..?
ನವದೆಹಲಿ; ಇತ್ತೀಚಿನ ಬಜೆಟ್‌ ಸಭೆಯಲ್ಲಿ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ದೇಶದ ಜನರು ಕೇವಲ 10 ದಿನಗಳಲ್ಲಿ ಆದಾಯ ತೆರಿಗೆ ಮರುಪಾವತಿ ಪಡೆಯುತ್ತಿದ್ದಾರೆ ಎಂದು ಹೇಳಿದ್ದರು.. ಆದರೆ ನೀವು ಐಟಿಆರ್ ಸಲ್ಲಿಸಿ ತುಂಬಾ ದಿನ ಆದರೂ ರೀಫಂಡ್‌ ಆಗಿಲ್ಲವೇ..? ಹಾಗಾದ್ರೆ, ಅದಕ್ಕೆ ಕಾರಣಗಳು ಇಲ್ಲಿವೆ..
2013-14ನೇ ಹಣಕಾಸು ವರ್ಷದಲ್ಲಿ ಆದಾಯ ತೆರಿಗೆ ಮರುಪಾವತಿ ಪಡೆಯಲು ಸರಾಸರಿ 93 ದಿನಗಳನ್ನು ತೆಗೆದುಕೊಂಡಿದ್ದರು ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಹೇಳಿದ್ದರು.. ಆದರೆ ಈಗ 2023-24ರಲ್ಲಿ ಈ ಸರಾಸರಿ ಸಮಯ 10 ದಿನಗಳಿಗೆ ಇಳಿದಿದೆ ಎಂದು ಅವರು ಹೇಳಿದ್ದರು.
ಇದನ್ನೂ ಓದಿ; ಬೆಂಗಳೂರಲ್ಲಿ ಮಿಸ್ಡ್‌ಕಾಲ್‌ ಮಾಯಾಂಗನೆ!; ಯಾಮಾರಿದ್ರೆ ಮುಗೀತು!
ಆದರೂ ಕೂಡಾ ನಿಮ್ಮ ಆದಾಯ ತೆರಿಗೆ ಮರುಪಾವತಿಯು ನಿಮ್ಮ ಖಾತೆಗೆ ಜಮೆಯಾಗುವುದಕ್ಕೆ ನೀವು ನಿಮ್ಮ ರಿಟರ್ನ್ ಸಲ್ಲಿಸಿದಾಗ ಅನೇಕ ವಿಷಯಗಳನ್ನು ಅವಲಂಬಿಸಿರುತ್ತದೆ. ನಿಮ್ಮ ITR ಅನ್ನು ನೀವು ಕೊನೆಯ ದಿನಾಂಕದ ಸಮೀಪದಲ್ಲಿ ಫೈಲ್ ಮಾಡಿದರೆ, ನಿಮ್ಮ ಮರುಪಾವತಿ ತುಂಬಾ ತಡವಾಗುತ್ತದೆ. ಇದರ ಹೊರತಾಗಿ, ನೀವು ಯಾವ ಐಟಿಆರ್ ಅನ್ನು ಸಲ್ಲಿಸಿದ್ದೀರಿ? ನಿಮ್ಮ ITR ನಲ್ಲಿ ಲೆಕ್ಕಾಚಾರ ಎಷ್ಟು ಸಂಕೀರ್ಣವಾಗಿದೆ? ಈ ಎಲ್ಲಾ ವಿಷಯಗಳು ನಿಮ್ಮ ಮರುಪಾವತಿ ಸಮಯ ಎಷ್ಟು ಅನ್ನೋದು ನಿರ್ಧಾರ ಮಾಡಲಿದೆ..
ಇದನ್ನೂ ಓದಿ; ಗುಂಡಿಕ್ಕಿ ಬಿಜೆಪಿ ಮುಖಂಡನ ಭೀಕರ ಹತ್ಯೆ!
ನೀವು ITR-1 ಫಾರ್ಮ್ ಸಲ್ಲಿಸಿದರೆ, ನಿಮ್ಮ ಆದಾಯ ತೆರಿಗೆ ಮರುಪಾವತಿಗೆ ಮೊದಲ ಆದ್ಯತೆ ನೀಡಲಾಗುತ್ತದೆ. ಏಕೆಂದರೆ ITR-1 ಅತ್ಯಂತ ಕಡಿಮೆ ಸಂಕೀರ್ಣವಾಗಿದೆ. ಅದೇ ರೀತಿ ITR-2 ಮರುಪಾವತಿಗೆ ಹೆಚ್ಚಿನ ಸಮಯ ತೆಗೆದುಕೊಳ್ಳಬಹುದು. ITR-3 ಮರುಪಾವತಿಯು ಇನ್ನೂ ಹೆಚ್ಚು ಸಮಯ ತೆಗೆದುಕೊಳ್ಳಬಹುದು. ಆದರೆ ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ನಿಮ್ಮ ವಿವರಗಳು ಸರಿಯಾಗಿಲ್ಲದಿದ್ದರೆ, ಅಥವಾ ಹೆಚ್ಚಿನ ವಿವರಗಳು ಬೇಕಾದಾಗ ಅಧಿಕಾರಿಗಳು ಅವುಗಳನ್ನು ಪರಿಶೀಲಿಸಲು ವಿಳಂಬ ಮಾಡಿದರೆ ಮರುಪಾವತಿ ವಿಳಂಬವಾಗುವ ಸಾಧ್ಯತೆಯಿದೆ.
ಸುಮಾರು 15 ವರ್ಷಗಳ ಹಿಂದೆ, ದೇಶಾದ್ಯಂತ ಜನರು ತಮ್ಮ ಆದಾಯ ತೆರಿಗೆ ಮರುಪಾವತಿ ಹಣವನ್ನು ಮರಳಿ ಪಡೆಯಲು 3 ತಿಂಗಳವರೆಗೆ ತೆಗೆದುಕೊಳ್ಳುತ್ತಿತ್ತು. ಆದ್ರೆ ಈಗ ತಿಂಗಳೊಳಗೇ ಮರುಪಾವತಿಯಾಗುತ್ತದೆ..
ಇದನ್ನೂ ಓದಿ; ಮುಳಬಾಗಿಲಿನಲ್ಲಿ ಶಿಕ್ಷಕಿಯ ಬರ್ಬರ ಹತ್ಯೆ!; ಕಾರಣ ಏನು..?
