ತಿರುಪತಿ ದೇಗುಲದಲ್ಲೇ ನಟಿಗೆ ಮುತ್ತಿಟ್ಟ ಚಿತ್ರ ನಿರ್ದೇಶಕ; ಜೋರಾಯ್ತು ವಿವಾದ

ತಿರುಪತಿ; ತಿರುಪತಿಯಲ್ಲಿ ಪ್ರಭಾಸ್‌ ನಟನೆಯ ಆದಿಪುರುಷ್‌ ಚಿತ್ರದ ಪ್ರಿ ರಿಲೀಸ್‌ ಇವೆಂಟ್‌ ಆಯೋಜಿಸಲಾಗಿತ್ತು. ಈ ವೇಳೆ ಚಿತ್ರತಂಡ ತಿಮ್ಮಪ್ಪನ ದರ್ಶನ ಪಡೆಯಿತು. ಇದೇ ಸಂದರ್ಭದಲ್ಲಿ ಚಿತ್ರದ ನಿರ್ದೇಶಕ ಓ ರಾವತ್‌ ಅಚಾತುರ್ಯವೊಂದನ್ನು ಮಾಡಿ ವಿವಾದ ಮೈಮೇಲೆ ಎಳೆದುಕೊಂಡಿದ್ದಾರೆ. ಚಿತ್ರದ ನಾಯಕಿ ಕೃತಿ ಸನೂನ್‌ಗೆ ಅವರು ಮತ್ತಿಡುತ್ತಾರೆ ತಬ್ಬಿಕೊಳ್ಳುತ್ತಾರೆ, ದೇಗುಲದ ಆವರಣದಲ್ಲೇ ಈ ರೀತಿ ಮಾಡಿದ್ದು ಹಲವರ ಆಕ್ರೋಶಕ್ಕೆ ಕಾರಣವಾಗಿದೆ. 

ದೇವರ ದರ್ಶನ ಮುಗಿಸಿದ ನಟಿ ಕೃತಿ ಸನೂನ್ ತಮ್ಮ ಕಾರಿನ ಕಡೆ ಆಗಮಿಸುತ್ತಿರುತ್ತಾರೆ. ಈ ವೇಳೆ ನಿರ್ದೇಶಕ ಓಂ ರಾವತ್ ಹತ್ತಿರಕ್ಕೆ ಬಂದು, ಕೃತಿ ಸನೂನ್‌ರನ್ನು ತಬ್ಬಿಕೊಳುತ್ತಾರೆ. ನಟಿಗೆ ಮುತ್ತಿಡುತ್ತಾರೆ.

ದೇವಸ್ಥಾನದ ಆವರಣದಲ್ಲಿಯೇ ಈ ಘಟನೆ ನಡೆದಿದೆ. ಈ ವಿಡಿಯೋ ವೈರಲ್ ಆಗಿದ್ದು, ತಿಮ್ಮಪ್ಪ ಭಕ್ತರು ಇವರ ನಡವೀಕೆಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.