ನನ್ನನ್ನು ಕಾಂಗ್ರೆಸ್ನವರು 91 ಬಾರಿ ಬೈದಿದ್ದಾರೆ; ಖರ್ಗೆಗೆ ಮೋದಿ ತಿರುಗೇಟು

ಬೀದರ್‌; ಹುಮ್ನಾಬಾದ್‌ನಲ್ಲಿ ನಡೆದ ಪ್ರಚಾರ ಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಖರ್ಗೆ ಹೇಳಿಕೆಗೆ ತಿರುಗೇಟು ನೀಡಿದ್ದಾರೆ. ಕಾಂಗ್ರೆಸ್‌ನವರು ನನ್ನನ್ನು ಬೈಯ್ಯುವುದರಲ್ಲಿಯೇ ಕಾಲ ಕಳೆಯುತ್ತಿದ್ದಾರೆ. ವಿನಾಕಾರಣ ಅವರು ಸಮಯ ವ್ಯರ್ಥ ಮಾಡುತ್ತಿದಾರೆ ಎಂದು ಹೇಳಿದ್ದಾರೆ. ಕಾಂಗ್ರೆಸ್‌ನವರು ಇದುವರೆಗೆ ನನ್ನನ್ನು 91 ಬಾರಿ ಬೈದಿದ್ದಾರೆ. ಚುನಾವಣೆ ಸಮಯದಲ್ಲಿ ಬೈಯ್ಯುವುದೇ ಅವರ ಚಾಳಿ ಎಂದು ಮೋದಿ ಜರಿದಿದ್ದಾರೆ.

ಮೊದಲು ಚೌಕಿದಾರ್‌ ಚೋರ್‌ ಎಂದು ಹೇಳುತ್ತಿದ್ದರು. ನನ್ನನ್ನು ಬೈದಾಗಲೆಲ್ಲಾ ಅವರಿಗೆ ಜನ ಬುದ್ಧಿ ಕಲಿಸಿದ್ದಾರೆ. ಅವರು ಯಾರನ್ನು ನಿಂದಿಸಿಲ್ಲ ಹೇಳಿ. ಸಂವಿಧಾನ ರೆದ ಅಂಬೇಡ್ಕರ್‌ ಅವರನ್ನೇ ನಿಂದಿಸಿದ್ದಾರೆ. ಅಂಬೇಡ್ಕರ್‌ರನ್ನು ರಾಕ್ಷಸ, ರಾಷ್ಟ್ರದ್ರೋಹಿ ಎಂದು ಹೇಳಿದ್ದರು ಎಂದು ಮೋದಿ ಕಾಂಗ್ರೆಸ್‌ ವಿರುದ್ಧ ದೂರಿದ್ದಾರೆ.