ಕಬಡ್ಡಿ ಆಟಗಾರನ ಆತ್ಮಹತ್ಯೆಗೆ ಲೋನ್ ಆ್ಯಪ್ ಕಾರಣ..!
ಮಂಗಳೂರು; ನಿನ್ನೆ ಕಬಡ್ಡಿ ಆಟಗಾರ ಸ್ವರಾಜ್‌ ಆತ್ಮಹತ್ಯೆ ಮಾಡಿಕೊಂಡಿದ್ದ. ಇದಕ್ಕೆ ಲೋನ್ ಆ್ಯಪ್ ಗಳವರ ಕಿರುಕುಳವೇ ಕಾರಣ ಅನ್ನೋದು ಬಯಲಾಗಿದೆ. ಬೆಳ್ತಂಗಡಿಯ ಪುದುವೆಟ್ಟುನ ಮನೆಯ ಸ್ನಾದ ಕೊಠಡಿಯಲ್ಲಿ ಸ್ವರಾಜ್‌ ಆತ್ಮಹತ್ಯೆ ಮಾಡಿಕೊಂಡಿದ್ದರು. ನೇಣು ಬಿಗಿದುಕೊಂಡಿದು ಆತ್ಮಹತ್ಯೆಗೆ ಶರಣಾಗಿದ್ದರು. ಪೊಲೀಸರು ತನಿಖೆ ನಡೆಸಿದಾಗ, ಆತ್ಮಹತ್ಯೆಗೆ ಲೋನ್ ಆಪ್‌ಗಳೇ ಕಾರಣ ಎಂದು ತಿಳಿದುಬಂದಿದೆ.
ಜಿಲ್ಲಾ ಮಟ್ಟದ ಕಬಡ್ಡಿ ಆಟಗಾರನಾಗಿರುವ ಸ್ವರಾಜ್‌ ಕೆಲ ತಿಂಗಳಿಂದ ಕೆಲ ಲೋನ್ ಅಪ್ಲಿಕೇಷನ್‌ಗಳ ಮೂಲ ಸಾಲ ಪಡೆದಿದ್ದರು. ಸಮಯಕ್ಕೆ ಸರಿಯಾಗಿ ಹಣ ಪಾವತಿ ಮಾಡಿದ್ದರೂ, ಲೋನ್ ಕೊಟ್ಟ ಕಂಪನಿಯ ಸಿಬ್ಬಂದಿ ಕಿರುಕುಳ ನೀಡುತ್ತಿದ್ದರು. ಸ್ವರಾಜ್‌ ಅವರು ತಮ್ಮ ವಾಟ್ಸಾಪ್‌ ಡಿಪಿಯಲ್ಲಿ ಅಕ್ಕನ ಮಗಳ ಫೋಟೋ ಹಾಕಿದ್ದರೆ, ಅದನ್ನು ತೆಗೆದುಕೊಂಡು ಫೋಟೋ ಎಡಿಟ್‌ ಮಾಡಿ ವೈಲ್ಡ್‌ ಫಾರ್‌ ಸೇಲ್‌ ಎಂದು ಹಾಕಿ ಸ್ವಾರಜ್‌ ಅವರ ಕಾಂಟ್ಯಾಕ್ಟ್‌ ಲಿಸ್ಟ್‌ಗೆ ಕಳುಹಿಸಿದ್ದರು.
ಇದರಿಂದ ಮನನೊಂದ ಸ್ವಾರಜ್‌ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.
