ಲಿಫ್ಟ್ ಗುಂಡಿಗೆ ಬಿದ್ದು ಆರು ವರ್ಷದ ಬಾಲಕಿ ಸಾವು
ಬೆಂಗಳೂರು; ಲಿಫ್ಟ್ ಗುಂಡಿಗೆ ಬಿದ್ದು ಆರು ವರ್ಷದ ಬಾಲಕಿ ಸಾವನ್ನಪ್ಪಿರುವ ಘಟನೆ ಬೆಂಗಳೂರಿನ ಸುಲ್ತಾನ್‌ ಪೇಟೆಯಲ್ಲಿ ನಡೆದಿದೆ. ಯಲಹಂಕದ ಕಮಲಮ್ಮ ಮತ್ತು ಮಲ್ಲಪ್ಪ ದಂಪತಿಯ ಪುತ್ರಿ ಮಹೇಶ್ವರಿ (6) ಲಿಫ್ಟ್ ಗುಂಡಿಗೆ ಬಿದ್ದು ಮೃತಪಟ್ಟಿರುವ ಬಾಲಕಿ ಎಂದು ತಿಳಿದುಬಂದಿದೆ.
ಮೃತ ಬಾಲಕಿಯ ತಂದೆ ಮಲ್ಲಪ್ಪಗೆ ಕಣ್ಣಿನ ಸಮಸ್ಯೆ ಇದ್ದು, ಚಿಕಿತ್ಸೆಗೆಂದು ಬೆಂಗಳೂರು ನಗರಕ್ಕೆ ಬಂದಿದ್ದರು. ಇದೇ ವೇಳೆ ಸುಲ್ತಾನ್‌ ಪೇಟೆಯಲ್ಲಿ ಸಂಬಂಧಿಕರು ಕಟ್ಟಡ ನಿರ್ಮಾಣ ಕಾರ್ಯ ಮಾಡುತ್ತಿದ್ದರು. ಅವರನ್ನು ಭೇಟಿ ಮಾಡಲು ಮಲ್ಲಪ್ಪ ಕುಟುಂಬ ತೆರಳಿತ್ತು. ಮಲ್ಲಪ್ಪ ಪತ್ನಿ ಸಣ್ಣ ಮಗುವಿಗೆ ಹಾಲುಣಿಸುತ್ತಿದ್ದಳು. ಈ ವೇಲೆ ಆರು ವರ್ಷದ ಮಹೇಶ್ವರ ಆಟವಾಡುತ್ತಿದ್ದಳು. ಆದ್ರೆ ಕೆಲ ಹೊತ್ತಿನಲ್ಲಿ ಆಕೆ ಕಾಣಿಸಿಲ್ಲ. ಇದ್ರಿಂದ ಗಾಬರಿಗೊಂಡ ತಾಯಿ ಹುಡುಕಾಡಿದಾಗ, ಲಿಫ್ಟ್ ಗುಂಡಿಗೆ ಬಿದ್ದಿರುವುದು ಗೊತ್ತಾಗಿದೆ. ಕೂಡಲೇ ಮಗುವನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಆದ್ರೆ ಅಷ್ಟರಲ್ಲಾಗಲೇ ಮಗು ಸಾವನ್ನಪ್ಪಿತ್ತು.
