ಹಲ್‌-ಚಲ್‌ ಸೃಷ್ಟಿಸಿದ ಅನುಪಮಾ ಪರಮೇಶ್ವರನ್ ಕಿಸ್ಸಿಂಗ್‌ ಸೀನ್
ಹೈದರಾಬಾದ್: ಗುಂಗುರು ಕೂದಲ ಬೆಡಗಿ, ಟಾಲಿವುಡ್‌ ಬಹುಬೇಡಿಕೆ ನಟಿ ಅನುಪಮಾ ಪರಮೇಶ್ವರನ್ ಸಖತ್‌ ಸುದ್ದಿಯಲ್ಲಿದ್ದಾರೆ. ಮೊಟ್ಟ ಮೊದಲ ಬಾರಿಗೆ ರೌಡಿ ಬಾಯ್ಸ್‌ ಸಿನಿಮಾದಲ್ಲಿ ಲಿಪ್‌ ಲಾಕ್‌ ಮಾಡಿ ಟ್ರೋಲಿಗರಿಗೆ ಆಹಾರವಾಗಿದ್ದಾರೆ. ತಾವು ನಟಿಸಿದ ಸಿನಿಮಾಗಳಲ್ಲಿ ಒಳ್ಳೆಯ ಹೆಸರು ಸಂಪಾದನೆ ಮಾಡಿದ್ದ ನಟಿ, ಇಲ್ಲಿಯವರೆಗೂ ತಾವು ನಟನೆ ಮಾಡಿದ ಸಿನಿಮಾಗಳಲ್ಲಿ ಕಿಸ್ಸಿಂಗ್‌ ದೃಶ್ಯದಲ್ಲಿ ನಟನೆ ಮಾಡಿರಲಿಲ್ಲ. ಆದರೆ ಮೊಟ್ಟ ಮೊದಲ ಬಾರಿಗೆ ರೌಡಿ ಬಾಯ್ಸ್‌ ಚಿತ್ರದಲ್ಲಿ ಕಿಸ್ಸಿಂಗ್‌ ದೃಶ್ಯದಲ್ಲಿ ನಟಿಸಿರುವುದು ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.
ಆದರೆ ಈ ಬಗ್ಗೆ ಟ್ರೋಲಿಗರು ಹೇಳೋದೆ ಬೇರೆ. ಈ ಚಿತ್ರಕ್ಕೆ ಖ್ಯಾತ ನಿರ್ಮಾಪಕ ದಿಲ್ ರಾಜು ಈ ಸಿನಿಮಾಗೆ ಹೂಡಿಕೆ ಮಾಡ್ತಿದಾರೆ. ಭದ್ರ, ಫಿದಾ, ನೇನು ಲೋಕಲ್‌, ಆರ್ಯ, ಸೀತಮ್ಮ ವಾಕಿಟ್ಲೊ ಸಿರಿಮಲ್ಲೆ ಚೆಟ್ಟು, ಶತಮಾನಂ ಭವತಿ ಹೀಗೆ ಸೂಪರ್‌ ಹಿಟ್‌ ಸಿನಿಮಾಗಳನ್ನು ನೀಡಿ ಅಭಿಮಾನಿಗಳನ್ನು ಮನರಂಜಿಸಿದ ದಿಲ್ ರಾಜು ಈಗ ತಮ್ಮ ಮನೆಮಗ ಆಶಿಶ್‌ ರೆಡ್ಡಿಯನ್ನು ಚಿತ್ರರಂಗದ ಕಣಕ್ಕಿಳಿಸಿದ್ದಾರೆ. ಸ್ಟಾರ್‌ ನಿರ್ಮಾಪಕ, ನಿರ್ದೇಶಕರ ಮಕ್ಕಳಾದ್ರೆ ನಟಿಯರು ಲಿಪ್‌ ಕಿಸ್‌ ಏನು ಎಂತಹ ದೃಶ್ಯಗಳಲ್ಲಿ ಬೇಕಾದ್ರೂ ನಟಿಸುತ್ತಾರೆ ಎಂಬ ನೆಗೆಟಿವ್‌ ಕಮೆಂಟ್‌ಗಳು ಕೂಡ ಕೇಳಿ ಬರುತ್ತಿವೆ. ಅನುಪಮಾ ಈವರೆಗೂ ಕನ್ನಡ, ತೆಲುಗು, ಮಲೆಯಾಳಂ ಭಾಷೆಗಳಲ್ಲಿ 13ಸಿನಿಮಾಗಳಲ್ಲಿ ನಟಿಯಾಗಿ ಅಭಿನಯಿಸಿದ್ದಾರೆ. ಯಾವುದೇ ಸಿನಿಮಾದಲ್ಲೂ ಇಂತಹ ದೃಶ್ಯದಲ್ಲಿ ಕಾಣಿಸಿಕೊಂಡಿಲ್ಲ.
ಸಿನಿಮಾ ಟ್ರೇಲರ್‌ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದು, ಇದೇ ಜನವರಿ ೧೪ ರಂದು ತೆರೆಗೆ ಬರಲಿದೆ. ಅನುಪಮಾ ಕಿಸ್ಸಿಂಗ್‌ ದೃಶ್ಯ ಈ ಸಿನಿಮಾಗೆ ಮತ್ತಷ್ಟು ಹೈಪ್‌ ಸಿಗಲಿದೆ ಅಂತಿದಾರೆ ಅಭಿಮಾನಿಗಳು. ಕನ್ನಡದಲ್ಲಿ ದಿವಂಗತ ನಟ ಪವರ್‌ ಸ್ಟಾರ್‌ ಪುನೀತ್‌ ರಾಜ್‌ಕುಮಾರ್‌ ಜೊತೆ ನಟ ಸಾರ್ವಭೌಮ ಸಿನಿಮಾದಲ್ಲಿ ನಟಿಸಿ ಕನ್ನಡಿಗರ ಮನಸ್ಸನ್ನೂ ಕದ್ದಿದ್ದ ಚೋರಿ ಅನುಪಮಾ ಪರಮೇಶ್ವರನ್. ಸದ್ಯಕ್ಕೆ ನಟಿ ಕೈಯಲ್ಲಿ ಸಾಲು ಸಾಲು ಚಿತ್ರಗಳಲ್ಲಿ ಬ್ಯಸಿಯಾಗಿದ್ದಾರೆ.
