ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್‌ ಅಳಿಯನ ಕೊರಳಲ್ಲೂ ಹುಲಿ ಉಗುರಿನ ಲಾಕೆಟ್‌!
ಹುಬ್ಬಳ್ಳಿ; ಹುಲಿ ಉಗುರು ಸುಮಾರು ಜನರನ್ನು ಪರಚುತ್ತಲೇ ಇದೆ. ಹುಲಿ ಉಗುರಿನ ಲಾಕೆಟ್‌ ಧರಿಸಿದ್ದ ಹಲವರಿಗೆ ಈಗಾಗಲೇ ಅರಣ್ಯ ಇಲಾಖೆ ಅಧಿಕಾರಿಗಳು ನೋಟಿಸ್‌ ನೀಡಿದ್ದಾರೆ. ಅವರ ಮನೆಗಳನ್ನು ಶೋಧಿಸಿದ್ದಾರೆ. ಇದರ ನಡುವೆ ಇನ್ನೂ ಒಬ್ಬರು ಪ್ರಮುಖರೊಬ್ಬರ ಅಳಿಯನ ಕೊರಳಲ್ಲೂ ಈಂತಹ ಲಾಕೆಟ್‌ ಕಾಣಿಸಿದೆ.
ಹೌದು, ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್‌ ಅವರ ಅಳಿಯನ ಕೊರಳಲ್ಲೂ ಹುಲಿ ಉಗುರಿನ ಲಾಕೆಟ್‌ ಇರುವುದು ಗೊತ್ತಾಗಿದೆ. ಡಿ.ಕೆ.ಶಿವಕುಮಾರ್‌ ಅವರ ನಿಕಟವರ್ತಿಯೂ ಆಗಿರುವ ರಜತ್ ಉಳ್ಳಾಗಡ್ಡಿಮಠರ ಕೊರಳಲ್ಲಿ ಹುಲಿ ಉಗುರು ಪೆಂಡೆಂಟ್ ಕಾಣಿಸಿದೆ. ಮದುವೆ ಸಮಯದಲ್ಲಿ ಫೋಟೋಶೂಟ್ನಲ್ಲಿ ಹುಲಿ ಉಗುರು ಮಾದರಿ ಚೈನ್ ಧರಿಸಿದ್ದ ರಜತ್ ಫೋಟೋ ಈಗ ವೈರಲ್ ಆಗುತ್ತಿದೆ.
ರಜತ್ ಉಳ್ಳಾಗಡ್ಡಿಮಠ ಅವರು ಸಚಿವೆ ಲಕ್ಷ್ಮಿ ಹೆಬ್ಬಾಳಕರ್ ಅಕ್ಕನ ಮಗಳನ್ನು ಮದುವೆಯಾಗಿದ್ದಾರೆ. ರಾಜಕೀಯವಲಯದಲ್ಲಿ ಹೆಬ್ಬಾಳ್ಕರ್‌ ಅಳಿಯ ಅಂತಾನೇ ಪರಿಚಿತರಾಗಿದ್ದಾರೆ.
