ಮಲಯಾಳಂ ನಿರ್ಮಾಪಕನ ಜೊತೆ ಸಪ್ತಪದಿ ತುಳೀತಾರಂತೆ ನಟಿ ತ್ರಿಷಾ

ಚೆನ್ನೈ; ಬಹುಭಾಷಾ ನಟಿ ತ್ರಿಷಾ ಮದುವೆ ಫಿಕ್ಸ್‌ ಆಗಿದೆ ಎಂದು ಹೇಳಲಾಗುತ್ತಿದೆ. ಮಲಯಾಳಂನ ಖ್ಯಾತ ನಿರ್ಮಾಪಕರೊಬ್ಬರನ್ನು ಸದ್ಯದಲ್ಲಿ ತ್ರಿಷಾ ವಿವಾಹವಾಗಲಿದ್ದಾರೆ ಎಂದು ತಿಳಿದುಬಂದಿದೆ. ಈ ಬಗ್ಗೆ ಕಾಲಿವುಡ್‌ನಲ್ಲಿ ಹೆಚ್ಚು ಗುಲ್ಲೆದ್ದಿದೆ. ಆದ್ರೆ ಅಧಿಕೃತ ಮಾಹಿತಿ ಮಾತ್ರ ಹೊರಬಿದ್ದಿಲ್ಲ.
ಮಲಯಾಳಂನ ಖ್ಯಾತ ನಿರ್ಮಾಪಕನ ಜೊತೆ ತ್ರಿಷಾ ಎಂಗೇಜ್‌ಮೆಂಟ್‌ ಆಗಿದ ಎಂದು ಸುದ್ದಿಯಾಗಿದೆ. ಆದ್ರೆ ಆ ನಿರ್ಮಾಪಕ ಯಾರು..? ಎಂಬುದರ ಬಗ್ಗೆ ಮಾಹಿತಿ ಇಲ್ಲ. 40 ವರ್ಷದ ತ್ರಿಷಾ ಕೃಷ್ಣನ್‌ ಮದುವೆ ಬಗ್ಗೆ ಹಲವು ಬಾರಿ ಸುದ್ದಿಗಳು ಹರಿದಾಡಿದ್ದವು. ಆದ್ರೆ ಈ ಬಾರಿ ಮಲಯಾಳಂ ನಿರ್ಮಾಪಕನ ಜೊತೆ ಅವರು ಮದುವೆಯಾಗುತ್ತಿದ್ದಾರೆ ಎನ್ನಲಾಗಿದೆ.

ಎರಡೂ ಮನೆಯವರ ಒಪ್ಪಿಗೆ ಕೂಡಾ ಸಿಕ್ಕಿದೆ ಎನ್ನಲಾಗಿದ್ದು, ತ್ರಿಷಾ ತಾನು ಇಷ್ಟಪಡುವ ವ್ಯಕ್ತಿ ಜೊತೆಯೇ ಮದುವೆಯಾಗುತ್ತಿದ್ದಾರೆ ಎನ್ನಲಾಗಿದೆ.