Karnataka Bandh; ಹೋರಾಟಕ್ಕೆ ಕಲಾವಿದರು ಬಂದು ಏನು..?; ಶಿವರಾಜ್‌ಕುಮಾರ್‌
ಬೆಂಗಳೂರು; ಕಲಾವಿದರು ಹೋರಾಟಕ್ಕೆ ಬರೋದಿಲ್ಲ ಎಂದು ಕೆಲವರು ಆರೋಪ ಮಾಡುತ್ತಾರೆ. ಆದ್ರೆ ನಾವು ಬಂದು ಏನುಮಾಡಬೇಕು..? ನಾವು ಬಂದು ನಿಂತುಕೊಂಡರೆ ಏನು ಆಗುತ್ತೆ ಹೇಳಿ..? ಎಂದು ಹ್ಯಾಟ್ರಿಕ್‌ ಹೀರೋ ಶಿವರಾಜ್‌ಕುಮಾರ್‌ ಪ್ರಶ್ನೆ ಮಾಡಿದ್ದಾರೆ. ಚಿತ್ರರಂಗದ ಕಾವೇರಿ ಹೋರಾಟದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.
ಕಾವೇರಿ ನೂರಾರು ವರ್ಷಗಳಿಂದ ಇದೆ. ಆಗಿನಿಂದಲೂ ನಾವು ಹೋರಾಟ ಮಾಡಿಕೊಂಡೇ ಬಂದಿದ್ದೇವೆ. ಆದ್ರೆ ಸಮಸ್ಯೆಗೆ ಯಾಕೆ ಪರಿಹಾರ ಸಿಗುತ್ತಿಲ್ಲ..? ಎರಡೂ ರಾಜ್ಯಗಳ ಸರ್ಕಾರಗಳು ಕೂತು ಚರ್ಚೆ ಮಾಡಬೇಕು. ಸಮಸ್ಯೆ ಬೆಹರಿಸಬೇಕು ಎಂದು ಶಿವರಾಜ್‌ಕುಮಾರ್‌ ಆಗ್ರಹ ಮಾಡಿದರು. ನಿನ್ನೆ ಕೆಲ ಕನ್ನಡ ಪರ ಹೋರಾಟಗಾರರು ತಮಿಳ ನಟ ಸಿದ್ಧಾರ್ಥ ಅವರ ಸಿನಿಮಾ ಪ್ರಚಾರ ಮಾಡಲು ಬಿಡಲಿಲ್ಲ. ಈ ನಡೆಗೆ ನನ್ನ ಆಕ್ಷೇಪಣೆ ಇದೆ ಎಂದು ಶಿವಣ್ಣ ಹೇಳಿದರು.
