ಸಿನಿಮಾ ಶೈಲಿಯಲ್ಲಿ ಸ್ನೇಹಿತನ ಭೀಕರ ಕೊಲೆ: ಓರ್ವ ಖಾಕಿ ವಶಕ್ಕೆ

ಚಿಕ್ಕಬಳ್ಳಾಪುರ : ಸಿನಿಮಾ ಶೈಲಿಯಲ್ಲಿ ಸ್ನೇಹಿತರೇ ತನ್ನ ಸ್ನೇಹಿತನ್ನು ಕತ್ತು ಸೀಳಿ ಭೀಕರವಾಗಿ ಕೊಲೆಗೈದ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆಯ ಶಿಡ್ಲಘಟ್ಟ ತಾಲ್ಲೂಕಿನ ಶೀಗೇಹಳ್ಳಿ ಗ್ರಾಮ ಹೊರವಲಯದ ನೀಲಗಿರಿ ತೋಪಿನಲ್ಲಿ ನಡೆದಿದೆ. ಶಿಗೇಹಳ್ಳಿ ಗ್ರಾಮದ ಮೂವತ್ತು ವರ್ಷದ ಮೋಹನ್ ಕೊಲೆಯಾದ ಯುವಕ.

ಅದೇ ಗ್ರಾಮದ ನಂದನ್.. ಸುಮನ್ ಹಾಗೂ ಆತನ ಸ್ನೇಹಿತರು ಚಾಕುವಿನಿಂದ ಕತ್ತು ಕೊಯ್ದು ಕೃತ್ಯ ಎಸಗಿದ್ದಾರೆ.. ನೆನ್ನೆ ಬೆಳಿಗ್ಗೆಯಿಂದಲೇ ಸ್ನೇಹಿತರೆಲ್ಲಾ ಜೊತೆಯಲ್ಲಿದ್ದು, ಎಣ್ಣೆ ಪಾರ್ಟಿ ಮಾಡಿ ಕತ್ತಲೆಯಾಗುತ್ತಿದ್ದಂತೆ ಮೊಹನ್ ಮೇಲೆ ಎರಗಿ ಕತ್ತು ಕೊಯ್ದು ಬರ್ಬರವಾಗಿ ಕೊಲೆಗೈದು ಪರಾರಿಯಾಗಿದ್ದಾರೆ. ಘಟನೆಗೆ‌ ಕಾರಣ ಏನು‌ ಎಂಬುದು ಇನ್ನೂ ತಿಳಿದು ಬಂದಿಲ್ಲ.  ವಿಷಯ ತಿಳಿದ ಕೂಡಲೇ ಸ್ಥಳಕ್ಕೆ ಶಿಡ್ಲಘಟ್ಟ ಗ್ರಾಮಾಂತರ ಪೊಲೀಸರು ಬೇಟಿ ನೀಡಿ ಸ್ಥಳ ಪರಿಶಿಲನೆ ನಡೆಸಿದ್ದು ಒಬ್ಬ ಆರೋಪಿಯನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ. ಇನ್ನುಳಿದ ಕೊಲೆ ಆರೋಪಿಗಳ ಪತ್ತೆಗಾಗಿ ಬಲೆ ಬೀಸಿದ್ದು, ಪೊಲೀಸರ ತನಿಖೆಯಿಂದ ಮಾತ್ರ ಸತ್ಯಸತ್ಯತೆ ಹೊರ ಬರಬೇಕಾಗಿದೆ.