ಪ್ರೀತಿಯ ಕೋತಿ ಸತ್ತು 4 ವರ್ಷ; ಶಾಸಕ ಸಾ.ರಾ.ಮಹೇಶ್‌ರಿಂದ ವಿಶೇಷ ಪೂಜೆ
ಮೈಸೂರು; ಕೆಆರ್‌ ನಗರ ಶಾಸಕ ಸಾರಾ ಮಹೇಶ್‌ ಅವರಿಗೆ ಪ್ರಾಣಿಗಳೆಂದರೆ ವಿಶೇಷ ಪ್ರೀತಿ. ಅವರ ತೋಟದಲ್ಲಿ ಹಲವು ಪ್ರಾಣಿಗಳನ್ನು ಸಾಕಿದ್ದಾರೆ. ಅದ್ರಲ್ಲೂ ಕುರಿ ಮರಿ ಹಾಗೂ ಕೋತಿಯೊಂದರನ್ನು ಅವರು ವಿಶೇಷ ಅಕ್ಕರೆಯಿಂದ ಸಾಕಿದ್ದರು. ಆದ್ರೆ ನಾಲ್ಕು ವರ್ಷದ ಹಿಂದೆ ಅವರಡೂ ಸಾವನ್ನಪ್ಪಿದ್ದವು. ಹೀಗಾಗಿ ಅವರು, ಎರಡೂ ಪ್ರಾಣಿಗಳಿಗೆ ದೇವಸ್ಥಾನವನ್ನೇ ಕಟ್ಟಿಸಿದ್ದರು.
ಕುರಿ ಮರಿಯ ಮೇಲೆ ಕೋತಿ ಸವಾರಿ ಮಾಡುತ್ತಿರುವ ಮೂರ್ತಿಯನ್ನಿಟ್ಟು ಅವರ ತೋಟದಲ್ಲಿ ಪ್ರತಿಷ್ಠಾಪನೆ ಮಾಡಲಾಗಿತ್ತು. ಇದೀಗ ಕೋತಿ ಸಾವನ್ನಪ್ಪಿ ನಾಲ್ಕು ವರ್ಷವಾಗಿದ್ದು, ಆ ದೇಗುಲದಲ್ಲಿ ವಿಶೇಷ ಪೂಜೆ ಮಾಡಲಾಗಿದೆ. ಸಾರಾ ಮಹೇಶ್‌ ದಂಪತಿ ಈ ಪೂಜೆಯಲ್ಲಿ ಪಾಲ್ಗೊಂಡಿತ್ತು.
