ಕೇವಲ 10 ಸೆಕೆಂಡ್‌ನಲ್ಲಿ ನಿಮ್ಮನ್ನ ಮುಗಿಸ್ತೀವಿ; ಆರ್‌ಎಸ್‌ಎಸ್‌ಗೆ ಎಸ್‌ಡಿಪಿಐ ಮುಖಂಡನ ಧಮ್ಕಿ
ತಿರುವನಂತಪುರಂ; ನಡು ರಸ್ತೆಯಲ್ಲಿ ನಿಂತು ಎಸ್‌ಡಿಪಿಐ ಮುಖಂಡನೊಬ್ಬ, ಕೇವಲ 10 ಸೆಕೆಂಡ್‌ನಲ್ಲಿ ನಿಮ್ಮನ್ನ ಮುಗಿಸ್ತೀವಿ ಎಂದು ಆರ್‌ಎಸ್‌ಎಸ್‌ಗೆ ಧಮ್ಕಿ ಹಾಕಿರುವ ಘಟನೆ ಕೇರಳದ ಎರ್ನಾಕುಲಂನಲ್ಲಿ ನಡೆದಿದೆ. ಎಸ್‌ಡಿಪಿಐ ಹಾಗೂ ಪಿಎಫ್‌ಐ ಸಂಘಟನೆಗಳ ಮೇಲೆ ಎನ್‌ಐಎ ದಾಳಿ ವಿರೋಧಿಸಿ ನಿನ್ನೆ ಎರ್ನಾಕುಲಂನಲ್ಲಿ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿತ್ತು. ಈ ವೇಳೆ ನಡು ರಸ್ತೆಯಲ್ಲಿ ನಿಂತು ಮಾತನಾಡಿದ್ದ ಎಸ್‌ಡಿಪಿಐ ಮುಖಂಡ ಶಿಜೂ ಬಕ್ಕರ್‌, ಆರ್‌ಎಸ್‌ಎಸ್‌ ಧಮ್ಕಿ ಹಾಕಿದ್ದು, ಅದರ ವಿಡಿಯೋ ಈಗ ವೈರಲ್‌ ಆಗುತ್ತಿದೆ.
ನೀವು ೧೦೦ ಅಲ್ಲ ೫೦೦ ಮಂದಿಯನ್ನಾದರೂ ಬಂಧಿಸಿ. ನಾವು ಹೆದರೋದಿಲ್ಲ. ಏನೇ ಆದರೂ ಹೋರಾಡುತ್ತೇವೆ. ಜೀವ ಕೊಡೋಕೂ ಸಿದ್ಧರಿದ್ದೇವೆ ಎಂದು ಶಿಜೂ ಬಕ್ಕರ್‌ ಹೇಳಿದ್ದಾರೆ. ಜೊತೆಗೆ ಆರ್‌ಎಸ್‌ಎಸ್‌ಗೆ ಧಮ್ಕಿ ಕೂಡಾ ಹಾಕಿದ್ದಾರೆ. ಇದಕ್ಕೆ ಆರ್‌ಎಸ್‌ಎಸ್‌ ನಾಯಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
