ಪ್ಯಾಂಟ್‌ ಸೊಂಟದ ನಡುವೆ ಮರೆಮಾಚಿ ಚಿನ್ನ ಸಾಗಾಟ; ಬಂಧನ
ಬೆಂಗಳೂರು; ಕಸ್ಟಮ್ಸ್‌ ಅಧಿಕಾರಿಗಳ ಕಣ್ತಪ್ಪಿಸಿ ವಿದೇಶಗಳಿಂದ ಚಿನ್ನವನ್ನು ತರಲು ಜನ ನಾನಾ ಸರ್ಕಸ್‌ ಮಾಡುತ್ತಿರುತ್ತಾರೆ. ಹಾಗೆ ಮಾಡಿ ಸಿಕ್ಕಿಬೀಳುತ್ತಾರೆ ಕೂಡಾ. ಅದೇ ರೀತಿಯ ಪ್ಯಾಂಟ್‌ ಸೊಂಟದ ನಡುವೆ ಚಿನ್ನವನ್ನು ಇಟ್ಟುಕೊಂಡು ಅಧಿಕಾರಿಗಳ ಕಣ್ತಪ್ಪಿಸೋ ಪ್ರಯತ್ನ ಮಾಡಿದ ವ್ಯಕ್ತಿಯೊಬ್ಬ ಸಿಕ್ಕಿಬಿದ್ದಿದ್ದಾನೆ.
ದುಬೈನಿಂದ ಬೆಂಗಳೂರಿನ ಕೆಂಪೇಗೌಡ ವಿಮಾನ ನಿಲ್ದಾಣಕ್ಕೆ ವ್ಯಕ್ತಿ ಆಗಮಿಸಿದ್ದ. ಈ ವೇಳೆ ಕಸ್ಟಮ್ಸ್‌ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿದ್ದು, ಈ ವೇಳೆ ಅನುಮಾನ ಬಂದಿದೆ. ವ್ಯಕ್ತಿಯ ಪ್ಯಾಂಟಿ ಬಿಚ್ಚಿಸಿ ಪರೀಕ್ಷೆ ಮಾಡಿದಾಗ ಅದರಲ್ಲಿ ಚಿನ್ನ ಇಟ್ಟುಕೊಂಡು ಬಂದಿದ್ದುದು ಪತ್ತೆಯಾಗಿದೆ.
ಬಂಧಿತ ವ್ಯಕ್ತಿ ವಿದೇಶಿ ವ್ಯಕ್ತಿ ಎಂದು ತಿಳಿದುಬಂದಿದೆ. ಆತನ ಬಳಿಯಿಂದ 55 ಲಕ್ಷ ಮೌಲ್ಯದ 907 ಗ್ರಾಂ ತೂಕದ ಚಿನ್ನ ಸೀಜ್ ಮಾಡಿದ್ದಾರೆ.
