ಅಕ್ರಮ ಸಂಬಂಧ; ಸಬ್‌ಇನ್ಸ್‌ಪೆಕ್ಟರ್‌ ವಿರುದ್ಧ ಪತ್ನಿಯಿಂದಲೇ ದೂರು
ಬೆಂಗಳೂರು; ಅಕ್ರಮ ಸಂಬಂಧ ಪ್ರಶ್ನೆ ಮಾಡಿದ್ದಕ್ಕೆ ನನ್ನ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ಸೂಲಿಬೆಲೆ ಸಬ್‌ಇನ್ಸ್‌ಪೆಕ್ಟರ್‌ ರಮೇಶ್‌ ವಿರುದ್ಧ ಅವರ ಪತ್ನಿಯೇ ದೂರು ದಾಖಲಿಸಿದ್ದಾರೆ. ರಮೇಶ್‌ ಕಾರ್ಯನಿರ್ವಹಿಸುತ್ತಿರುವ ಸೂಲಿಬೆಲೆ ಪೊಲೀಸ್‌ ಠಾಣೆಯಲ್ಲೇ ಎಫ್‌ಐಆರ್‌ ದಾಖಲಾಗಿದೆ.
ರಮೇಶ್‍ಗೆ ಬೇರೆ, ಬೇರೆ ಅಕ್ರಮ ಸಂಬಂಧಗಳಿವೆ. ಈ ಬಗ್ಗೆ ಆತನ ಮೊಬೈಲ್‍ನಲ್ಲಿ ಅಶ್ಲೀಲ ವೀಡಿಯೋ, ಅರೆಬೆತ್ತಲೆ ಫೋಟೊಗಳು, ಮಾಟ ಮಂತ್ರದಂತ ಫೋಟೊಗಳಿದ್ದು ಕೆಲ ವೀಡಿಯೋಗಳು ವೈರಲ್ ಆಗಿವೆ. ಅಕ್ರಮ ಸಂಬಂಧ ಪ್ರಶ್ನೆ ಮಾಡಿದ್ದಕ್ಕೆ ನನ್ನ ಮೇಲೆ ಹಲ್ಲೆ ಮಾಡಿದ್ದಾರೆ. ಬೇರೆ, ಬೇರೆ ಯುವತಿಯರನ್ನು ಮದುವೆಯಾಗಿದ್ದಾರೆ ಎಂದು ಪತ್ನಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
