ನಿಂತಿದ್ದ ಲಾರಿಗೆ ಕಾರು ಡಿಕ್ಕಿ; 8 ಮಂದಿ ದುರ್ಮರಣ

ಅಹಮದಾಬಾದ್; ಇಂದೋರ್ – ಅಹಮದಾಬಾದ್ ರಸ್ತೆಯಲ್ಲಿ ಮರಳು ತುಂಬಿದ ಲಾರಿಗೆ ಕಾರೊಂದು ಡಿಕ್ಕಿ ಹೊಡೆದು ದುರಂತ ನಡೆದಿದೆ.. ಲಾರಿ ನಿಂತಿದ್ದು, ಕಾರು ಚಾಲಕ ನೋಡದೇ ಡಿಕ್ಕಿ ಹೊಡೆದಿದ್ದಾನೆ.. ಘಟನೆಯಲ್ಲಿ ಎಂಟು ಮಂದಿ ಸಾವನ್ನಪ್ಪಿದ್ದಾರೆ..

   ಬುಧವಾರ ರಾತ್ರಿ 10:30ರ ಸುಮಾರಿಗೆ ಈ ದುರಂತ ನಡೆದಿದೆ.. ಘಟಬಿಲ್ಲೌಡ್​ ಬಳಿ ಮರಳು ತುಂಬಿದ ಲಾರಿ ನಿಂತಿತ್ತು.. ಎದುರುಗಡೆಯಿಂದ‌ ಬಂದ ಬೊಲೆರೋ ಕಾರು ಡಿಕ್ಕಿ ಹೊಡೆದಿದ್ದು, ಕಾರು ಸಂಪೂರ್ಣ ನಜ್ಜುಗುಜ್ಜಾಗಿದೆ.. ಕಾರಿನಲ್ಲಿದ್ದವರು ಬಾಗ್​ ತಾಂಡಾದಿಂದ ಗುನಾಗೆ ಹೋಗುತ್ತಿದ್ದರು ಎಂದು ಹೇಳಲಾಗಿದೆ.

   ಕಾರಿನಲ್ಲಿ ಒಟ್ಟು 9 ಮಂದಿ ಇದ್ದು, ಅದರಲ್ಲಿ ಒಬ್ಬ ಪೊಲೀಸ್ ಪೇದೆ ಕೂಡಾ ಸೇರಿದ್ದಾನೆ..  ಕಾರು ಚಾಲಕ ಪರಾರಿಯಾಗಿದ್ದಾನೆ ಎಂದು ತಿಳಿದುಬಂದಿದೆ..